liturgi minggu epiphanias v

LITURGI MINGGU EPIPHANIAS V

---

 

 

1. Persikapen

Perpulungen nikapken pusuh ras ukur guna ngadap man Tuhan

Pelayan ibadah ersikap i ruang persikapen

….. Musik …..

 

1. Kebaktin
2. Kata Pengalo-ngalo Ras Momo

Turang ras senina i bas Tuhanta Jesus Kristus, selaku serayan Tuhan, ikataken kami mejuah-juah ras selamat Wari Minggu man banta kerina. Man bandu kekelengen kami si sekali enda denga erkebaktin i bas gerejanta enda, ikataken kami mejuah-juah. Kerehenndu nambahi keriahen man banta kerina. I bas bena kebaktinta mari dage  sidengkehken momo kerna perdalanen perpulungen Tuhan, bage pe rencana pelayanen gerejanta ku bas wari-wari si reh enda (Ngogeken Momo).

 

2. Kata Penaruh

Senina ras turang i bas kekelengen Tuhanta Jesus Kristus, jabu e me bekas pendahin Dibata mantekisa i tengah-tengah doni enda guna nehken si mehuli man banta kerina. Labo terjeng manteki perjabun saja, tapi Dibata pe erdahin i bas jabu kalak Kristen guna mereken pasu-pasu man isi jabu bage pe sekelewetna. Jabu si sempabu e me jabu si ngena ate Dibata.

Arah kebaktin enda, si jadi perayaken e me gelah kita ngangkai kerna sura-sura Dibata nandangi jabunta, janah ibereken Dibata nge gegeh i bas ngalaken rungga-rungga i tengah-tengah jabu.

 

• Erkata Lonceng Tedis
• Rende : …..                              (Serayan Kebaktin Bengket ku Mimbar)

 

3. Votum – Salam

L        I bas gelar Dibata Bapa si mpersadaken kerina isi jabu, i bas gelar AnakNa Jesus Kristus si jadi Takal i bas jabu, ras i bas gelar Kesah Si Badia si ngarak-ngarak kegeluhen jabu.

Mejuah-juah man banta (ndu) kerina  kita (kam) si enggo ipersadaken Dibata i bas jabu, ersinalsallah kemulian Dibata i babonta (ndu). Amin.

P        Amin….. Amin….. Amin….. (iendeken)

 

 

 

4. Berita Kerna Perbahanen ras Sura-sura Dibata (Invocatio)

L        (Ngogeken Teks Sue Almanak)

Erpalasken Kata Dibata enda, si puji Ia alu ras kita rende : ……

 

5. Pasu-pasu Man Isi Jabu Kundul

L        Sangap kal jabu si malang man Tuhan, si nggeluh ngikutken kerina perentahNa.

P        Ipanna me ulihna latih, sangap nggeluh, mehuli si kerajangenna.

L        Ndeharana bali ras anggur si meramis buahna i bas rumahna, dingen anak-anakna bali ras tunas batang saitun i sekelewet mejana.

P        Bage me pasu-pasu Tuhan man kalak si malang man baNa.

L        Tuhanlah si masu-masu kam i Sion nari, mbera idahndu kesangapen Jerusalem kidekah umur geluhndu, cawirlah kam metua, maka sempat idahndu kempu-kempundu.

P        Bage me kekelengen Tuhan man isi jabu.

L        Mari si puji Tuhan alu ngendeken: ….

 

6. Kinata Kegeluhen Manusia I Bas Jabu

L        Manusia nggeluh i doni si dem alu percuban. Kegeluhen manusia e dem alu erbage-bage keperlun nggeluh si erbahanca erlumba guna ndatkenca. Sura-sura manusia si melala enda jadi perayaken kel, piah dungna i akap jadi kemalemen ate. Erbintuas erdahin tetptep wari, piah dungna kegeluhen i bas jabu pe lanai sempabu.

 

(Paksa Teneng)

 

L        Senina ras turang, Dibata tuhu-tuhu ngergaken jabu. Ipersadakenna isi jabu janah idemiNa alu erbage-bage pemere, gelah banci ngaloken pasu-pasu si enggo i sikapken Dibata. Si idah nge sura-sura Dibata e nandangi jabunta?

P        Rende KEE 76:1

L        Dibata ndemi jabunta salu keleng ateNa si serta, si gejapken nge keleng ate Dibata si mpersadaken kerina isi jabunta?

P        Rende KEE 76:2

L        Jabu ipake Dibata guna ncidahken kemulianNa ku bas doni enda. Enggo nge si cidahken terang kemulian Tuhan arah jabunta?

P        Rende KEE 76:3

 

7. Berita Pengalemi Dosa Tedis

L        Selaku persuruhen Dibata, aku nehken kataNa man banta (ndu) si ngakuken dosa ras kelepakenta (ndu), niNa:

“Kualemi dosa si ibahanna, janah nggeluh me ia sabab nggo benar dingen bujur perbahanenna” (Jeh. 33:16) Amin.

          Erkiteken dosanta enggo ialemi Dibata, e maka si puji IA alu ngendeken: …..

 

8. Kata Dibata Kundul
   1. Ngoge Kata Dibata Bagin Si Pemena

L      Ketuahen kalak si megiken kata Dibata, dingen si makekenca i bas geluhna si teptep wari. Haleluya.

P      Haleluya….. Haleluya….. Haleluya….. (iendeken)

1. Kotbah (Ibenaken ras i dungi alu pertoton)

 

9. Pengakun Kiniteken           Tedis

 

10. Persembahen           Kundul

L        Kata Dibata si jadi palas man banta i bas nehken persembahen pengataken bujurta, i buat i bas Masmur 138:1-2:

“Kukataken bujur man baNdu o Tuhan, alu bulat ukurku. Rende aku muji Kam janah muji gelarNdu, erjimpuh aku ngadap rumahNdu si badia, erkiteken Kam setia dingen tetap kekelengenNdu. Enggo icidahkenNdu maka gelarNdu ras perantah-perantahNdu belinen asang kai pe.”

         

I bas kita mpepulung persembahenta, rende kita arah: ….

 

Pertoton Persembahen ras Sapaat

 

11. Perpadanen Man Dibata           Tedis

L        Dibata me si masu-masu jabu, ipehagaNa jabu e alu namaken kemulianNa i tengah-tengah jabu e.

P        Erpadan aku o Tuhan, ncidahken sinalsal terang kemulianNdu i tengah-tengah jabu kami alu si ergan i bas jabu ras pe naksikenca ku tengah-tengah doni enda.

L        Dibata ndemi jabu alu erbage-bage pemere guna jadi pasu-pasu man sekelewetna.

P        Erpadan aku o Tuhan, kupersembahken jabungku jadi pasu-pasu man jelma si enterem.

L        Si peteguhi perpadanenta enda alu ngendeken: ….

 

12. Pertoton Tuhan

 

13. Pengutusen ras Pasu-pasu Dibata

L        Dalanilah kegeluhenta (ndu) i tengah jabuta (ndu) alu keleng ate ras pemere si enggo i bere Dibata man banta (ndu). Saksikenlah terang sinalsal ras kemulian Dibata arah jabunta (ndu). Guna si e, aloken pasu-pasu idur Dibata nari:

“Ipasu-pasu janah ikawali Dibata kita (kam), siang ayo Dibata ersinalsal ibabonta (ndu), janah melias ateNa ngenehen kita (kam). Itatap Dibata ku kita (kam), janah malem ateta (ndu) ibahanNa” Amin

          (Bdk. Bil. 6: 24 – 26).

P        Amin….. Amin….. Amin….. (iendeken)