Renungan Harian Minggu, 17 Juli 2022,Kula e Meherga(I Korinti 15:39 )

Renungan Harian

Minggu, 17 Juli 2022

Pertoton              : Bujur Tuhan enggo perdiatekenNdu daging kula ras pertendin kami. Amin

Pokok Pikiran     : Kulanta enda meherga. Jadi jaga dingen pakelah alu pentar.

Doa safaat           : Bencana Alam, pencandu Narkoba

Lagu                       : KEE 96:1-2         KEE 110:1-2

Bahan   : I Korinti 15:39

Tema     : Kula e Meherga

Paulus ngirim suratna man perpulungen Korinti sebage jawaben teologisna ngidah persoalen siturah ije. Korinti e sada perpulungen si idominasi kalak Junani emaka konsep pemikiren Junani megegeh kal ibas carana erkiniteken. Alam pikir Junani menganggap bahwa jiwa/tendi manusia lebih badia, mulia dingen berhubungen langsung ras Tuhan sedangken kula e renta, lemah, dosa dingen nimai ku bas kebenen. Alam pikir enda ibangun ibas konsep erkiniteken maka penemakan kerna kinikeken kula la lit ibas ia. Kula menempati drajat paling rendah bahken sebage penjara jiwa sierbahanca nggeluh rate mesui.

Pemahamen dualisme kalak Junani enda, pembedaan kula ras tendi enda erpengaruh ku bas nilai pengergan kerna dahin-dahin sinilakoken. Sipenting eme keselamaten tendi labo kula. Pendahin kula ianggap dahin rendahan. Ertoto ianggap lebih hebat asangken dahin ertukang rsd. Perenungen man banta, fokus ras orientasi geluhta I doni enda mempengaruhi uga perhatin ras pengerganta. Kai siakap simehergana pasti e jadi perayaken geluhta, orientasi kinitekenta.

Ibas bahan renungenta enda, Paulus berusaha melurusken konsep erkiniteken kerna kinikeken kula. Alam ngajarken kita maka kematen benih e memutus kegeluhenna arah batang si ndube inganna nggeluh dingen tading. Genduari ia harus mati dingen itanemken ibas taneh simehumur , turah dingen ersuli. Arah benih e jadi me kegeluhen si mbaru. Kegeluhen simbaru reh ibas kematen sindekah. Enda me analogi siipake Paulus ibas suratna. Lebih asa sie Paulus ngajarken man banta mulihi maka daging kulanta enda tuhu-tuhu meherga ibas sejarah karya penyelamatan Kristus siiberitaken Paulus la seri  bagi anggapen kalak Junani. Emaka jagalah dingen pergunakenlah alu pentar kulanta enda. Kulanta enda meherga.

Pdt. Daud Sembiring, S.Th

(082367332167)