SERMON PEKAN DOA BERNGI SI PEMENA 18 MEI 2022 KLASIS MENARA , Pengajaren kerna ertoto (Matius 6:5-15)

Invocatio             : Filipi 4:6 “ Ola aru atendu kerna kai pe, tapi ibas kerina pertotonndu pindolah man Dibata kai si perlukenndu,janah pindolah rusur man baNa alu pusuh si dem pengataken bujur.

Khotbah               : Matius 6:5-15

Tema                     : Pengajaren kerna ertoto

1. Kata Perlebe

Ertoto eme ngerana ras Dibata guna peseh isi pusuh baik meriah perlu ngataken bujur man Dibata bagepe ibas paksa ngenanami perbeben perlu mindo petunjuk man Dibata. Ertoto lalit rumus si perlu i hapal erkiteken Kesah Sibadia si ngajarisa bagi nina ibas Roma 8:26 “ Bage me pe Kesah Dibata reh nampati kita,kita si kote enda. Sabab la si eteh kuga arusna kita ertoto; Kesah e me ertoto kerna kita man Dibta alu kelsehen si la terbelasken”. Alu bage ibas ertoto eme biak nggeluh kalak Kristen sebab Kesah Dibata singajari e maka labo seri kerina kalimatna guna i hapal tapi sue ras isi pusuh si enggo i demi Kesah si Badia guna peseh sura-sura man Dibata. Ertoto eme napas kegeluhen kalak Kristen,reh buena kita ertoto reh sikapna siakap nggeluh,emaka si terutama lebe ibas memulai kerina hal kegeluhen enda baik aktivitas,pendahin,guna ndatket sura-sura,bagepe ibas ndatken solusi ibas perbeben perlu lebe ertoto man Dibata. Mari dage si gar-gari tole sue ras tema ta Pengajaren kerna ertoto

1. Isi

Ertoto eme encidahen hubungen si mehuli ras Dibata,tentu arah buena kita ertoto maka kegeluhenta pe banci encidahken kegeluhen si mehuli sebab Dibata enggo ngajarisa kai si arus i lakoken. Tapi ibas Matius 6:5-15 eme khotbah Jesus idas uruk,guna menegur kalak Farisi si rajin ertoto tapi tujuanna gelah ndatken pujin ibas jelma si enterem nari,ia ertoto labo ibas ukurna nari tapi bagi kalak pe kulah-kulah tedis i rumah-rumah pertoton, i simpang-simpang gelah i dah kalak janah gelah i pujiken kalak ia kalak tutus ersembah man Dibata tapi kenyataanna la teridah buah pertotonna ibas kegeluhenna. Kalak si bage labo i begiken Dibata pertotonNa,Ia lanai ngaloken upah ibas Dibata nari. Tapi ertoto labo perlu i cidahken man jelma si enterem, si penting pusuh si bersih,sikap hormat bagepe ibas ruang si tertutup,masuk ku kamar eruk pintun jenari ertoto man Dibata. Ertina Dibata si perlu ngidah ketulusenta ertoto man baNa labo jelma. Sebab Dibata ngenca perlu i peganjangken labo dirita. Alu bage ertoto perlu konsentrasi,fokus hanya man Dibata la banci pusuh si bercabang-cabang,adi pusuh si bercabang-cabang la i begiken Dibata pertotonta.

Ibas ertoto e,labo tergantung gedang ras gendekna maka i begiken Dibata sebab enggo i eteh Dibata kai si lit ibas pusuh manusia hanya kita perlu erjimpuh iadap-adepenta tanda kita mengakui ketidak berdayaan kita. E maka nina Yesus kerna ertoto labo perlu bertele-tele,ertina alu praduga gedang ertoto maka i begiken Dibata,sebab Tuhan megiken pertotonta labo erkiteken usahata tapi erkiteken perkuah ateNa. E maka Kuasa toto e luar biasa i gejabken kalak si fokus ertoto man Dibata labo simbol entah hanya formalitas. Adi rasul Paulus ngatkenca ibas 1 Tes 5:17 “Ertotolah katawari pe” .Setiap waktu perlu ertoto sebab alu bage Dibata pe tetap bekerja ibas kegeluhen anak-anakNa,guna mereken si mehulina. E maka arus ertoto bagi si ngena ate Dibata, eme alu meteruk ukur,mungkuk i adepenNa, alu fokus hati,pikiran tertuju man Dibata. Jesus ngajarken kerna pokok-pokok pertoton alu ngajari Pertoton Tuhan,batang belinna ibas pertoton Tuhan enda eme:Alamat pertoton,seruan guna kemuliaan Dibata,permohonan ibas keperlun manusia eme keperlun jasmani ras rohani,ngataken bujur man Dibata. Ibas ertoto e labo guna memaksa kehendak ta tapi kerina isi pertoton e merupaken permohonan man Dibata,janah ia si merekenca sue ras si akapna payo. Jawaben pertoton e mutlak ibas Dibata nari.

• Pengkenaina

Arah pertoton Tuhan si ajarken Yesus i datas uruk mabai kalak Kristen guna meteh uga arusna ertoto,labo terjeng i belasken entah pe rutinitas saja tapi memang merupakan kebutuhan pokok la banci lang tetap i konsumsi bagi man nakan rutin ras teratur la banci i kelang-kelangi,alu pertoton si rutin tentu tercapai kesehatan jasmani bagepe rohanita. Adi kalak si ertoto alu benar jasmanina pe sehat sebab pikirenna pe i teruh kendali Tuhan maka labo murah ia stres bage pe putus asa ibas ndalaani kegeluhen enda sebab i tehNa Dibata e nge jadi temanna. Bagepe kesehaten rohanina tetap stabil,la pe bagi ukurna la murah ia emosi tapi tetap ia sabar arah gegeh pertotonna. E maka kinitekenna pe labo pasang surut sebab Dibata si ngajari kubas pusuhna la murah i obang-ambingken. Bagi pertoton Jesus i taman Getseman: Matius 26:39 “ Lawes Jesus terdauhen sitik nari, i je erjimpuh IA jenari ertoto man Dibata nina, “O Bapa,adi banci buat min calung kiniseran enda ibas Aku nari. Tapi labo peratenKu,peratenNdu lah jadi”. Jesus la memaksa kehendak tapi serahkenNa otoritas Bapa si jadi man baNa.Bageme ulih pertoton kalak si benar ras displin la memaksa kehendak bas geluhna,labo atena krina kai pe harus bagi sura-surana adi lang benceng. Kiniteken si bagi lenga dewasa.E maka arah pekan doa berngi si pelimaken enda gelah kita kerina tutus ibas ertoto alu cara si payo eme tertuju hanya man Dibata labo guna menonjolken kehebatenna tempa lebih baik asa kalak si deban tapi guna kemuliaan Dibata.Amin