Khotbah Minggu 5 Desember 2021, Pesikap Dingen Pepinter Dalan Tuhan (Lukas 3:1-6)

Invocatio        : “Rendelah guna Dibata,pujilah gelarNa,Ia kap Tuhan,pesikap dalan man    baNa, si njadiken embun man geretaNa. Tuhan kap gelarNa, ersuraklah i adep-adepenNa” ( Mazmur 68:5)

Ogen               : Maleaki 3:1-4

Kotbah           : Lukas 3:1-6

Tema              : Pesikap Dingen Pepinter Dalan Tuhan

1. Kata Perlebe

Dalan e me sada hal si banci i lewati guna mencapai sada tujun,janah adi dalan lenga pesikap entah pe er batu-batu denga/bongkak bangkik maka kita ibas ndalanisa pe banci guling janah cidera e maka banci saja la seh ku tujun si bakal i tuju. E maka ibas jaman si genduari e pe malala rusur dalan i pekena gelah man bentasen pe enggo mejile janah seh pe ku tujun si bakal i tuju alu selamat. Bage me pe ibas ngalo-ngalo ketubuhen Yesus ras kerehenNa si peduakaliken perlu pesikap dingen pepinter dalan Tuhan sue ras temata.Berarti ibas ngalo-ngalo kerehenNa e, lit persiapen ta,eme merubah kegeluhen si la mehuli jadi mehuli. E maka ibas Minggu Adven enda perlu pesikap ras pepinter dalan man Tuhan ertina pertobaten nggeluh sebab kerehen Yesus  maba dame ras keselamaten man kalak si tek. Bagi si i suratken ibas Yoh 3:16” Sebab bage pengkelengi Dibata doni enda, e maka i berekenNa anakNa Sitonggal, gelah ola bene ise pe si tek man Bana, tapi gelah dat kegeluhen si tuhu-tuhu si la erkeri-kerin”. Kiniteken perlu i pebelin ibas ngalo-ngalo ketubuhenNa bagepe kerehenNa si peduakaliken

 Penjelasen Nats

 Maleakhi 3 : 1 – 4

Kitab Maleakhi itulis ibas konteks pembuangen bangsa Israel. Waktu penulisan diperkirakan antara tahun 470 SM – 440 SM. Lit pe kondisi bangsa Israel paksa sie lit ibas kemerosoten rohani. Maleakhi ertina suruh-suruhen Dibata (utusan Tuhan=“malakhiah) tepatna  utusan Tuhan guna mpesikap dalan man Tuhan. Bangsa nimai kerehen Tuhan Dibata guna nampati ras mulahi ia, Maleakhi ningetken maka Dibata reh me janah pesikaplah dalan guna ngalo-ngalo Dibata. Kerehen Dibata ise pe la metehsa,janah kerehenNa e mbersihken bangsaNa,bali ras sabun cuci si keras,bali ras api si i pake ngelebur besi (ay 2). Si kotor jadi bersih janah si la erguna jadi erguna eme bali ras membentuk menjadi hal yang terbaik bagi olahaen besi.

Adi bage uga carana manusia ngalo-ngalo kerehen Dibata?

Ngalo-ngalo kerehen Tuhan Dibata alu mempersembahkan korban/nehken persembahen. Persembahan korban biasana ilakoken Imam/kalak Lewi, ibas mpersembahken korban iperluken kesucian/kebadiaan baik sinehken korban eme kalak Lewi (ay 3) bagepe umat simaba korban persembahenna, sebab adi kalak sinehken persembahen (Lewi) lit ibas kebadiaan maka persembahen sini endesken ngena ate Dibata (ay 4). Ibas mpesikap dalan man Tuhan e me ndalanken singena atena,alu nehken persembahen si mehulina sebab kerina si ibas doni enda Dibata kap empuna,jadi arus ncidahken kiniteruken ukur alu mpersembahkensa si mehulina man Tuhan

Lukas 3 : 1 – 6

Kondisi bangsa Yahudi pada saat Yohanes hadir lit ibas ketertindasen erkiteken jadi tamu ibas tanehna sendiri, paksa Yahudi ibas penjajahen Romawi. La banci lang keadaan e pastina maba perubahen nangndangi bangsa Yahudi baik secara politik bagepe ekonomi bahken kiniteken. Bangsa Yahudi sebagai bangsa yang terpilih dan dikhususkan oleh Tuhan Allah sejak zaman dahulu kala, kini harus menerima kenyataan bahwa mereka menjadi budak jajahan bangsa lain.

