Minggu, 24 Juli 2022 MINGGU NJAYO Invocatio :   Dage kiniteken rehna arah megi Berita e, janah isi Berita e, e me Kata kerna Kristus (Rom. 10:17) , Maba Persembahen( Maleaki 3:8-12 (Tunggal))

Minggu, 24 Juli 2022

MINGGU NJAYO

Invocatio :   Dage kiniteken rehna arah megi Berita e, janah isi Berita e, e me Kata kerna Kristus (Rom. 10:17)

Ogen        :   Galati 6:4-10 (Tunggal)

Kotbah    :   Maleaki 3:8-12 (Tunggal)

Tema       :   Maba Persembahen

1. Bena Kata

Minggu enda bengket kita ku Minggu GBKP Njayo si kin GBKP arus encidahken kemandirian subuk ibas Teologia, Daya ras Dana. Emaka Ibas mperingeti GBKP Njayo pe 81 tahunken ibas 23 Juli 2022, gereja tetap iarapken banci lebih mandiri, kreatif, inovatif sekaligus secara terus menerus memandirikan ngawan perpulungen jadi persembahen si nggeluh. Erkiteken melala kel dampak si mehuli ibas pengangkanta kerna maba persembahen enda ras pengaruhna ku kemandirian gerejata GBKP paksa enda. Terlebih dampak COvid-19 erbahan gerejata mengalami kesulitan ibas kemandirian dana. Emaka mari siorati kerna uga seharusna kita maba persembahen si mehulina man Dibata ibas Minggu njayo enda.

1. Isi

Invocatio: Nuriken kerna uga banci kita jadi kalak si erkiniteken. Maka secara sederhana jelas ituriken ibas Roma 10:17 enda eme arah megi kata Dibata. Judul Prikop ibas bahan invocatio enda ngerana kerna Keselamaten e isikapken Dibata man kerina manusia. Ibas kita GBKP mengakui maka keselamaten e Anugerah arah Dibata, janah keselamaten e banci I aloken kita adi kita tek nandangi Kristus si jadi Juruselamatta e. emaka uga carana segelah kita banci jadi kalak si erkiniteken, eme arah mbegiken kata Dibata, berita e eme kerna Kristus. Berarti lit ije kata kerja si ertina mbegiken Berita e, si ertina labo terejeng mendengar saja tapi uga banci si dalanken kerina kerna Berita e, lit buahna adara kita ngaloken kata Dibata e. Uga sedekah enda kita ibas kegeluhenta, apakah terjeng megi saja atau nggo sibegiken si ertina sidalanken pea rah kegeluhenta?

Ogen   : Emaka seharusna respon ibas kita mbegiken kata Dibata e, eme alu nggit nggeluh si sampat-sampaten ras sekelewetta. Bagi ibas bahan ogenta pengajaren segelah manusia si sampat-sampaten. Paulus nuriken uga seharusna manusia menguji lagu langkahna jine dengan tidak membanding-bandingkan dirinya dengan orang lain. Si ertina asa bancina harus sehken pemahamen man perpulungen bahwa setiap orang nggo I bahan Dibata porsina masing-masing, kerna perbeben, masalah, bagepe kemalemen ate, ketenangen, kebahagiaan. Erkiteken jelas ikataken maka sekalak-sekalak simaba babanna nge. Krisis menghargai I tengah-tengah gerejata pe cukup memprihatinkan, adi erban salah kenca temanta labo kita mbiar guna mis mengomentari, tanpa kita sadari kita nggo menghakimi ia, padahal seharuna labo banci kta menghakimi teman ta manusia. Emaka I jelasken Paulus nampati I seri ras nuanken benih si mehuli ibas Kesah SiBadia, si she pagi waktuna pasti pagi si perani, eme kegeluhen si rasa lalap. Ertina tidak ada yang sia-sia dihadapan Tuhan apalagi adi kita nggit ngelai alu tutus ras tulus, Dibata nggo njamini kegeluhen si rasa lalap man banta si tek man baNa. Uga carana kita nehken bujur ibas si e, eme lau nampati, menolong teman sekelewetta. Erkiteken kita I bere Dibata gegeh guna nampati temanta si deban.

Kotbah           : Kitab Maleaki enda isuratken asum abad 5 ope Masehi,kenca Rumah Pertoton i Jerusalem ipajekken mulihi.Tujun penulisen Kitab Enda eme ngingetken mulihi kempak imam ras bangsa Israel guna mpelimbarui kesetianna nandangi Dibata,sebab enggo me terjadi kemerosotan moral bagepe kiniteken bangsa e man Dibata.Imam erpekat ras bangsa e guna nipu Tuhan dingen lanai mereken persembahen si mehulina man Tuhan.Kebaktin-kebaktin enggo jadi formalitas ngenca,seh maka kejahaten pe reh buena i tengah-tengahna.

