Bahan Sermon Khotbah Minggu, 10 April 2022 Klasis Medan Namorambe Minggu Palmarum, Ketuahen Kalak Reh I Bas GelarTuhan ( Masmur 118:19-29 )

Invocation       : Dibata mereken perdamen arah kematen AnakNa i kayu persilang, gelah kerina si nasa lit, subuk i doni bage pe i Surga mulihken man baNa (Kolose 1:20b)

Ogen               : Matius 21:1-9

Kotbah            : Masmur 118:19-29

Tema               : Ketuahen Kalak Reh I Bas GelarTuhan

---

1. Kata Perlebe

Ketuahen identik ras kemalemen ate,ketuahen ras kemalemen ate eme siniarapken kerina manusia.Uga gelah ibas kegeluhen doni enda banci min ketuahen ras malem ate.Kai kin sukat-sukat si payo gelah banci ketuahen ras malem ate,tentu enda arus alu sukat-sukat si benar maka hasilna pe benar.Adi sukat-sukatna salah maka hasilna pe salah.Tentu sukat-sukat si benar eme,kalak si reh ndahi Tuhan pasti ketuahen si kekal. Sukat-sukat si salah eme perayaken doni enda si pentingna maka arah e iakapna ia ketuahen pasti la kekal. Sukat-sukat ibas Dibata la seri ras sukat-sukat doni enda. Arah bahan khotbah Minggu enda mabai kita bahwa sue ras tema “Ketuahen kalak si reh ndahi Tuhan”,ertina kalak si nggeluh ibas Tuhan pasti ketuahen ras malem ateNa sebab la pernah i tadingken Tuhan kegeluhenna.Mari si gar-gari tole kerna bahan khotbahta Minggu enda.

 

1. Isi
2. Bahan Kotbah

Mazmur 118 masuk ku bas pembagian kitab Mazmur jilid V (Mazmur 107 – 150:6), si meritaken kerna keduduken Dibata selaku Raja. Mazmur jilid V enda emekap nuriken pengarapen maka kinirajan Daud ras kesusurenna ipulihken Dibata. Janah i bas Mamzur 118 enda alu batang belinna e me “Pertoton pengataken bujur erkiteken kemenangen”

1. Pemindon Man Dibata (19-21)

Penulis kitab Mazmur enda ibas pertoton pengataken bujurna man Dibata, mindo ia man Dibata gelahna min pintun gerbang Rumah Pertoton banci ibukaken sebab bengket atena ku bas Rumah Pertoton enda. Ersura kal pemasmur guna banci bengket guna muji kemulian Dibata ibas kai si enggo iberekenna dingen igejapken pemasmur. Kalak si bujur ngenca banci bengket ku bas Rumah Pertoton enda ndai. Pemasmur eme kalak bujur, si ernalem man Dibata dingen erpengendes man Dibata. Aminna gia bage gelah pintun gerbang e baci ibukaken, harus nge iketok lebe (Mat. 7:7b “Tuktuklah, tentu italangi pintun man bandu”). Kenca ipeseh pemasmur kerna pemindonna, maka iumputina mpeseh pengataken bujur man Dibata, erkiteken ibegiken Dibata pemindonna janah enggo ibereken Dibata kemenangen.

2. Palas Kemenangen (22-25)

I bas bagin perototon pemasmur enda iturikenna kerna batu si iambekken tukang, sianggap la lit ertina genduari enggo jadi palas, janah palas enda ndai enggo megegeh. Gegeh batu palas enda ndai erkiteken begeme peraten Dibata si terjadi. Adi enggo Dibata erdolat ise pe la ngasup guna ngosarisa seh maka tuhu-tuhu rejin kal siakap perbahanenNa. Janah si menjadi palas kemenangen reh na ibas Dibata nari. I bas Padan Si Mbaru, batu palas si mereken kemenangen e eme Anak Tonggal Tuhannta Jesus Kristus.

3. Pasu-Pasu Dibata (26-27)

Kerina si ialoken pemasmur ibas kegeluhenna, igejapkenna maka kerina pasu-pasu idur Dibata nari. Tapi ituriken pemasmur maka, pasu-pasu idur Dibata e banci sialoken adi kin memang reh ibas gelar Tuhan. Reh ibas gelar Tuhan ertina mengandalken Dibata sepenuhna dingen pe la mengandalken dirina jine (Jeremia 17:7 ”Tapi kalak si ernalem man bangKu, Ku pasu-pasu kap ia”). Janah harus nge sigejapken maka perbahenen Dibata nandangi kerina kalak si ernalem man baNa la erleka, gel-gel nari mehuli perbahenen Dibata.

4. Pengataken Bujur Man Dibata (28-29)

Penggejapen kerina jelma kerna perbahenen Dibata berbeda-beda, janah pemasmur ibas ia nggejapken perbahanen Dibata nandangi dirina maka, iangkatkenna puji-pujin man Dibata. Iakukenna maka Dibata kap Dibatana, Dibata si erkuasa, dingen kekelengen Dibata tetap rasa lalap, genduari nari seh rasa lalap. (Lukas 2:14 ”Terpujilah Dibata ibas Surga simeganjangna. Janah dame idoni man manusia si ngena ateNa”). Soli Deo Gloria.

