Renungan Harian Jumat, 27 Mei 2022 , Pujilah Tuhan (Masmur 68:27)

Jumat, 27 Mei 2022

Bacaan                 : Masmur 68:27

Tema                    : Pujilah Tuhan

Pertoton             : Ajar kami tetap muji gelarNdu Tuhan.

Pokok Pikiren  : Tularken ras turunken biak muji Tuhan e ibas geluhta.

Pertoton safaat : Aktifis gereja, serayan Tuhan kerina.

KEE 331:1-2                 KEE 372:1-2

Hal si gampang melasken pujilah Tuhan tapi ndalanken uga muji Tuhan la segampang melaskenca. Sesekali banci sibelasken tapi apakah kita ngasup secara ratur ras berkelanjuten muji Tuhan? Penungkunen enda banci sijawab adi kita enggo masuk pengujin ibas tindaken. Emaka perlu denga kata enda iuji. Ujin pertama, misalna 2×1 bagi man tambar kita muji Tuhan. Erpagi-pagi ibas saat teduh janah berngi ibas renungan malam janah enda labo saja sada bulan tapi ertahun-tahun silakoken. Apakah kita tahan la lit si terlupaken ibas sada wari saja. Seolah-olah kita enggo ketergantungan obat eme muji Tuhan. Adi la ilakoken maka tempa lit denga si kurang pas. Lenga sikap siakap daging kula ras pertendinta. Ujin peduaken, apakah kita ngasup muji Tuhan arah kerina dampar geluhta, baik ibas pendahin bage pe pelayanen siilakoken kita. Mari terpujilah min gelar Tuhan arah kualitas pendahin siidahiken kita e. Malem ate Tuhan, malem ate jelma sinterem janah keadaan pe reh mehulina arah pendahiken kita.

Situhuna masmur enda e me masmur Daud. Daud ngajak kerina sinasa lit guna mpermuliaken Tuhan. La atena ia saja muji dingen mpermuliaken Tuhan tapi kerina jelma min. Kualitas pujin Daud enggo teridah janah genduari enggo iajakna segenap bangsa Israel muji dingen mpermuliaken Tuhan. Semangat erbagi enda itularkenna man kerina bangsa Israel. Erlajar arah pengalamen pemasmur Daud enda maka semangat iman, semangat muji Tuhan arus banci itularken tah pe iturunken. Tugas kita labo saja menularken ras menurunken pinakit ngenca beluh tapi semangat muji Tuhan pe.

Pdt. Daud Sembiring

(082367332167)