Si jadi asum si e eme mpersembahken rubia-rubia si pentang (1:8), pengajaren si lanai payo i bas imam-imam nari (2:8), erjabu ras bangsa si la erkiniteken man Dibata (2:11),sirang jabuna (2:11),lupa nandangi persepuluhen si jadi sikerajangen Tuhan (3:8).Emaka Nabi Maleaki isuruh Tuhan guna mpersingeti bangsa e maka Dibata reh me ku tengah-tengahna guna ngadili dingen ngukum kalak si enggo lanai ndalanken bagi si ngena ate Dibata.Maleaki 3:10, Dibata mereken persinget man Bangsa Israel maka Ia tetap encidahken kesetian ras keleng ateNa ras tetap njagai kegeluhen bangsa Israel (Mal.1:2-5;3:6).Tapi bangsa Israel ngelakoken si la mehuli,Imam-Imam la mehamat man Tuhan alu mpersembahken pangan si keliamen i bas batar-batar (Mal.1:6-14).Kerna nggalar persepuluhen e nuduhken sada perentah segelah bangsa Israel maba persembahen si jadi tanggung jawabna selaku kalak sienggo ngaloken keleng ate Dibata. Nehken ras maba persembahen e me tanda maka bangsa enda nggejabken Dibata me ulu kegeluhen.Nggejabken uga perbahanen Dibata baba bangsa Israel ndarat i Babil nari ras bangsa Israel ngaloi kiniulin Dibata. Ertina arah teks enda babai bangsa Israel guna njagai erti pasu-pasu ibas Tuhan nari sienggo masu-masu kegeluhena. Emaka Maleaki mulihi mempersingeti segelah nabi-nabi tetap meritaken kerna padan Dibata segelah bangsa Israel tetap jadi terang man bangsa-bangsa si deban.

Arah Minggu GBKP Njayo enda,kita idilo guna mperdiateken uga selama enda sikap ras caranta ibas mereken persembahen man Tuhan.Mereken persembahen man Tuhan eme sebagai bukti kepatuhenta ras pengakunta bahwa kegeluhenta enda enggo ipasu-pasu Tuhan.Alu bage la sibuali maka erkiteken pasu-pasu Tuhan nge kai pe sienggo sialoken seh ibas paksa enda,labo erkiteken gegehta,tapi erkiteken i pasu-pasu Tuhan.Emaka labanci silupaken Tuhan ibas pasu-pasu sienggo sialoken e. Ibas kita maba persembahenta ku Tuhan perlu kel siperdiateken kualitas persembahenta e.Adi Tuhan enggo mereken simehulina man banta,maka kita pe la banci lang mereken persembahen si mehulina.Kita perlu merenungkan ulihi uga kita mereken persembahenta man Tuhan. Babalah persembahenta ku Tuhan simehulina,alu teratur ras berkualitas, simehulina. Sebagai warga Gereja GBKP kita ikut bertanggung jawab ibas pelayanen GBKP.Emaka dalam rangka GBKP Njayo,kita kerina idilo guna menyalurkan pasu-pasu Tuhan arah kai silit ibas kita.Tuhan simasu-masu setiap upaya ras kai pe silakoken kita guna dahin-dahin itengah-tengah gerejanta. Harus si inget maka persepuluhen e eme Dibata punana,emaka ibas bahannta enda jelas man banta, bahwa konsep memberi, nehken persembahen, eme ngulihkennca nca kita man Dibata, sebab IA kap punana kerina, kai nari kebiarenta. Persepuluhen e, persembahen harus sehken man Dibata, jadi konsepna labo kubereken milikku man DIbata, taapi aku ngulihkenca ngenca erkiteken DIbata kap kerina punana.

 Aplikasi

Emaka ibas situasi sinihadapi gerejanta ibas paksa enda,kita idilo guna muat bagin maba persembahen,aktif kita merawat ras perdiateken gerejanta, Tuhan makeken kita lako pekena gerejanta GBKP ibas paksa enda. Emaka pendilo Tuhan ku Maleaki lako maba bangsa pilihenNa guna ngergaken kesetiaen Dibata, sebab kesetiaen Dibata maba pasu-pasu man bangsaNa. Bageka me pendilo Tuhan man banta warga GBKP guna setia lako pekena gerejanta. Gelah alu bage gerejanta banci semakin mandiri ibas wari-wari sireh enda. Maba persembahen la terjeng nuduhken maka e jadi tanggung jawabta selaku kalak si enggo mandiri/Njayo,tapi nuduhken maka kita kalak si berintegritas, kalak si ertanggung jawab, kalak si erkiniteken ras tek maka Tuhan me ulu geluhta. Inget sada kalimat si cukup erbahan kita rukur emekap: jangan tanyakan apa yang sudah gereja berikan padamu, tapi coba tanyakan apa yang sudah kamu berikan pada gereja? ibas kita nggit maba persembahen, perpuluhen ras sidebanna, berarti kita nggo nggit muat bagin guna nampati pelayanen I tengah-tengah gerejanta. Janah DIbata mereken man manusia kesempaten guna nguji Dibata ibas kais i ialoken kita bagepe ibas kai kita nehken persembahenta. Maba Persembahen e nampati keuangen I tengah-tengah gerejata segelah kerina banci tersampat janah banci kerina ndalanken program pelayanan si nggo I rencanaken. Bageme kemandirian si niarapken, la hanya ekonomi saja, mandiri ibas kai pe, bagi si ngena ate Dibata.