1. Bahan pengogennta bagin si pemena arah Matius 21:1-9, nuriken kerna kerehen Jesus ku Jerusalem. Berita kerna perbahanen Jesus enggo mbar seh ku Jerusalem, maka sanga ibegi kalak Jerusalem kerna kerehen Jesus, ersikap kerina kalak guna ngalo-ngalo kerehenNa e, ikimbangkenna uisna, lit kang nge singimbangken lambe jadi karpet ingan erdalan Jesus. Jesus nangkih kelede nuduhken kerna kiniteruken ukur Jesus si arus i usih. Erdalan Jesus memasuki kuta Jerusalem ersurak kalak “Pujin man Anak Daud! Ipasu-pasu Dibata Ia si reh i bas gelar Tuhan! Pujilah Dibata!”

 

• Pengkenaina

1. I bas kerina dampar kegeluhenta i pertibi enda, harus si inget ertoto man Dibata. Sebab Dibata simereken kerina siniperluken Aminna pe ninta enggom ieteh Dibata, tapi harus kang tetap mindo, ndarami, dingen nuktuk gelah banci sialoken pemindonnta.
2. Sigejapkenlah maka kerinasi lit ibas geluhta genduari enda, erkiteken pasu-pasu idur Dibata
3. Kenca si e, ula lupa ngataken bujur man Dibata ibas kerina situasi dampar kegeluhennta (1 Tes. 5:18” Janah katakenlah bujur man Dibatai bas sikugapana Enda me singena ate Dibata ibahanndu i bas geluhndu selaku kam kalak si nggo ersada ras Kristus Jesus.”)
4. Palasta nggeluh e me, erpengendes dingen erpengarapen man Dibata. Sipujilah Dibata ibas tep-tep dampar

 

 

 

Sermon PJJ tanggal 10-16 April 2022 Klasis Medan Namorambe

Nas                  : Mazmur 91:16

Tema              : Umur Si Gedang

 

1. Bena Kata

            Adi sipergermetken  i tengah GBKP lit 5 pembagian kategorial, janah kerina lit peringatan hari ulang tahunna. Ertina reh gedang bagepe reh tambahna nge umur setiap kategorial enda. Tambah si e pe, melala nggo dat pelajaren ras tenah man kategorial enda. Uga kin enggo realisasina ? apakah umur si gedang terlewat bage saja?

            Umur si gedang emekap perkuah ate Dibata siiberekenNa man kalak si erkemalangen man baNa. Masmur 91 enda nuriken kerna keleng ate Tuhan banci gejapken kalak tuhu ibahanna Dibata ingan cilinggenmna. Perkuah ate Dibata e pe rusur ndabuhna ku umur si gedang. Terlepas situhuna melala nge kiniulin siibereken Tuhan man bana. Khusus pasal 91 nuriken emekap uga anak si erkemalangen man Tuhan e tuhu-tuhu menikmati umur si gedang e alu ngelakoken kebaikan.

Alu bage banci si ertiken maka umur si gedang e merupaken upah si mbelin siibereken Tuhan man anakNa si erkemalangen man baNa. Perenungenna eme kap, engkai maka la kinibayaken doni si jadi upah simbelin? Terlebih i tengah tengah kategorial GBKP, e perlu jadi perenungen man banta, emekap :

• Mbereken wadah entah pe ruang untuk setiap usia si lit guna mpekena gerejannta. Umur si gedang si ibereken Tuhan e pe jadi palas guna ketutusan ate setiap kategorial guna ndahiken kerina tri tugas gereja man kerina anggotana.
• Kategorial jadi bekal guna mpegegehi tep-tep jabu bas erkiniteken terlebih ibas ngalaken kerina perbeben si lit bas doni enda.
• Tep-tep kategorial la terjeng fokus ndarami harta doni, tapi la melupaken ndarami kinirajan Dibata (Kuan-kuanen 3:16 ; Mat 6:33)
• Ibas 5 kategorial si lit bas GBKP jadi aron Dibata ibas nehken padan Dibata guna ndatken upah si mbelin emekap kegeluhen si rasa lalap.

Alu perenungen enda mabai kita banci lebih menghargai pemberian hidup si ibereken Tuhan. Nggo ijadiken Tuhan kita tinepa si istimewa,itempatkenna kita ibas wadah persekutuan si mehuli mereken energi positif guna menikmati hidup si ibereken Tuhan

            “Bukan soal berapa Tahun kamu hidup,tapi soal bagaimana kamu menghidupi hidupmu selama ini?” Kalimat enda cukup memberikan tamparan man banta. Sebab tuhu, labo kap soal kuantitas umur ta ibas doni enda, tapi uga kualitas kerohanian nta selama enda. Umur si gedang adalah cara Tuhan guna nehken keleng ateNa man banta gelah sipakeken kesempatan e alu mehuli. Sebab janji Tuhan bagi si tersurat ibas Yesaya 46:4 “Aku kap DibataNdu,emaka Kuembah-embah kam,seh kam metua janah ubanen. Aku njadiken kam,Kuangkip-angkip,janah Kukelini kam.” Lanai kurang nge situhuna penggenapen janji Tuhan e. Tapi persoalannnya adalah , Nggit ntah lang kita melayani Tuhan, nggo kin geluhta berkenan ibas Tuhan, janah nggit kin kita ngikuti kerina perintahNa sebagai bukti kita tuhu-tuhu engkelengi ia ? Enda me si jadi renungennta ibas tep-tep kategorial ibas umur simbaru siibereken Dibata e.

---

 Pdt Sunerlita Br Ginting,M.Th