PJJ  TANGGAL  03 – 09  OKTOBER  2021 DIBATA  ERDOLAT  NANDANGI  MARA (Markus  5: 21– 34)

Jairus  sekalak  pengulu  rumah  pertoton  ras  diberu  si sepuluh  dua  tahun  bluding  radu  ras  mengalami  krisis.  Jairus  terancam  kehilangan  anak  si   ikelengina  erkiteken  sakit  mekelek  semantara  diberu  si sakit  bluding  nggo  keri  kel  kerina  ertana  guna  biaya  ertambar  ku  erbage – bage  dokter  (bagi  semalna  kin  silakoken  kita  adi  kita  sakit)  tapi  kondisina  labo  malem  malah  erparahna.  Ibas  situasi  krisis  enda  me  duana  kalak  enda  reh  njumpai  Jesus  alu  cara  si  berbeda.  Jairus  reh  langsung  njumpai  Jesus  janah  mungkuk  ia  mindo  penampat  ibas  Jesus  nari  (ay. 22-23)  tapi  diberu  si  sakit  bluding  alu  erbuni – buni  ijemakna  uis  Jesus.  Kiniteken  ras  pengarapen  duana  kalak  enda  ternyata  luar  biasa  ras  la  salah  alamat  sebab  kenca  sie  duana  ia  berhasil  ndatken  solusi  guna  mpepalem  pinakitna  bage pe  nandangi  kuasa  kematen  (ay.  29,  42)

Pinakit  si  ngerimrim  daging  kulanta  banci  jadi  perbeben  kel  man  banta  tapi  pasti  lit  nge  lalap  dalan  adi  kita  nggit  berusaha.  Tep – tep  manusia   tentu  perbeben  ibas  geluhna,  tapi  sinjadiken  ia  tampil  beda  banci  jadi  pemenang  eme  uga  cara  siipake  guna  mengatasi  perbeben  e.  jairus  rs  diberu  si  sakit  bluding e  ibegina  Jesus  reh  mis  lit  kiniteken  ibas  pusuhna  maka  ia  banci  malem  adi  nggo  jumpa  ras  Jesus (bdk. Roma  10 : 17)

Guna  jumpa  ras  Jesus  tentu  mbue  penghalang  sebab  jelma  sinterem  ngkeleweti  IA,  subuk  Jairus  bagepe  diberu  si  sakit  bluding  la  peduli  ia  nandangi  situasi  e  sebab  fokusna  eme  jumpa  ras  Jesus  maka  idatkena  gegeh  simbaru.  Jairus  ras  diberu  si  sakit  bluding  e  tek  maka  Jesus  erdolat  nandangi mara  si  reh  man  bana  bagi  tema  PJJ – ta  enda  Dibata  Erdolat  Nandangi Mara.

Usaha  siilakoken  Jairus  ras  diberu  si  sakit  bluding  e jadi  teladan  man  banta  guna  tetap  reh  erpengendes  man  Dibata  dingen  tetap  tek  man  baNa.  Ula  mobah  kinitekenta  amin  pe  lenga  si  aloken  ulih  pertotonta  tupung  lit  mara  reh  nderpa,  amin  pe  harapan  ras  realita  bertolak  belakang  sebab  bayak  kel  Dibata  ibas  kerina  karya – karyaNa  nandangi  perdalanen  kiniteken  si  banci  memulihken kita.  Kiniteken  si  bage  me  siicidahken  Jeremia  ibas  Perngandungen  3 : 22 – 23,  ibas  kondisi  si  terpuruk  Jeremia  tetap  nginget  kesetiaan  Dibata.

Pdt. Sri Novalinda Br Tarigan, S.Th

(GBKP Rg. Tebing Ganjang)

___Klasis Menara____