Bahan Pekan Keluarga Wari III, Jabu sibeluh Rukur (Kuan-Kuanenen 17:24-28)

INVOCATIO :  O Senina-seninaku, Ingetlah! Kerina arus metinggel, tapi ola minter ngerana dingen ola sukah merawa (Jak 1:19)

Ogen                  : 1 Petrus 3 : 1-4

Khotbah          :  Kuan-Kuanenen 17:24-28

Thema              : Jabu sibeluh Rukur

Kata perlebe

Lit rusur kuan kuan sibegi kita ngataken “mulutmu adalah harimaumu ” si mereken pengertian man banta uga kita harusna jaga kata-kata si belasken kita, gelah ola min asal belasken saja erbahansa ceda ukur kalak sibahan . Atau mungkin pernah kang si begi “aku pengeranaku nge la terpake lang pusuhku mehuli nge”.  Kira-kira setuju nge kita arah pernyataan si ibelaskenna e. Sebab kadang lit nge kalak ngerana bage ibas tengah kegeluhenna. Payo nge mehuli ukur adi pengerana la terpake. Bukankah kai si lit ibas pusuh e kang terpancar arah tingkah laku atau perbahanen ibas tengah kegeluhen.  Bagem situhuna ibas pekan keluarga berngi sipe III enda mereken sada persinget man banta uga kita arusna menguasai babahta entahpe pengeranata. Segelah ola min sempat ceda pusuh kalak ibas kita ngerana e. ketika kita peseh pesan sada alu nada keras ras sada alu sora lembut  biasana e hasilna pe berbeda. Emaka secara khusus wari  enda kita ibabai arah temata gelah jadi min jadi jabu si beluh rukur. Erkiteken ibas jabu  adalah awal pendidiken ibas tengah kegeluhen janah jabu e merupaken sentaral entah pe pusat kegeluhen si memiliki peran penting kubas keberlangsungen kegeluhen sekitar kita.  sebab  danci saja nge ibas jabu nge ndai la kita si cocoken tah lit la pas sierbahansa  pengeranata I darat pe enggo lepak. E maka labo salah nina kuan-kuan si adi “siksik lebe maka tindes, ukuri lebe maka belasken”. Si mereken sada persinget man banta segelah ola asal ngerana saja sierbahansa ate kalak nembeh  bagi kai si enggo I singetken ibas invocatiota “O senina seninaku, ingetlah! Kerina arus metinggel, tapi ola minter ngerana, dingen ola sukah merawa” (Jak 1:19). Ayat enda pe mereken sada persinget man banta maka arusna kita jeli lebe megiken sada pesan atau informasi, segelah info si dataken kita e benar adanya arah e maka kita ngasup erbahan sada keputusen entah pe pertimbangen. Adi si ukuri ukuri  Dibata pe nepa kita alu dua cuping sada babah si mereken sada persinget gelah buen kita megi asang kita ngeranai ras labo sebalikna

Penjelasen Teks

Kitab Kuan-kuanen enda isina e me ngajarken kegeluhen si payo. Perumpamaan enda I cidahken ibas pedah, perumpamaan dingen ajar. Erbage-bage ituriken kerna orat geluh ibas kegeluhen si tep-tep wari gelah banci jadi kalak pentar alu mehamat ras erkemalangen man Dibata. Pentar  jadi erkiteken perukuren si pinter ras pengelako benar. Pentar  meteh alu payo ncibalken ranan ibas paksa ras inganna. Bagem ibas perenungenta ibas bahan pekan keluarhga wari enda nuriken hasil si icidahken kalak si pentar ras kalak si bodah. Kepentaren ras kebodohen e pe teridah kang arah cara ngerana sesekalak jelma. Adi sin en ibas bahan perenungenta paksa enda lit dua tipe karakter jelma