Kondidi politik enda nggo pasti mpengaruhi kiniteken bangsa Israel, bangsa pilihen si i bela Dibata gundari jadi bangsa si tertindas. Pengharapen ras kiniteken bangsa Yahudi nggo menam bene, nimai kerehen Mesias sebagai Penampat nggo tempa-tempa urak. Erkiteken pengharapen si nggo bene teridah pe ibas perbahanen si rate-ate. Kejahaten ras dosa eme hal si enggo semal ilakoken, tempa-tempa lanai lit pengharapen bangsa Yahudi. Pemimpin-pemimpin pe lanai ncidahken biak selaku pemimpin si mediate nangndangi rakyatna.

Em simendasari Yohanes nehken berita pertobaten nangndangi kalak Yahudi: 

1. Pertobatan

Yohanes ngutip seruan nabi Yesaya

Pertobaten/jeralah ibas dosa-dosandu nari, janah peridin eme tanda jera/pertobaten. Kalak si jera dingen ngakui dosana emaka ialemi Dibata me dosana (ay. 3).

 Pada titik pengampunan dosa inilah umat manusia akan mengalami pembebasan yang sebenarnya karena hanya orang yang dibebaskan dari kuasa dosalah yang akan melihat keselamatan dari Tuhan Allah.

2. Penyerahen diri/erpengendes

Penyerahan diri man Dibata eme kunci penggenapan pengharapan pembebasan ibas Dibata nari.

Situasi politik apapun dan kekuasaan agama bagaimanapun tidak pernah menjadi solusi dan jawaban dari permasalahan yang sedang dialami, sebab kegenapan dari pengharapan iman adalah pertobatan dan penyerahan diri kepada Allah.

• Aplikasi

Ngalo-ngalo kerehen Yesus ibas Minggu adven 2 enda perlu kepeken kesiapen kusus:

Kekhususen eme dalanta guna ngalo ngalo ketubuhen Yesus reh pe 2 kaliken. Kekhususan e, eme: bertobat dingen mereken diri man Dibata (memberikan diri untuk dimiliki Tuhan). Adi enggo bertobat maka labo bagi Kristen tomat kentisik tobat jahah kentisik kumat. Adi bagi ukur tempa-tempa tutus ras aktif ibas kerina kegiaten gereja. Tapi adi enggo la bagi ukur, lanai teridah,tapi mengkambinghitamken kerina situasi untuk pembenaren diri. Alu bage ibas Minggu Adven peduaken enda, mari si pesikap lebe pusuhta si enggo terbuka ngalo-ngalo ketubuhen Yesus bagepe ersikap ngalo-ngalo kerehenNa si peduakaliken. Sebab adi sihubungken ras ogenta ndai persemabahen korban eme dirinta siendesken man Dibata.nggit kita ngendesken dirita man Tuhan jadi korban persembahen si nggeluh. Roma 12:1b” Endeskenlah kulandu man Dibata saja selaku persembahen si nggeluh rikutken si ngena ateNa. Sebab bage me arusna kam ersembah man Dibata sue ras biakndu selaku mahluk si rukur”. E maka sue ras temata “Pesikap Dingen Pepinter Dalan Tuhan”,lit pertobaten, kita aktif ibas erkiniteken bagepe nadingken kerina si melket alu mpelimbarui kerina biak si mehuli sue ras singena ate Dibata. Guna persiapenta ka pe ngalo-ngalo tahun program GBKP 2022 “Jemaat menjadi pelaku aktif pelayanen ( Jemaat berperan aktif ibas pelayanen)”. Nggeluhken lah geluhta bagi si ngena ate Dibata,gelah Dibata tetap ringan ibas pusuhta maba dame bagepe kerehenNa si peduakaliken pe atan kita ibas kinirajanNa si dem alu dame. Amin

Pdt Sunerlita Br Ginting, M.Th

(GBKP Rg. Batu Penjemuren)

__Klasis Medan Namorambe____