Minggu, 13 Juni 2021, Etika Kerja, Kejingkaten Maba Ulih (Kuan-kuanen 12:24-28)

Invocatio: Pernah kin idahndu kalak pantas ndahiken dahinna? Ibas istana Raja-raja kap ia isuruh erdahin, labo  ibas rumah kalak biasa (kuan. 22:29)

Ogen      : Lukas 5:1-7

Kotbah   : Kuan-kuanen 12:24-28

Tema      : Kejingkaten Maba Ulih

PERLEBE

Ibas salah sada siaran televisi si bertajuk economic challenge, lit sada kalimat siusur ibelasken penyiar nina: Apakah anda ingin sukses? Semua orang ingin sukses! Sukses ibas karier ras usaha, keuangen si mapan, kebayaken si cukup bape pe keluarga yang bahagia, si e kerina jadi impian enterem jelma. Tapi kita kerina meteh maka sukses lebih dari sekedar mimpi. Ernipi kerna kesuksesen lakap banci erbahanca sekalak jelma menjadi sukses. Sukses banci iumpamaken buah ras impian untuk sukses emkap benih. Benih sukses kai pe harus i suan, turah, irawat emaka menghasilkan buah. Ertina lit proses si arus i dalani (tindakan dan usaha), emaka impian e banci jadi kenyataan. Sue ras bahan ta pe kerna pertenget Salomo, ngajarken kerna kalak si mejingkat erdahin ras kalak perkisat, em proses guna ndatken kesuksesan. Erdahin alu mejingkat ras bujur e kuncina. Kalak mejingkat eme kalak si erdahin alu tutus dingen bujur. Bujur eme erkemalangen man Tuhan ras erkeleng ate man manusia. Tujun geluhna eme maba kiniulin man kalak si deban. Kalak si mejingkat ras bujur ibas pendahinna datken ulih, umpamana erjuma, erbinaga, pegawai ras dahin sidebanna.

PENJELASEN TEKS

Isi kitab Kuan-Kuanen e me pedah-pedah guna kiniulin manusia i bas ndalani geluhna. Ngajari kalak jadi pentar ras erguna, mpersingeti kalak si nggeluh i bas kegeluhen si la payo gelah jera ras robah ia. Perkisat eme kejahaten. Kalak kisat aru atena kerna kai pe, si idahna kegagalen, kiniseran ras persoalen ngenca janah lalit sura-surana guna mpekena geluhna. La diatena erdahin, erban usaha; nebu-nebu ia ndarami keperlun geluhna. Inanamina atena pangan si ntabeh, uis si mejile ras kenikmaten sideban tapi labo arah ulih latihna. Emaka kalak kisat labo pernah seh sura-surana. Banci i andingken ras kalak si erburu, kalak kisat tertaren-taren, mis ilebei kalak burunna ndai emaka dongal nari nge sikerajangenna, lanai dat kai pe.

Jadi arah pertenget Salomo enda si idah maka kerina manusia arus erdahin. Arus erdahin alu mejingkat, tutus ras bujur. Kejingkaten erbanca kalak ndatken kuasa (ayat 24) labo lit kalak simenjadi peminpin si erkuasa alu proses instan, kerina pasti butuh proses ras Kerja Keras ras ipalasi toto man Tuhan, gelah tuhu-tuhu kuasa e maba kiniulin, tapi kalak siperkisat jadi suruh-suruhen sebab lalit ibas ia bekal guna merdeka ras mandiri ibas dahinna. Kebiasaan kalak perkisat rusur menunda-nunda pekerjaan, piah dungna enggo menumpuk dahin e. Prinsip si ijemak kalak enda, “Melala denga waktu, gundari santai saja lebe.” Kalak si perkisat menyia-nyiaken waktu si lit ras la pernah makeken kesempaten, piah reh kemusilen nindih ia. Sebab dekahen tunduh, bermalas-malasan, santai, asangken dahinken dahin si lit. Emaka sebage kalak sierkiniteken, harus tutus kita ndahiken dahin e ras bujur ka ibas pendahikenna (bdk. Kol 3:23), sebab kebujuren e biasana jadi contoh man jelma sienterem sibanci negu-negu kalak kempak kebenaren (ayat 26). Erdahin eme penembahen man Dibata.  Kenca manusia ijadiken Dibata, isuruhna manusia erdahin, erkarya guna njagai ras ngusahai doni enda. Emaka kesuksen epe arus sipakeken guna kemulian Dibata, sabab e iberken Dibata pe gelah banci ka si pake guna nampati kalak sideban. Ogenta pe ibas paksa enda nuriken uga kerna Kuasa siiberken Yesus ibas milih ajar-ajar si pemena, nterem kalak megi pengajaren Yesus, termasuk pe pasti simada perahu e simon (ayat 3) megiken pengajaren sinesehken Yesus, ibas situasi kinilatihen erdahin sada berngi erdahin la dat kai pe (ayat 5) janah waktu menepi aturna istirahat ije ipakeken simon ras temanna lako megiken Yesus ngajar, bahkan la terjeng megiken pengajaren Yesus e, Ia pe patuh ngikutken kata si isuruh Yesus amin pe mungkin tantangna la kapna mungkin kai siisuruh Yesus e rikutken situasi singgo alamina. Sebab situhuna nukahen muat nurung paksa berngi ras enda pe labo berhasil. Pengakun Simon ‘Tapi adi Kam kal nuruhsa banci kuamburken jala e’ (ayat 5) merupaken pengakun iman si negasken tek ia kerna kai siikataken Yesus amin sekali berlawanen ras logikana, sebab yakin ia Yesus e Tuhan simada Kuasa, singasup erbahan tanda sengget man manusia. Alu kata sederhana,  Ibas latih erdahin, tetap iberekenna waktuna guna megiken pengajaren Yesus e ras ndahiken kai sikatakenNa kedungenna ialokenna pasu-pasu Tuhan e. Bagepe ibas invocatiota nuriken kerna kalak pantas ndahiken dahinna, Ibas Alkitab Bahasa Indonesia kata “cakap” ertina lihai, ahli dan mumpuni ibas pendahinna. Tentuna kalak si menguasai ibas pendahinna ras bujur ibas pendahinna e pasti ipake ras iperluken kalak rusur ras biasana istimewa nge posisina ibas bidangna sebab nterem kalak simembutuhkensa. Emaka Prisnisp erdahin ibas kalak Kristen, sentudu ka bagi ikataken Penulis Buku Jansen Sinamo, ibas Etos Kerja Kristiani, eme”

