Bimbingen Khotbah 10 Juli 2022 (Kenca Trinitatis/Minggu Pendidikan),Kepentaren Erbahanca Umur Nggedang, Kuan-Kuanen 9:7-12 (T)

Bimbingen Khotbah 10 Juli 2022 (Kenca Trinitatis/Minggu Pendidikan)                                

Invocatio             : Bereken man bangku kepentaren dingen pemeteh, erkiteken ernalem aku man perentah-perentahNdu (Msm. 119:66)

Ogen                     : 2 Timotius 2:14-19 (T)

Khotbah               : Kuan-Kuanen 9:7-12 (T)

Tema                     : Kepentaren Erbahanca Umur Nggedang

1. Kitab Kuan-kuanen enda ngerna kerna ajaren agama dingen ajaren kegeluhen sipayo sebage orat nggeluh. Isina mbue nuriken kerna cara nggeluh ibas kegeluhen tep-tep wari. Misalna, hubungen ibas keluarga, urusen perbinagan, kehamaten erteman, ngampar bana. Ringkasna ngantusi perentah Tuhan alu kepentaren rukur tanpa ritus, ritual keagamaan. Siunikna, carana nuriken kebenaren pengajarenna alu mpertentangkenna dua jenis manusia, pentar ras motu dingen uga pendungi/ulih geluhna. Kitab kuan-kuanen masuk ibas kategori kitab hikmat ibas kegeluhen kalak Israel sienggo I kanonken si ngajarken kerna uga orat nggeluh kegeluhen sitep-tep wari.
2. Kuan-kuanen 9:7-12 erpalas ku bas tema “Kepentaren Erbahanca Umur Ngedang” jadi bahan renungen kotbah bas minggu enda. Alam berpikir kalak Israel menggunaken hati (Leb; bahasa Ibrani) berbeda kali bas alam berpikir Junani si mengunggulkan otak sebagai pusat berpikirna. Israel menganggap bahwa hati memiliki carana sendiri rukur. Emaka kalak berkhidmat bas kalak enda lit na ibas hati siertimbang-timbang, muat keputusen ras sikap si payo. Erlajar e labo hanya menambah pemeteh ras melatih hati berkhidmat tah pe pentar. Semakin pentar sekalak jelma maka semakin erbahanca umur nggedang. Umur ngedang ijenda labo saja soal jumlah tahu-tahun kegeluhen tapi dampak kegeluhenta lebih ndekah tergejap ras berkualitas.
3. Ibas jaman Padan Si Ndekah, pendidiken perlu kal ilitken ibas kalak Israel. Ibas ulangen 6:1-9 tertulis uga bangsa enda arus ndatken pendidiken baik secara agama bage pe ilmu sekuler si membentuk karakter sada bangsa si pentar I tengah-tengah bangsa si lebih maju, karakter anak-anak Dibata arah kinitekenna ras e ilakoken tiap wari. Dibata erdiate man bangsaNa alu mereken umur si ngedang ras kejuah-juahen ibas ia matuhi Undang-undang Tuhan segalah bangsaNa jadi bangsa si mbelin. Pengalamen (trauma) jadi budak ibas Mesir jadi pelajaren simeherga erkiteken mental, pemeteh ras kiniteken lenga paguh. Bangsa besar imulai arah pendidikenna. Pendidiken e ibentuk ibas keluarga nari tapi Rumah Pertoton bage pe Sinagoge membuka ruang la saja ingan beribadah tapi ruang belajar. Saja tetap bagi focus alam berpikir Israel/Jahudi bahwa pendidiken hikmat (hati) lebih ibentuk daripada otak. Alu sada harapen maka semakin berpendidiken sekalak jelma semakin beriman, bermoral, berkarakter ras erpemeteh guna meningkatkan kualitas diri,erguna man Tuhan, keuarga ras bangsasa.
4. Teks oratenta sekalenda ngerana kerna dua sikap jelma uga ngaloken masukan, kritikan dingen kata ajar. Sikap pertama, teridah uga ia menolak, bahken memperlakukan kalak si ngajari, mpersingeti, mengkritik e alu sikap negative. Ulihna berbeda ras kalak pentar ngaloken kritiken ras masuken, ia ngataken bujur, reh kelengna man singajarken erbahanca geluhna pe ertambah-tambah pentar ras pemetehna pe ertambah-tambah. Kalak pentar enda terbuka ibas hal-hal baru, kekurangen dingen kelebihen janah enda iolahna guna membangun kiniulin ras lalap berpikir positip ibas kai-kai pe. Simelala pembenaran diri alu kata-kata apologetna biasana perbahanenna e lenga ersora ngerana ras erberita kerna kebenarenna, kualitas geluhna. Adi enggo cukup erberita maka cukup tutup mulut janah pediat perbahanen e nuri-nuri kerna kita alu cara ras bahasana. Teringet kutipen kalak pentar nina, “menanggap kritikan, orang bijak akan mengkoreksi diri namun orang bebal akan mencari kambing hitam.” Misalna saja, kalak meganjang rukur ula lebe mengakui kesalahan bahken bukna nge sirontok, sampoo isalahkenna.
