BAHAN SERMON PEKAN PENATALAYANEN BERNGI II , Ipasu-pasu guna Mpekena-kena Tinepa ( Kejadin 1:26-28 )

Invocatio        : Kenca bage itamaken Tuhan Dibata manusia ndai I Peken Eden guna ngusahai ras njagaisa (Kej 2:5)

Ogen   : Kolose 1:15-20

Kotbah           : Kejadin 1:26-28

Tema  : Ipasu-pasu guna Mpekena-kena Tinepa

Dibata njadiken doni ras kerina isina alu ratur dingen mehuli. ijadikenNa tinepana e erkawiten sada ras sidebanna. K erina tujun geluh tinepa Dibata eme guna mpermuliaken Dibata aminna alu cara si pelain-lain. Janah ibas kerina tinepa e labo lit si ganjang teruken tapi krina tinepa e saling ketergantungen. Adi lit tinepa sisuin tentu tinepa sideban pe kurang sempurna ibas nerusken kegeluhen.

Dibata nepa manusia sentudu ras tempasNa. Enda menggambarken maka manusia sehkel mehergana I lebe-lebe Dibata. Raduken ras sie Dibata mereken perintah gelah ikuasaina kerina nurung-nurung, perik bagepe kerina rubia ras asuh-asuhen subuk si galang ras si kitik. Dibata nciptaken manusia sebagai caretaker (penjaga, penatalayan) nandangi kerina tinepa labo erkiteken keinginen manusia e tapi enda eme perintah Dibata. Janah ibas perintah Dibata e lit gegeh ntah pe pasu-pasu siisehken nandangi manusia guna ngusahai ras naluken doni enda. Kata kuasai ijenda terkesan manusia sebagai subjek si banci memerintah objek (tinepa Dibata sideban) tapi labo dalam arti merusak ntah pe menghancurken. Manusia sebagai subjek yang memiliki kuasa atau power sebagai takecare labo sebagai penghancur/perusak. Tapi otoritas siibereken Dibata sebagai perintah e eme guna melindungi tinepa Dibata si deban.

Kerina enda ipertegas Dibata ibas ayat 29 ikataken “kubereken man panganndu kasa kai sinuan-sinuan si erbuah ibabo doni enda ras kerina batang kayu si erbuah si lit sinuanna”. Kalimat enda pe perintah Dibata si jadi sada ketegasen man manusia maka aminna manusia ibahan Dibata jadi subjek si memiliki kekuatan tapi manusia sangat bergantung penuh nandangi alam tinepa Dibata. Sebab Alam enda nge si banci mereken kecukupun nanadangi manusia. alu bage situhuna hubungen manusia ras tinepa sideban eme relasi yang saling ketergantungan dalam harmoni antara sada ras sidebanna. kerina sijadikenNa e tuhu-tuhu mehuli.

Ibas bahan ogenta itekanken Kristus eme kap sinepa kerina sinasa lit (subuk ilangit bagepe I doni. Subuk si teridah bagepe si la teridah) ras kerina itepa guna Ia. ijenda itekanken maka Kristus si nepa kerina ras kerina itepa guna Kristus. Arah Kristus me keselamaten hadir nandangi manusia. lalit kekhususen si itekanken nadngi sada-sada tinepa tapi kerina guna kemuliaan Dibata. Kerina tinepa lalit nggeluh guna dirina jine tapi guna Kristus.

Arah bahan enda si jadi penekanen man banta

1. Kesadarenta maka kita tinepa Dibata mabai kita guna meteh kai siman bahanenta ibas doni siibereken Dibata man banta. Kita emekap pelindung si seharusna melindungi labo sebagai perusak ntah pe penghancur.
2. Sada pe tinepa Dibata labanci nggeluh guna dirina jine. Kerina arus nggeluh ibas harmoni saling ketergantungan. Enda ka nge si njemba kita guna banci ikut mensukseskan tahun gerejata 2022 enda. Kreatif merawat Lingkungan. Janah enda harus ibenai arah dirita sendiri, arah tindakan yang paling kecil.(membuang sampah pada tempatnya, mengurangi pemakain plastic dll). Arus jelas bas pikirenta maka alam ras kerina isina enda labo sasaren pemuasen kebutuhenta.
3. Pasu-pasu Tuhan Jadi gegehta guna ndalankenken perintah Dibata. Manusia ibere Dibata gegeh guna banci nehi sura-sura Dibata man doni ras isina kerina. Emaka kemulian pe man Dibata saja ngenca

Pdt Siska Febriani Br Tarigan

Rg Kayu embun Simalem