Bahan Sermon Perpulungen Jabu-Jabu Tanggal 13 – 19 Pebruari 2022, Kerina guna kemuliaan dibata (Roma 11:36

Bahan Sermon Perpulungen Jabu-Jabu Tanggal 13 – 19 Pebruari 2022, Kerina guna kemuliaan dibata (Roma 11:36

Bahan Sermon Perpulungen Jabu-Jabu Tanggal 13 – 19 Pebruari 2022

Ogen               : Roma 11 : 36

Tema               : Kerina Guna Kemulian Dibata


Johanes Calvin, salah sada tokoh reformasi gereja ija ajarenna me jadi aliren gerejanta GBKP pernah ngataken maka doni enda desken “Opera Dei” ertina panggung kemuliaan Allah, emaka kerinana siilakoken sinasa lit e la banci lang guna kemulian man Dibata saja ntah lako mpermuliaken Dibata saja (“Soli Deo Gloria”). Guna sie ma maka nina rasul Paulus ibas ogenta Roma 11:36, “Sabap kerina si nasa lit Dibata njadikenca, janah kerina e lit erkiteken IA dingen man gunaNa. Terpujilah Dibata seh rasa lalap. Amin”.

Ija menurut Pustaka Si Badia ras ajaren gereja maka Tuhan Dibata e eme Pencipta segala sesuatu ntah sinjadiken kerina sinasa lit ntah (dari), pemelihara segala sesuatu ntah simpekena-kena kerina sinasa lit (oleh) dan tujuan segala sesuatu ntah tujun kerina sinasa lit (sampai). Simaksudken ijenda eme maka kerina sinasa lit e jadi, erdalan ntah berlaku bage eme erkiteken kai sienggo irancang, iputusken ras ilakoken Tuhan janah kerinana e nuju ku IA me kedungenna. Nuju ku IA eme ibas erti sinasa lit e mengarahken geluhna ku Dibata eme alu ndarami kehendakNa ntah peraten, sura-sura Dibata dingen ersura-sura ndalanken sue ras kehendak, peraten, sura-sura Dibata e.

Terbagesen adi sihubungken kubas karya penyelamaten Dibata ibas ras arah Jesus Kristus, siimaksudken ibas nats e eme maka Tuhan me si nelamatken, IA ka me sijadi tujun geluh bagepe sumber pengarapen kerina sinasa lit. Erkiteken keselamatenta e melulu erkiteken perbahanen ras pemere Dibata arah Jesus Kristus, emaka la kal lit dalanna manusia e mpehaga, mpermuliaken dirina kerna kai si lit ibas ia e sabap la banci lang arus iakuina maka kemulian e hanya bas Dibata ras guna Dibata ngenca. Emaka la banci lang manusia arus terus menerus (tetap) mengarahken perhatian ras perayaken geluhna kubas meteh dingen ngakai peraten, sura-sura Dibata jenari ndalankenca, ngelakokenca ibas segelah arah ia tetap mpermuliaken Dibata arah kerina dampar geluhna termasuk ibas ia make, mengelola ras mperlakuken doni enda rikut kerina isina.

Kidekah enda lit 3 perspektif pemahamen manusia kerna relasina ras alam eme :

  1. Antroposentrisme ertina superioritas manusia simpeturah egosentrisme ija bas pemahamen enda maka manusia eme mahluk superior seh maka kepentingen ras keberlangsungen geluh manusia nge si perlu kal iranaken ntah lebih iutamaken ibandingken ras spesies (mahluk) sidebanna seh maka guna kepentingen manusia e, kerangen i buka gelah lit inganna erjuma, batang-batang kayu itabahi gelahna lit uang masukna, rubia-rubia ieksploitasi gelahna meriah iakapna, kulit rubia iolah gelah mejile penampilenna, sampah iambekina saja ija akapna menahang si penting ula ndongkeli ras melket bas ia, rst.
  2. Biosentrisme ertina superioritas spesies eme pemahamen maka lit spesies ntah mahluk tertentu si lebih superior ntah penting asangken spesies ntah mahluk sidebanna, umpama harimau, badak, komodo, kucing, rsd ibandingken ras biang, babi, manuk, rsd. Ija lebih superior (penting) iakap harimau, badak, komodo, kucing, rsd asangken biang, babi, manuk, rsd seh maka harimau, badak, komodo ilindungi, la banci ibunuh bahkan isakiti pe. Sedangken biang, babi, manuk banci ibunuh bahkan ipan. Si motong manuk la iaduken kalak.
  3. Ekosentrisme ertina kerinana setara, njaga harmoni ras keseimbangen ija ibas pemahamen enda maka la banci la inget manusia maka keberlangsungen geluhna bergantung pe kubas keberlangsungen geluh spesies (mahluk) sidebanna. Emaka iergai manusia e kerina tinepa Dibata e. Pemahamen si enda me si payo ija arah e kita ibabai reh payona ibas make, mengelola ras mperlakuken kai si enggo ijadiken Dibata e segelah kerinana e jadi Panggung Kemulian Dibata sabab kerinana ncidahken keagungen, kerejinen ras kemulian Dibata bagi isenaken ibas Masmur 8:2-3a, “O Tuhan, Tuhan kami, kemulianNdu teridah i belang-belang doni. Seh kudas Surga Kam terpuji; danak-danak si gara-gara rende muji Kam”. Bagepe Masmur 19:2-3, “Langit encidahken kemulian Dibata, awang-awang erberita kerna perbahanenNa. Tep-tep wari erberita kempak wari si pepagina, tep-tep berngi nuri-nuri man berngi si pepagina ka”.

Share this post

Leave a Reply

Your email address will not be published.