5. Anthony de Mello ibas bukuna “Sejenak Bijak” nina, “Bunga akan memekar menyapa embun pagi dan mentari yang bersinar namun akan mengatupkan bunganya saat hujan deras menerpa.” Kalak pentar e labo pedas menghakimi, menyalahkan tanpa alas an ras tujuan. Kalak pentar enda beluh melasken kata simembangun she maka kata-kata e erbahanca pusuhna terbuka ngaloken kata ajar tanpa harus menutup pusuh sebab leben enggo ihakimi. Pendidiken bas Israel labo terjeng ruang belajar ras akademis tapi realita kegeluhen. E maka adi lit kalak ngaajarken, ngataken kerna sada hal labo berarti ia beluhen tapi banci saja dalan guna berbagi pengalamen ras pemeteh sebab banci saja kai sinialami sekalak jelma e enggo pernah idalanina jadi ia ingin berbagi cerita kegeluhen.
6. Ibas bahan ogenta sekalenda Paulus melatih, mendidik Timotius jadi sekalak pemimpin perpulungen gia umurna nguda denga. Sekalak siberhasil harus nggit ilatih, erlajar ras ididik. Paulus e jadi mentor ras guru man Timotius. Kemampuan e ula arapken sekali jadi, reh sisada, nusurbas surge nari tanpa latihan ras nggit mengembangkan diri. Timotius harus nggit bertumbuh ras berkembang arah bimbingen sekalak guru besar man bana. Bage ka nge kehadirenna pe man perpulungen kep-kepenna pe iperlakukenna bagi ia ibentuk ras iajar Paulus. Perpuungen e pe arus ididik ras iajar segelah bertumbuh ibas kiniteken, pentar ras erpemeteh segelah nteguh ibas palas er Dibata dingen la gampang icedai angina pengajaren si papak (2 Tim. 2:19). Tambahenna, invocationta nuriken uga perentah Tuhan mereken kepentaren ras pemeteh (Msm. 119:66). Semakin nggeluh ibas Perentah Tuhan maka e erbahanca kalak sierkiniteken e reh pentar/bijak ertimbang, beluh muat keputusen alu erkemalangen man Tuhan ras mensejahterakan nterem jelma. La meros erbahan kai pe.
7. Minggu enda kita bengket kubas minggu pendidiken. Salah sada unsur simembentuk karakter jelma gelah banci nggeluh reh ulina e me pendidiken. Ija tujun pendidiken e me merobah pola piker, pola tingkah ras pola ucap tep-tep jelma gelah mehuli. Lit 3 sarana ipake para zending erberita man kalak karo eme, Rumah Sakit (menyentuh ku bas kesehaten), Pasar (menyentuh ku bas aspek ekonomi), Sekolah-sekolah (menyentuh aspek pendidikan). Berita simeriah la saja reh arah mimbar gereja tapi arah si telu hal enda. Mibar berita si meriah e harus menyentuh kehidupan real, nyata. Erberita arah peduli kempak kesehatan, ekonomi, ras pendidikan, janah enda igelari “Mimbar kehidupan”. Akap kami pesan/berita enda tetap eksis she asa gundari. Pendidikan eme sarana mensejahterakan, memajukan banyak hal daripada pendidiken e la igalakken. Bagi nina Nelson Mandela (Politikus Afrika Selatan): “Pendidikan adalah senjata paling ampuh untuk mengubah dunia.” E maka mari ula anggap enteng pendidiken enda. Pendidikan e labo saja secara akademis, formal tapi non formal (khususna keluarga, gereja ras budaya) seh maka hal simehuli melala terjadi arah beluhna jelam rukur ras erpemeteh bage pe pentar ertimbang-timbang. Pendidiken e harus mampu membentuk karakter jelma tapi hanya erpemeteh meganjang. Bagi nina C.S. Lewis (Penulis Britania Raya) “Pendidikan tanpa nilai, sebarapa bergunanya pun itu, tampaknya hanya akan menciptakan seorang Iblis yang lebih pintar.”
8. Ibas gerejanta GBKP lit Unit YPK GBKP si mengurusi pendidikan mulai ibas PAUD, SD, SMP, SMA ras STEMIK Neuman si lit bas gerejanta. Memang melala hal siarus siperdiateken gelah sekolahta enda meningkatken kualitas arah beragam hal janah kitalah kerina terlibat memajukenca. Janah minggu pendidiken enda saran kita mensosialisasiken pentingna pendidiken ras sekolah-sekolah bas GBKP enda. Marilah kita kerina erlumba-lumba nekolahken anakta, ngajari karakter, moral ras kiniteken segelah kita ras anak-anakta e pentar janah kepentaren enda erbahanca umurta nggedang. Amin.
   

   ---

   Pdt. Daud Sembiring