Bahan Sermon Perpulungen Jabu-Jabu Tanggal 20 – 26 Pebruari 2022 (Gereja Yang Ideal)

Bahan Sermon Perpulungen Jabu-Jabu Tanggal 20 – 26 Pebruari 2022

(Gereja Yang Ideal)

Ogen               : 2 Korinti 4 : 1 – 6

Tema               : Idilo Jadi Terang

Istilah gereja ibuat ibas terjemahen cakap Yunai “Ekklesia”(ek = keluar; kaleo = memanggil) ertina kalak si idilo ndarat ibas kegeluhen si ndekah nari eme kegeluhen si ikuasai dosa rikut kerina sura-surana, kerincuhenna ras perayakenna si melket ras la mehuli si petembil ras sura-sura Dibata guna bengket kubas terang Kristus lako jadi saksi meritaken ras ncidahken (menyataken) perbahanen-perbahanen Dibata simbelin i doni enda (bdk. 1 Ptr. 2:9). Abineno ngataken maka gereja eme ekklesiatou Theou eme jemaat atau orang-orang yang berkumpul yang bertugas untuk menyampaikan keselamatan kepada segala bangsa, bersifat dinamis dan terbuka.

Sehubungen ras sie, Malcolm Brownlee ibas bukuna Tugas Manusia Dalam Dunia Ciptaan Tuhan ngataken, “Bagi orang Kristen, ibadat (berdoa, bernyanyi, mendengarkan Firman Tuhan) tidak terpisah dari kehidupan sehari-hari. Ibadat tidak terbatas pada upacara-upacara tertentu yang dilakukan orang Kristen di dalam ataupun di luar gedung gereja. Seluruh kehidupan perlu dipersembahkan kepada Tuhan, di mana di dalam Alkitab, ibadat adalah pekerjaan; ibadat ialah keikutsertaan dalam pekerjaan Tuhan untuk mengubah dan menyelamatkan dunia”.

Bagepe Martin B. Dainton ibas bukuna Gereja Milik Siapa ngataken, “Kesucian orang Kristen bukan hanya soal etika. Kesucian berarti bobot dedikasi kita kepada Allah melebihi orang lain. Jika pengabdian kita benar-benar pengabdian sejati, maka kita akan selalu upayakan agar kesaksian kita sungguh-sungguh berbicara kepada tetangga kita, sehingga mereka setidak-tidaknya lewat kesaksian kita dapat menentukan bagi diri mereka sendiri siapa adanya Tuhan Yesus itu. Kita juga merasa terpanggil untuk memerangi ketidakadilan sosial yang masih ada dalam masyarakat kita, baik melalui usaha-usaha pribadi maupun tindakan-tindakan bersama yang terpadu. Orang Kristen seharusnya berdiri paling depan dalam ihwal-ihwal seperti pengembangan daerah-daerah pertanian, pemberantasan kemiskinan, jujur dan dapat dipercaya dalam segala urusan sehingga korupsi adalah sama sekali asing baginya”.

Emaka erpalasken ogen PJJ paksa enda sue ras tema siihubungken ras uga gereja si ideal, maka la banci lang kerina perpulungen e sebage gereja ibas erti organisme (jelmana, personalna) bagepe organisasina (komunitasna, strukturna, penataanna, pengelolanna, sistemna) ibas kerina dampar ntah segina arus ncidahken kebenaren si palasna eme Kata Dibata. Gereja e la banci isalahgunaken alu mutar balikken Kata Dibata bagepe aturen GBKP guna kepentingen pribadi ntah kelompok (ay. 2b) sabab kerina siilakoken gereja secara organisme ras organisasi e eme sebage dalan, sarana, alat guna meritaken Berita Si Meriah gelahna reh teremna kalak si tek man Jesus Kristus (ay. 3) bagepe guna mpermuliaken Dibata (ay. 6). Em ertina maka kita enda arah ras ibas kerina dampar geluhta idilo ras isuruh jadi terang eme lako meritaken, naksiken ras ncidahken maka Jesus Kristus kap Terang si tuhu-tuhu e. Emaka ibas erberita e, labo kerna dirinta siberitaken tapi kerna Jesus Kristus (ay. 5) sabab alu terus ras tetap meritaken kerna Jesus Kristus e, siarahken dingen sibabai me kalak guna reh ku Tuhan Jesus, tek man Tuhan Jesus dingen ngaloken IA jadi Tuhan ras Juruselamatna.

Emaka sebage kalak si idilo jadi terang ras maba terang e, cara, sikap ras perayaken geluh kalak Kristen sebage gereja e la banci ngelakoken perbahanen si erbuni-buni (ay. 2) eme perbahanen ras lagu langkah si melket ras man kemelanken, erkiteken biasana perasat, lagu langkah ras perbahanen si kemali, sinjuruken, si man kemelanken, man pandangen, la oratna, si ngelanggar aturen ras hukum nge maka ilakoken kalak alu erbuni-buni.  Sie umpamana nebu-nebu, nipu, ngambekken sampah la bas inganna, erlagu la mehuli, rst. Kristus eme Terang si tuhu-tuhu, janah kita enggo ngaloken ras nggeluh ibas TerangNa e. Emaka mari si cidahken-si salsalken Terang Kristus e ibas ras arah kerina dampar geluhta. Amin.