1. Kerja adalah amanah aku/kita bekerja tulus penuh syukur.
2. Kerja adalah Rahmat : aku/kita bekerja penuh tanggung jawab.
3. Kerja adalah panggilan : aku/kita bekerja tutus penuh integritas
4. Kerja adalah aktualisasi : aku/kita bekerja keras penuh semangat
5. Kerja adalah ibadah : Aku/kita bekerja penuh kecintaan
6. Kerja adalah seni : aku/kita pekerja penuh kreativitas
7. Kerja adalah kehormatan : aku/kita bekerja penuh dengan keunggulan
8. Kerja adalah pelayanan: aku/kita bekerja penuh kerendahan hati

Kalak Karo pe secara umum itandai kalak mejingkat, e maka lit kuan-kuan kalak karo “ Rulih ‘di mejingkat kin, liah ‘di perkisat kin”. Iidah pe i bas kinatana, kalak karo si nuria umumna perjuma, erpagi-pagi si lampas enggo berkat ku juma, maba nakan, ras mulih ku rumah enggo erkata pet-pet. Kuta melungen tupung suari sabab kerina kalak ku juma. Kalak Karo megegeh encari guna masa depanna, Bage pe lit ka pengajaren orangtua nai “nggeluh ermalu-malu,” mela adi mindo. Kerina kuan-kuan enda motivasina positip gelah nggeluh kita mejingkat erdahin. Aminna gia maun-maum lit ka nge kecenderungen erkiteken jingkatna lanai iingetna njaga kesehaten, lanai iingetna man ngayak-ngayak dahin, piahna turah pinakit. Pepulung erta tapi kedungenna keri guna pertambar. Bage pe erkiteken mejingkat pepulung erta piah kurang mediate nandangi kiniteken ras dahin-dahin Gereja. Enda me si perlu sipelimbarui gelah kita nggeluh mejingkat labo terjeng ndarami erta doni saja tapi termasuk pe erta Surga.

Adi ngerana kita kerna kejingkaten maba ulih manbanta enda tentu berhubungen ras melala faktor. Faktor utama si paling penting e me berhubungen ras karakter jelmana, e me: tutus erdahin, nggit erlajar, punya misi masa depan ras la mesukah putus asa. Tep-tep manusia lit tanggung-jawabna i bas jabu, gereja, masyarakat ras man Dibata. Guna nehi tanggung-jawab enda pertama-tama si la banci lang e me arus tutus erdahin. Uga banci kita nehken tanggung-jawabnta enda adi kita kisat erdahin?. I bas kita tutus erdahin e tek kita maka Dibata nge ulu pasu-pasu. Usaha manusia jadi sea-sea adi la rikutken toto ras nggeluh erkemalangan man Dibata. Emaka perlu sigelem motto ”Ora et Labora” (erdahin ras ertoto), dua hal si la banci ipesirang. Adi erdahin saja mejingkat la ertoto man Dibata e me sada kesombongan, tapi ertoto saja la erdahin e me kebodohen. Pedauh kerina biak-biak perkisat, santai, menunda-nunda pekerjaan. Erdahinlah alu tetap mpermuliaken gelar Tuhan, labo hanya gelah ndatken kinibayaken tapi pe ermulia gelar Tuhan. Gelah kinibayaken ras kesuksesen si idatken kita pe lit maknana, e me guna kemulian gelar Dibata (Soli Deo Gloria).

Pdt. Jerry K. Tarigan, S.Th

(GBKP Rg. Tangkahen)

___Klasis Medan Namorambe___