Bahan Perpulungen Jabu – jabu Tanggal 14 – 20 Agustus 2022, Lakoken Alu Metunggung Dingen Ratur (1 Korinti 14 : 33, 40)

Bahan Perpulungen Jabu – jabu Tanggal 14 – 20 Agustus 2022, Lakoken Alu Metunggung Dingen Ratur (1 Korinti 14 : 33, 40)

Bahan Perpulungen Jabu – jabu

Tanggal 14 – 20 Agustus 2022

Ogen : 1 Korinti 14 : 33, 40

Tema   : Lakoken Alu Metunggung Dingen Ratur

Tep – tep kalak tentu metedeh kel atena nggeluh ibas kinitunggungen dingen keteraturen. Tapi ibas kinatana kalak si ertedeh ate nggeluh ibas kinitunggungen ras ratur terbentur ku bas sikap egois si erbahanca turah kekacauan.

Ogenta enda ngangkat kerna pengalaman perpulungen i Korinti si bayak ibas erbage – bage pemere. Erbage – bage pemere e iperluken kel guna majekken kula ni Kristus, ertina potensi sumber daya manusia perpulungen Korinti e tuhu mbelin kel, alu pemeteh si lit perpulungen e labo hanya bertumbuh pesat tapi pe mereken dampak si mehuli nandangi sekelewetna tapi si rusur terjadi energi perpulungen rusur ipekeri guna hal – hal si labo kel situhuna penting kel. Rusur terjadi perdebaten kerna ise si mbelinna, ersoal kerna posisi dilaki ras diberu ibas jabatan – jabatan tertentu, situasi enda me si persingeti Paulus. Ipindoken Paulus gelah perpulungen e pertama mpersembahken kai si lit ibas ia (ay. 26a) adi kin baginna ertoto, ertotolah; adi kin mejile soranta buatlah bagin jadi simimpin ende -nden pujin alu kata si deban lakoken baginta sekalak – sekalak alu mehuli. Peduaken siilkoken kita e bahanlah guna mbangun kula Kristus (ay. 26b); kerina silakoken kita tetaplah guna mpermuliaken Dibata labo guna ndarami pujin man dirinta. Peteluken, lakoken kerinana guna saling mperlengkapi perpulungen (ay. 27, 29); ibere Dibata m,an banta pemeteh sip elain – lain kerina erguna la terjeng man banta saja tapi pe man temanta. Peempatken, erlajarlah guna menahan diri (ay. 28, 30); kegeluhen bas perpulungen labo bagi kegeluhen ibas inganta erdahin si erlumba guna ndatken jabatan ntah pe nama baik. Kegeluhen bas perpulungen harus tetap ngasup menahan diri, adi kin sinik, sinik sajalah janah begiken si sangana ngerana.

                Tema-ta eme Lakoken kerina alu metunggung dingen ratur. Arah tema enda iajuk man banta segelah kita pe tetap ngasup njagai dirinta gelah tetap metunggung (Ind. Sopan) ibas ncidahken biak ta selaku kalak si tek janah tetap ratur ibas kai – kai pe. Adi lit kalak paksana ngerana si jagai dirinta gelah ngasup megi – megi. Ibas paksa kebaktin si pesikap kerina si jadi keperlun bas kebaktin e gelah ratur perdalanen kebaktin e janah si jagai ka dirinta segelah metunggung kita jumpa ras Tuhan. Erkiteken Dibatata eme Dibata si dem alu kiniraturen emaka marilah kita pe tetap nggeluh ibas kiniraturen dingen metunggung.


Pdt. Sri Novalinda Br Tarigan

GBKP Rg Tebing Ganjang

Share this post

Leave a Reply

Your email address will not be published.