• Kalak pentar si perayakenna e me pemeteh, beluh rukur, iangkarna ngerana janah saber ukurna. Hal enda menegasken maka kalak si pentar rukur ia lebe sope erbelas. Labo asal I belasina saja ranan e. tapi segala sesuatu si belaskena penuh pertimbangen. Sebab kalak si pentar selalu berusaha rukur arah perkataan si ibelaskenna e erguna entah lang kubas tengah kegeluhen kalak si deban. E maka biasana kalak si pentar entahpe erpemeteh enda rukur alu kepala dingen , la tergesa-gesa muat keputusen janah pusuhna pe mehuli.
• Kalak bodoh teridah arah la ertentun tujuanna, nusahi bapana dingen ceda ukur nandena. Arah kalimat enda sada enggo encidahken penegrtin si ndauh kel berbeda ija kalak bodoh la siangka kai kin maksud ras tujuanna , pet kel ngenarani tapi labo si angka kai kin maksud arah pengeranana I tambah lagi arah pengernana e pe erbana bapa ras nandena pe rate mesui pusuhna, sebab labo ia beluh encibalken ranan si pas ibas waktu ras ingan si pas. Si pas ibas akapsa saja I belaskenna tanpa ngukurken ukur kalak. Emaka ban buena ia ngerana piah dungna teridah kel kinimotunna entah kurang pengakanna
• Janah lit kang kepe kalak bodoh si tempa entah iakap cerdik dingen pentar sebab ia sinik dingen la ngerana. Kepeken meblin kel manfaatna la mbuesa ngerana enda sebab ibas motuta e pe la the kalak, si uei-uei ranan e tapi situhun labo siangaka saja ban la kita mbue erkomentar tempa-tempa teridah kita beluh. Saja ola kita lupa maka kalak situhu-tuhu pentar labo muat gedangna ia ngerana tapi dua kalimat kin pe maba kemalemen ate, keriahen janah lebih asa si e pe Dibata ngasup kang ngidah isi pusuhta si mbagesna.

Janah tambah tolena pe kita I peseingeti arah ogenta si mempertegas arah perbahanen nndehara si beluh menempatken diri rikut pe perkataan e erbahansa perbulangen pe danci tek man Dibata. Hal enda mereken sada dampak si luar biasa  uga arah sikap kegeluhen si payo erbahan kalak sideban pe tek nangdangi Dibata. Ibas kinipatuhen man perbulangen e I cidahken arah sikap geluh si tuhu tuhu  arah perbahanen si mehuli ras perbahenen si mehuli e teridah arah pusuh si bersih, lemah lebut dingen ukur saber. Hal enda mereken sada penegasen kel maka situhuna labo ban buena kita ngerana maka danci kalak berubah tapi uga sikap geluhta si encerminken keleng ate si  rehna ibas Dibata nari erbansa kalak tek dingen nandai Dibata terlebih anggota jabuta.

Penutup

Jadi sue bagi tema pekan keluarga berngi si pe teluken  si ningetken Jabu si beluh rukur. Hal enda menegasken maka ibas jabu si terdiri antara bapa nande ras anak-anak arus ngeluh alu pentar. Janah kepentaren e tentuna rehna arah Dibata sebab I kataken ibas  Kuan-kuanen 2: 6 “Tuhan kap mereken kepentaren, ibas ia nari kap manuisa ndatken pemeteh ras Pengertin”. Ertina jabu sibeluh Rukur labanci lang arus lebe ersada ras Dibata janah persadaan e I cidakhen arah pola ti ngkah lagu si payo e me arah beluhna menempatken ranan si payo, sebab ola kita salah ranan benar baci mereken kegeluhen tapi ranan si la payo danci mereken kebenen man kalak si deban. Terlebih-lebeih ibas jabu uga kita harusna erlumba encidahken sikap ngeluh si payo gelah jabuta sekalak-sekalak dem kedamen janah arah perbahennta termulia gelar Tuhan ras ertamabah kalak si the man Tuhan. Amin..

Pdt Lestari br Tarigan S.Th

(GBKP Rg. Namo Bintang)

___Klasis Medan Namorambe____