PJJ GBKP 31 OKTOBER -7 NOPEMBER 2021, Kerina Erdahin (Gotong Royong) (Keluaren 17:10-16)

Ogen: Keluaren 17:10-16

Tema: Kerina Erdahin (Gotong Royong)

Erdahin eme kengasupen guna nehi pendilo Dibata, tujun utama ibas erdahin labo gelah ndatken upah saja. Pengertin  si payo kerna erdahin erbahanca kita terhindar ibas erbagai bentuk godaan si banci meneken kegeluhen. Umpamana sikap geluh hedonisme, materialistis, korupsi. Hal-hal i datas banci i hindarken adi kita ngeteh kerna makna ras erti erdahin alu payo. Ibas ndahiken dahin, penekanan utama eme kualitas bukan kuantitas. Ukuren erdahin la muat buena si enggo i dahiken, tapi berkualitas, banci iandalken ibas bidang kai kita itempatken bas sada dahin. Kebenaren ras kejujuren harus jadi prinsip, gelah kesangapen geluh tetap jadi sikerajangenta. Sebab enda me pendilo Tuhan man kalak sierdahin eme geluh ndalanken perentahNa. Kerina dahin-dahin silit ibas kegeluhenta, ibas jabu, gereja ras masyarakat harus idahiken alu keleng ate, ula mekarus, ingetlah dahin si idahiken kita si pertanggung jawabken man Tuhan. Alu bage setiap dahin si idahiken erbahanca ermulia gelar Tuhan si mada dahin.

Ogen PJJ enda kerna ulih kerina bangsa Israel erdahin alu tutus ras mindo gegeh man Tuhan, Bangsa Israel iteruh pimpinen Musa tupung erperang melawan bangsa Amalek ersada gegeh (gotong royong) ipalasi Pedah Dibata singajari ras sinegu-negu bangsa enda seh maka ngasup bangsa enda naluken bangsa Amalek. Ayat 11 “Adi iangkat Musa tanna kudatas, Menang Bangsa Israel, tapi adi ipesusurna tanna, bangsa Amalek ka mulai Menang”, kunci keberhasilen bangsa Israel eme tupung paksa tetap mindo ku Tuhan penampat emaka Tuhan ‘turun tangan’ nampatisa, tentu enda la terlepas arah kerja sama simehuli ibas bangsa Israel kerinana. Nina kuan-kuan kalak  karo Rulih kin adi menjingkat, lit upah latih. Sangap  kel kalak si malang man Tuhan, ipanna ulihna latih (bdk Mazmur 128:1-2). Tutus ras bujur ibas pendahin (bagi si ngena ate Dibata), sangap encari: “meriah manuk ni asuh, mbuah page ni suan”.

Pdt. Jeri Karlo Tarigan, S.Th

(GBKP Rg. Griya Rumah Tengah)

___Klasis Medan Namorambe_____