Renungan Harian Selasa, 17 Mei 2022 , Kuta Badia (Esekiel 16:8)

Selasa, 17 Mei 2022 

Bacaan            : Esekiel 16:8

Tema               : Kuta Badia

Pertoton          : Pasu-pasulah Tuhan ija ingan kami tading gia melala ije pinakit sosial si mekelek.

Pokok Pikiren  : Saat Tuhan hadir ras bertindak maka keadaan pasti berubah menjadi lebih baik.  

Pertoton safaat : Pinakit sosial si lit ibas masyarakat

KEE 203:1-2                 KEE 20:1-2  

Esekiel erbahan sada kesaksin arah berita siipeseh Dibata rah ia. Situhuna kuta Jerusalem labo ipilih perban ulina, jilena dingen taneh mehumurna tapi tetap ia pilihen Tuhan. Adi nehen latarbelakang kuta e, teridah maka kuta e lit cataten hitam siitulisken kitab Esekiel. Labo lit simehuli itulisken kerna kuta e. Tapi Tuhan milih kuta e jadi ingan bangsa Israel jumpa ras Tuhan dingen arah kuta e kerina bangsa-bangsa ngaloken pasu-pasu. Sada kuta si lit cataten hitamna kenca enggo idandani Tuhan maka kerina mata natap, melirik ia sebab enggo lit daya pikat luarbiasa ije. Cara Tuhan ndandani kuta e sierbahanca mata mata bangsa-bangsa igiring natap dingen mujiken ia. Ibas kuta e Rumah Pertoton ibangun dingen Tuhan ijumpai ibas ingan e.

Adi Dibata enggo erdolat, erdahin e maka la lit dalan ngataken la metunggung nari, la mejile rsd. Tuhan labo natap uga melketna kita, kutanta tapi uga bersihna kita, kutanta kenca Tuhan iberitaken ije. Sentuhen jari Tuhan banci mengubah si lusuh jadi bersih, melket jadi mengkilap. Emaka ija pa pe kita tading alu erbage pinakit sosial siterjadi ije ula putus asa. Tetaplah ertoto man Tuhan segelah kehadiren, lawaten kuasa Tuhan banci mengubah keadaan siceda e jadi sikap dingen mehuli. Kuta ija kita tading harus jadi Jerusalem si mbaru segelah kerina mata natap, ngidah pasu-pasu reh sebab ija Tuhan isembah, ipermuliaken dingen iberitaken anak-anakNa maka kuta e jadi kuta sidem pasu-pasu.

Pdt. Daud Sembiring

082367332167