PJJ tanggal 10-16 Juli 2022, Meteh Sura-Sura Tuhan Arah Bencana (Joel 1:1-7) (Teologia Bencana Alam)

PJJ tanggal 10-16 Juli 2022

Meteh Sura-Sura Tuhan Arah Bencana (Joel 1:1-7)

(Teologia Bencana Alam)

1. Sitek ngenca sieteh kerna Nabi Joel janah la jelas ndiganai ia nggeluh. Tapi sue ras kitab enda enda, ia nggeluh tupung pemerintahen raja Persia e me ibas abad 4 tah 5 ope Kristus. Joel nurike sada kepiceten erkiteken bala tentara labang reh nerang dingen ngkernepken belang-belang Palestina. Tupung kejadin enda idahna tanda-tanda kehadiren wari Tuhan e me paksa Tuhan ngukum kalak si ngelawan kempak kebenaren peratenNa. Ipebetehken Nabi kerna pengelebuh Tuhan man bangsaNa e gelah erkadiola. Tuhan erpadan maka Ia simpekena dingen simasu-masu bangsaNa mulihi. Perlu pe iperdiateken padan Dibata lako mpesusur KesahNa ku babo kerina kalak, subuk dilaki tah diberu, subuk man kalak singuda bage pe man kalak si enggo metua.
2. Labang e tinepa Dibata si mejile dingen mehuli sebab la lit tinepa Dibata si la mehuli. Saja labang si la terkontrol pergerakenna erbahanca jadi bencana alam. Labang erbahanca sinuan-sinuan e keri sierbahanca hasil pertanian pe hancur, pengan manusia pe terganggu seh maka krisis pangan terjadi. Bencana alam enda di luar kemampuan manusia memprediksisa gia tanda-tanda terkadang lit tapi kehendak alam la ngasup ngelawansa. Pesan nabi Joel enda menyentuh secara holistic kegeluhen umat Tuhan. Secara psikologis, menenteramkan jiwa si sangana gundah gulana. Secara sosiologis mereken pengarapen maka bangsa Tuhan tetap ipulihkenNa. Secara teologis, Joel ngidah maka wari Tuhan enggo reh. Kehadiren Tuhan ibas bencana e tetap ngge lit.
3. Mari sinehen bencana alam arah sudut pandang teologia penciptaan. Sejarah alam semesta imulai arah penciptaan langit ras doni (kitab Kejadin) janah kitab ketangkasen ngerana kerna penciptaan simbaru. Sejarah manusia lit ibas dua sejarah penciptaan. Janah teologia penciptaan enda ngajarken kita maka bencana alam salah sada cara Tuhan meremajaken alam ciptaanNa menuju ciptaan si mbaru. Jadi kita haruslah ngenehen kehadiran, penyertaan Tuhan man bangsaNa melewati proses alam meremajakan diriNa. Tugas manusia eme jera (nadingken biak dosa ras nggeluh ibas kegeluhen si sentudu ras peraten Tuhan) dingen nggeluh si survive. Chales Darwin ngataken: “Bukanlah spesies yang paling kuat atau paling cerdas yang mampu survive tapi mereka yang paling mampu beradaptasi terhadap perubahan.”
4. Refleksi man banta kerna meteh sura-sura Tuhan arah bencana maka perlu penekanen kerna teologia penciptaan ras teologia bencana enda sada gerak lurus ras saling menguatkan sada ras sidebanna. Janah mari, sinehen Tuhan hadir merangkai setiap bencana dalan Tuhan meningkatkan kualitas kegeluhen ras kebergantungenta man Tuhan saja. Jadilah pribadi sipeka perubahan situasi ras mampu beradaptasi si mampu melewati beragam musim.

Sharing:

1. Turiken pengalamenta (baik langsung ntah terjeng ngidah) tupung ngalaken bencana alam si terjadi ibas kegeluhenta?
2. Pelajaren kai nge si dat arah bencana alam siinanami kita?

Pdt. Daud  Sembiring