Renungan Harian Minggu, 27 Maret 2022,Alasen Ermeriah (Pilipi 4:4 )

Minggu, 27 Maret 2022

Pertoton         : Bujur Tuhan ibas kerina situasi si kualami. Amin

Pokok Pikiran : Pusuh ras cara rukurku maba keriahen man bangku erkiteken Kristus.

Doa Safaat      : Tahanan penjara

Usulen Lagu    : KEE 374:1-2, 424:1-2

Ogen   : Pilipi 4:4

Alasen Ermeriah

Kerina jelma pada dasarna merhat ras merincuh ermeriah ukur. Erkiteken sie melala usaha manusia segelah e banci idatna keriahen e. Lit deba mpepulung melala erta, ndatken jabaten si meganjang, ndarami popularitas, rsd. Tapi apakah keriahen e banci idatna. Banci jadi tapi labo permanen sibage rupana. Kenca enggo datna kai sie kerina pusuhna tetap hampa ras kosong. Sepenggal kutipen pentar nina, ”Mencari kebahagiaan itu bukan dengan cara meraih ras pergi mencari sampai keliling dunia tapi dengan kembali. Kembali ke dalam dirimu, cari Tuhan dihatimu dan sesungguhnya kebahagiaan ada disana.”  Keriahen masalah hati labo materi. E maka nterem kalak kecewa.

Kata-kata enda pernah isuratken Paulus tupung ia ibas penjara, ibas kesusahen dingen ibatasi ruang gerakna. Nina Paulus, “Meriahlah iakapndu katawari pe erkiteken persadanndu ras Tuhan. Sekali nari ku kataken, meriahlah.” Apakah posisi Paulus jenda tupung meriah? Lang. Kondisina ia sangana ibas tahanen. Penekanen meriah ijenda labo kepe persadan ras kelimpahan, pangkat meganjang, ndatken penghargaan. Merialah nina jenda labo berarti lanai litna persoalen, kesusahen, pinakit rsd. Keriahen ijenda e me persadan ras Tuhan. Keriahen si labo itentuken ingan, situasi, keadaan tapi  ras ise ia ngalakenca. Penjara banci naban kula Paulus tapi labo tendi, kiniteken ras keriahenna. Saat persadan ras Tuhan e semakin intim, erat ras paguh maka keriahen e jadi sekerajangenta. Bagi nina kata bijak, “jika duniamu terasa sempit, luaskanlah hatimu. Jika hidupmu terasa sulit, perbaikilah cara berpikirmu. Karena yang bisa melapangkan dan menyempitkan duniamu adalah rasa hatimu. Dan yang bisa menyulitkan hidupmu itu karena ketidaktahuanmu.” Jadi gundari sipekena pusuh ras cara rukurta. Tuhan ras kita.

(Pdt. Daud Sembiring/082367332167)