Renungan Harian Senen, 27 Juni 2022 , Meherga VS Murahen(1 Petrus 1:18-19)

Senen, 27 Juni 2022

Bacaan           : 1 Petrus 1:18-19

Tema              : Meherga VS Murahen

Pertoton          : Ajar kami njagai diri kami meherga Tuhan.

Pokok Pikiren  : Kita enda meherga maka terbeluhlah njaga dirinta tetap meherga.

Pertoton safaat : Perpulungen Tuhan segelah tetap njaga moralitasna.

KEE 331:1-2                 KEE 372:1-2

Surat Petrus enda menyapa mulihi man banta ibas paksa gundari ka. Pelajaren man banta kerna uga ngergai barang teridah uga mehergana ia man banta tah lang. Biasana semakin meherga barang e maka semakin melekat ukurta ku je, semakin sijaga ra sirawat alu perhatin penuh. Bahken melala biaya tambahen si pedarat guna njaga kualitas barang tah kai gia bentukna e. Kebalikenna pe terjadi. Semakin murah barang e maka labo lit e ertina man banta bahken semakin ndekah ije banci saja ianggap terjeng sindongkeli tah pe sampah man banta. Soal meherga tah murah enda labo inehen nilai rupiahna tapi nilaina e man banta. Banci saja nilai rupiahna rendah tapi bas kita e meherga kal sebab punya kenangen, kedekaten hati rsd. Kebalikenna ka, meherga ibas nilai rupiah tapi la meherga ibas nilaita perban la berarti man banta tah la bernilai penting.

Bicara kata enda ibereken man Tuhan, apakah kita enda adi hitung nilai keuntungenna man Tuhan. Apakah kita e meherga tah lang? Kita enda kalak perdosa dingen labo metunggung ibas surgaNa sibadia e. Apakah bas la meherganta enda kita lanai lit ertina man Tuhan? Perban keleng ateNa e maka IA nggit nebusi kita ibas dosa ras kematen nari alu darehNa si meherga mate ibas kayu persilang. E maka heran kita adi Tuhan pe kita enda meherga akapna kita tapi kita jine la menggangap dirinta meherga tapi barang murahen. Arah pengerananta kita lanai iergai kalak perban la terjaga kita babahta alu pentar. Arah kerangapen kita erbahanca pinakit pe rehen ndapeti kita.

Pertoton          : Ajar kami njagai diri kami meherga Tuhan.

Pokok Pikiren  : Kita enda meherga maka terbeluhlah njaga dirinta tetap meherga.

Pertoton safaat : Perpulungen Tuhan segelah tetap njaga moralitasna.

KEE 331:1-2                 KEE 372:1-2

Pdt. Daud Sembiring

(082367332167)