Renungan Harian Rabu, 27 Juli 2022,Juru Dame 2 Korinti 5:18 )

Rabu, 27 Juli 2022

Bahan                   : 2 Korinti 5:18

Tema                     : Juru Dame

Konsep teologis perpulungen Korinti e lit menganggap spiritualitas, erkiniteken e hanya berhubungen kerna surga saja lanai ngerana kerna hal-hal doni. Adi ngerana kerna doni siermasap-masap enda labo lit hubungenna ras erkiniteken. Melala kalak hanya ngayaki surga padahal urusen doni inganna tading pe ermasalah. Manusia cenderung lari arah persoalen doni. Urusen doni enda hanya menjaraken pertendinta. Pebuelah ertoto, muji ras mpermuliaken Tuhan arah pertendin. Hal sibagenda me ilurusken Paulus ibas suratna enda.

Paulus nuriken misi Kristus ku doni enda eme maba perdamen, musuhNa jadi temanNa. Dibata nggoit mperdameken diriNa ras manusia si enggo mberontak, mengkhianat dingen erdosa man Tuhan. Padahal upah dosa eme kematen. Berita enda harga mati si lanai banci I tawar-tawar nari. Jadi adi bage kal belinna standart jumpa ras Dibata dingen tading ibas surgaNa sibadia e ise dage banci bengket? Dibata labo pernah menarik keputusenNa enda. Tuhan tetap konsisten ibas keputusen la pernah kompromi kempak dosa. Tapi ibas diriNa pe lit keleng ate tanpa batas. Dua keberadaanNa enda idemi ibas Kristus singgit jadi penebus, mate jadi gancih manusia sierdosa. Ibas diriNa iperdameken sinasa lit.

Paulus sienggo iperdameken Tuhan ibas diriNa, nggit maba dame ras mperdameken. Khususna ibas Korinti lit pertengkaren, penggolong-golongen sierbahanca perpulungen e terpecah dingen terbelah. Tanda kalak sierkinteken e arus ngasup erdame ibas kerina jelma ras situasi. Perenungen man banta paksa gundari “Gereja e labo ingan kalak si badia, suci dingen la lit kekurangen tapi gereja e me bengkel ingan mpekena si salah, ngelurusken si mbengkok ras ngajarken si la erpengangka dingen ndameken si rubat.” Gereja arus jadi bengkel sierguna.

Pertoton              : Bujur Tuhan sebab enggo pakeNdu kami jadi perkakasNdu. Amin

Pokok Pikiran     : Gereja labo ingan suci tapi bengkel kalak sierdosa.

Pertoton safaat : Konflik ibas gereja

Lagu                       : KEE 62:1-2         KEE 71:1-2

Pdt. Daud Sembiring, S.Th

(082367332167)