Renungan Harian Jumat, 17 Juni 2022, Aspal (Asli tapi Palsu)Judas 1:21

Jumat, 17 Juni 2022 

Bacaan                        : Judas 1:21

Tema               : Aspal (Asli tapi Palsu)

Pertoton          : Ajar kami ngasup mbedaken sibujur ras sijahat Tuhan. Amin.

Pokok Pikiren  : Cinta palsu pasti cepat berlalu, tapi cinta murni pasti ngasup mentasi melala

                              musim ras ujin.

Pertoton Safaat: Keluarga broken home

KEE 15:1-2                   KEE 76:1-2 

Surat Judas enda eme surat terakhir ibas surat rasuli Padan Si Mbaru. Isina mpersingeti ajar-ajar segelah megermet ras hati-hati kerna pengajaren guru-guru palsu singeajarken ajaren asing kerna Tuhan. Melala simbol ras kata ajar tempa-tempa seri padahal isina enggo ndauh kerna kebenaren Kata Dibata. Isina tempa-tempa rohani padahal isina medoni. Pengajarenna ngerana kerna kebenaran padahal nggeluhna ndauh arah kebenaren Firman. Kata ajarna kerna moralitas si tuhu-tuhu mehuli padahal geluhna pe la bermoral. Tempa-tempa ia mpermuliaken Dibata arah kai silakokenna padahal ndarami kemuliaan man saja nge idaramina.

Berita enda ngerana ka mulihi man banta ibas paksa gundari enda uga kita mbedaken cara asli ras palsu. Adi tatap alu mata maka pasti sulit siakap mbedaken asli ras palsu enda. Adi ertoto nina kerina beluh cara ertoto bahken arah kualitas kata-kata teridah beluhen si palsu enda ertoto man Tuhan. Adi ikut pelayanen pe banci aja usuren ia teridah dingen tampil ibas perpulungen e. Perbedaan enda banci siuji alu erbage cara eme SOP (standard operational procedure) iman man Tuhan. Adi enggo lit standard maka la mesera siakap mbedaken sekalak e palsu tah asli. Pertama, apakah ia tetap rendah hati paksa ia pujiken, tetap ermeriah ukur melayani gia la iergai. Peduaken, tupung susah ras senang tetap andalkenna Tuhan ibas kerina kegeluhenna. Petelukan, kualitas geluhna, pengeranana, sikapna terandalken ras terteki.

Emaka jelas me kai nina Judas, “Tetaplah ibas keleng ate Tuhan sedang kita nimai perkuah ate Tuhan Jesus simereken man bandu kegeluhen si la erkeri-kerin.” Cinta palsu pasti cepat berlalu, tapi cinta murni ras tulus pasti ngasup mentasi melala musim ras ujin.

Pdt. Daud Sembiring

082367332167