Renungan Harian Minggu, 27 Februari 2020,Ukur Megegeh(Perbahanen Rasul 14:2)

Renungan Harian

Minggu, 27 Februari 2020

Bahan   :  Perbahanen Rasul 14:22

Judul             : Ukur Megegeh

Perbahanen Rasul nuriken kerna perdalanen Berita si Meriah tapi situasi labo usur meriah tapi susah. Penolaken, terror, penganiayaan, rsd si labo gampang ngalakenca. Tekanen pisik, psikis arus jadi ayam-ayam ajar-ajar ibas erberita. Apakah ia surut dingen nadingken tugas si enggo ibereken man bana? Lang. Malah tekanen enda erbahanca ia reh gegehna ras bertumbuh arah beragam hal. Adi tekanen psikis, terror si alokenna maka sibertumbuh ije eme pengarapen man Tuhan ras bermental baja labo mental cengeng. Adi gampang mengeluh labo atan ibas dahin si mbelin enda. Adi tekanen kuasa Iblis si nerang maka sibertumbuh eme kiniteken ras kuasa guna naluken si jahat enda. Kuasa Firman Tuhan ras KEsah Sibadia jadi gegeh man bana ibas peperangen enda. Adi tekanen pinakit si reh maka sibertumbuh eme meningkatken imunitas daging kula dingen semangat si berkobar-kobar. Adi tekanen pengucilen, ielis-elis jelma sinterem maka sibertumbuh eme ndarami persekutun Roh bagepe persekutun ras teman-teman sada kiniteken.

Nina Paulus ras Barnabas maka ibas tep-tep kuta ipegegehina ukur ajar-ajar janah iajarina gelah tetap tek man Tuhan. Nina man ajar-ajar maka mengketi Kinirajan Tuhan e labo gampang janah pasti  mentasi erbage-bage kiniseran. Siap tah la siap e sada kepastian adi ikut Tuhan. Tuhan tetap mereken pasu-pasu janah labo berarti ngeluh lanai lit persoalen, tapi kalak singgeluh ibas pasu-pasu Tuhan pasti menang mentasi kerina enda. Siterpenting labo kai sinialami kita e tapi bertumbuh tah lang kita ibas situasi sinialoken kita enda. Surga e cuma-cuma tapi ikut Tuhan e bayar harga.

Pertoton              : Pegegehi kami Tuhan ibas mentasi situasi sulit ibas geluh kami. Amin

Pokok Pikiran     : Surga e cuma-cuma tapi ikut Tuhan e bayar harga.

Doa sapaat          : Simengalami depresi, konflik bas gereja

Usulan lagu         : KEE 322:1-2; KEE 323:1-2

Pdt. Daud R. Tuahta Sembiring, S.Th

(082367332167)