Khotbah Minggu, 14 November 2021, Penanam-nanam Kiniulin Tuhan (Mazmur 34: 1-9)

Khotbah Minggu, 14 November 2021, Penanam-nanam Kiniulin Tuhan (Mazmur 34: 1-9)

Invocatio : “Ikutkenlah alu tutus asa kai si kuperintahken man bandu, maka kerina si mehuli jadi man
bandu ras man si nursurndu seh rasa lalap, erkiteken kam ngelakoken si benar dingen si
ngena ate Tuhan Dibatandu” (Ul. 12:28).
Bacaan : 1 Korintus 7:10-11 (Tunggal).
Khotbah : Mazmur 34: 1-9
Tema : Penanam-nanam Kiniulin Tuhan.



Pendahuluan

Keluarga sangatlah penting man banta. Kebahagian si inanami kita ibas geluhta semakin lengkap adi
ras-2 nggejapkenca ibas keluarga e. Bage pe adi lit kita ngenanami kesuliten/perbeben ibas geluhta lit
inganta sisampat-sampaten ibas keluargata. Marilah sibahan keluargata jadi inganta arih-2, sisampatsampaten ras sikeleng-kelengen. Emaka penting kel ras-2 kita ibas keluarga (bapa, nande, ras anak-2)
nggeluh ibas kiniteken ras ernalem man Tuhan. Arah kita seisi jabu/keluarga nggeluh erkiniteken ras
ernalem man Tuhan sinanami me kiniulin Tuhan e si erbahanca malem ateta.
Enda me ibas Kata Dibata si ialoken kita minggu enda, si siksiki ras si geluhken ibas keluarganta.
Maka sue ras tema khotbahta sinanami me kiniulin (kebaikan) Tuhan ibas keluargata
Pembahasan Teks
Khotbah, Mazmur 34:1-9; jelas ikataken e me Mazmur Daud tupung ia tading i daerah Filistin ilebelebe Abimelek; ipekulah-kulah Daud, ia la demsa segeleh pulah ibas Abimelek nari (ipelawesna). Arah
pengalamen Daud enda, igejapina ras ia ngajuk kalak Israel ngidah kiniulin Tuhan e. Amin pe ia nggo
salah ibas tindakenna menipu Abimelek e (pekulah-kulah dirina la demsa) tapi erkiteken kekelengen
Tuhan erbahanca maka banci ia pulah ibas bahaya nari. E me dalanna Daud bertekad rasa lalap (setiap
waktu) ras la erngadi-ngadi ngataken bujur (memuji) Tuhan ibas perbahanenNa mulahi kalak si tertindih
( kesusahen) ay.2-3).
Tole ajaken Daud, marilah siberitaken kemulian Tuhan, radu ras muji gelarNa (masyurkanlah
namaNya), ertoto man Tuhan gelah sialoken kiniulin (kebaiken) Tuhan ibas geluhta. Kiniulin Tuhan e
ikataken: Ibegiken Tuhan pemindon (pertoton), ipulahina ibas kebiaren nari, adi kita ras Tuhan lit ibas
meriah ukur ras la eraru ate, erlebuh man Tuhan ibegikenNa ras ipulahina ibas kiniseran-2 nari, kalak
si tutus ernalem (mengandalken) Tuhan maka malekatNa mulahisa ibas si jahat nari ay.4-8). Penegasen
kerna kiniulin/kebaiken Tuhan: malem kel ate kalak si cilinggem (berlindung) man Tuhan, penanamnanamlah uga belinna kiniulin Tuhan ay.9).
Invocatio, Maka kerina si mehuli jadi man bandu ras man si nursurndu seh rasa lalap, ikutkenlah alu
tutus asa kai si kuperintahken man bandu e me kai si benar ras si ngena ate Tuhan. Sidarami ras
silakokenlah rusur si ngena ate Tuhan maka meriah ukur Tuhan, janah ulihna kerina si mehuli
icurcurken Tuhan kubas geluhta/jabuta.
Ogen, Selain kita iingetken mbiar man Tuhan ras muji/mpermuliaken gelarNa, sipahami ras
sidalanken perintah Tuhan man kelaurga kristen e me: sekalak ndehara la banci nadingken
perbulangenna bage pe perbulangen la banci ngulihken ndeharana. Kai pe permasalahen/perjentiken ibas
keluarga ola sirang; jadilah keluarga (seisi jabu) njaga kebadian jabu.
Aplikasi
1) Daud nulisken mazmur enda labo ia sangana kondisi senang ras ibas kemewahan, tapi lit ibas
kepiceten ras kearun ate sabab lit bahaya si ersura-sura munuh ia. Waktu ia ibas kearun ate ras
terancam kesahna janah ise pe labo nari banci iarapken si nampatisa; ije me ia hanya mengharapken
(erpengendesen ) man Tuhan sepenuhna. Bage me secara pribadi ras ibas keluargata ibas paksa enda
pe kita ibas ngenanami perbeben/permasalahen si mberat tetaplah mengharapken (erpengendesen)
man Tuhan alu tutus. Bergantung sepenuhnya kepada Tuhan.
2) Marilah menjadi keluarga si erkemalangen man Tuhan ndalanken perintahNa alu tutus, ndarami si
erbahanca meriah ukur Tuhan ras mpermuliaken gelarNa maka ulihna sue ras tema khotbahta
sipenanam-nanam me kiniulin Tuhan e. Tuhan ngenca si pasti nampati kita, sabab adi man si deban
lenga terarapken nampati kita. Tuhan ngenca si mereken kemalemen ate situhu-tuhu man banta.
Keluarga kerina nggeluh ibas erkiniteken e me si pentingna.
3) Kiniulin Tuhan ola si raguken. Iberekenna kemalemen ate bagi patutna man banta ras keluarga. Ola
morah ateta ngenen kalak si deban. Ieteh Tuhan nge si mehulina man banta/keluarga si erbahanca
malem ateta. (Ilustrasi siput ras katak).
4) Bage pe kiniulin Tuhan labo ibas hal-hal si spektakuler tindaken Tuhan maka si gejapken. Bagi kalak
Israel ngepari laut Teberau terbelah dua, runtuhna tembok Jerikho, rsd. Ibas hal-hal si sederhana
penyertaan Tuhan si gejapken ibas kinitekenta: medak kita erpadi-pagi lit bas sehat-2, erdahin
kita/berupaya maka tersekolahken anak-2 seh tamat, erdahin seh paksana erjabu ka anak-2ta e.


Pdt. Naikken Sitepu, M.Th

(GBKP Rg. Pokok Mangga)

___Klasis Menara____

Share this post

Leave a Reply

Your email address will not be published. Required fields are marked *


Kami sedang meningkatkan kualitas pelayanan kami, jangan sungkan untuk mencoba fitur chat botnya ya, Infoin kami ya supaya chat botnya semakin canggih. Selamat Mencoba