KOTBAH MINGGU, 26 SEPTEMBER 2021, Iperdiateken Dibata Pemindonndu (Masmur 20:2-10)

KOTBAH MINGGU, 26 SEPTEMBER 2021, Iperdiateken Dibata Pemindonndu (Masmur 20:2-10)

Invocatio         : Mindo aku man baNdu pasu-pasulah kesusurenku maka terus ia ermeriah ukur ibas kiniulinNdu. O Tuhan, Kam enggo masu-masu ia emaka pasu-pasuNdu tetap tading ibas ia rasa lalap (1 Kro. 17:27).

Ogen               : Kolose 4:2-6 (Tunggal)

Kotbah            : Masmur 20:2-10 (Antiponal)

Tema               : Iperdiateken Dibata Pemindonndu


 

Minggu enda igelari Minggu notoken serayan II, eme minggu ngumputi minggu tanggal 19 September 2021. Tema ibas minggu enda “Iperdiateken Dibata Pemindonndu”. Arah ertoto ije me lit unsur pemindon atau permohonan. Bahanta wari enda nuriken kerna

piga-piga pemindon si ituriken arah pertoton. Si pertama si ituriken ibas bahan kotbahta Masmur 20:2-10. Masmur enda isina kerna pertoton si peseh man Tuhan sope raja ras pasukenna berkat ku medan perang. Raja, pasukan raja ras bangsa Israel pulung guna ertoto gelah raja ras pasukenna ndatken kemenangen. Piga-piga pertoton si pindokenna eme:

  1. Ayat 2-3, Dibata mperdiateken kam tupung ibas kiniseran ras nampatisa.  Sekalak raja si cukup mberat tugas ras tanggung jawabna menjadi seorang pemimpin guna melawan bangsa-bangsa si deban guna erperang. Melala kiniseran-kiniseran si ihadapina. Terkhusus lawan si man hadapenna eme bangsa-bangsa si ernalemken alat-alat perang ras kuda si megegeh (bdk. ayat 8). Jadi bangsa Israel ertoto gelah Dibata nu Jakuplah si ngkawali raja.
  2. Ayat 4, ialoken Tuhan kerina persembahen raja dingen merim iakapNa persembahen tutungen raja.
  3. Ayat 5, isehken Tuhan kerina sura-sura raja ras sangap ibas si irencanakenna.

Bagepe ibas ayat 6 isehken bangsa Israel pengarapen ras pertotonna man Dibata segelah raja ndatken kemenangen ras i perdiateken Dibata kerina pemindon raja. Arah kemenangen e jadi sada pujin man Dibata alu ersurak, erbahan kerja meriah, bagepe rende muji Dibata. Masmur enda i tutup alu sada pengakuan maka Dibata si mereken kemenangen man raja si i pilihNa (ayat 7-10). Adi ernalem man Tuhan Dibata tentu i sampatina guna ndatken kemenangen. Tapi kalak si ernalem man gereta perang ras kudana la banci la terantuk dingen guling.

Si peduaken ibas bahan ogenta Kolose 4:2-6, bahan ogenta nuriken kerna pemindon Paulus man perpulungen gelah ertoto guna piga-piga hal eme:

  1. Tutuslah ibas ertoto ras tupung ertoto ersikap dingen kataken bujur man Dibata. Tutus ibas bahasa indonesia “Bertekunlah” (Yun. Proskartereo) yang artinya meneruskan dengan tabah, tersirat ketekunan dan semangat yang kuat dan tetap berpaut dalam doa. Ras ketutusen ibas ertoto arus i sertai alu pengataken bujur man Dibata ibas kerina perbahanen Dibata man banta.
  2.  Gelah i bereken Dibata kesempaten si mehuli guna meritaken kataNa, guna nuriken rahasia Kristus
  3. Gelah banci ngerana alu mehuli ras banci i petangkas rahasia kata Dibata bagi patutna.

Si peteluken ibas bahan invocatio 1 Kronika 17:27 nuriken kerna pertoton Daud guna sinursurna gelah  tetap i pasu-pasu Dibata.

Arah bahan renungenta enda banci si ertiken uga raja ras bangsa Israel si ngendesken diri man Dibata arah pertoton sope denga berkat guna erperang. Nginget uga belinna ras beratna dahin si harus i dahiken ras erbage-bage kiniseran si man alanken. Janah e hanya alu ernalem man Dibata maka kemenangen bnci ialoken. Ibas tengah-tengah pelayanenta genduari pe i persingeti man banta ibas minggu notoken serayan janah la terjeng ibas minggu notoken serayan enda ngenca tapi seterusna, banci kita mereken dirinta guna radu ras ertoto ras perpulungenta ibas ndahiken pelayanenta. Ertoto alu tutus ras ersikap katawari paksa pe ras alu dem pengataken bujur segelah serayan Tuhan e banci mbritaken kata Dibata alu payo. Kepentaren si rehna ibas Dibata nari guna mpeseh kata Dibata. Bagepe kiniteken si paguh segelah ngasup ngalaken kerina tantangen-tantangen si ihadapi serayan. Sebab arah kengasupen ngalaken tantangen banci jadi sada kesaksin si ngeluh man perpulungen. Terkhusus kerna jabuna segelah tetap i pasu-pasu Tuhan, banci jadi teladan ibas pelayanen serayan e. Adi sikap jabuna maka serayan e pe reh gegehna ras reh semangatna ibas ngelai. Jadi tetaplah si totoken serayan Tuhan alu la erleja-leja sebab arah ertoto i perdiateken Dibata pemindonta.


Pdt. Merry P. Br Sitepu

(GBKP Rg. Tangkahen)

__Klasis Menara___

Share this post

Leave a Reply

Your email address will not be published. Required fields are marked *


Kami sedang meningkatkan kualitas pelayanan kami, jangan sungkan untuk mencoba fitur chat botnya ya, Infoin kami ya supaya chat botnya semakin canggih. Selamat Mencoba