KHOTBAH MINGGU TGL 23 MEI 2021, Kesah Sinaksiken Kebenaren (Johanes 16:4b-15)

KHOTBAH MINGGU TGL 23 MEI 2021, Kesah Sinaksiken Kebenaren (Johanes 16:4b-15)

KHOTBAH MINGGU TGL 23 MEI 2021

(PENTAKOSTA / NUSUR KESAH SI BADIA)

Invocatio         : Adi Kesah Dibata si enggo mpekeke Jesus ibas si mate nari ringan ibas kam, maka Dibata si enggo mpekeke Kristus ibas si mate nari e la banci lang mereken geluh simbaru man kulandu si arus mate e, arah kesahNa si ringan ibas kam e. (Rm. 8:11)

Ogen               : Esekiel 37:11-14 (R)

Kotbah            : Johanes 16:4b-15

Tema               : Kesah Sinaksiken Kebenaren


 


PENJELASEN TEKS

Kesah Si Badia si erdahin ibas kita, ibas gerejata, mereken pengangkan man banta kerna sura-sura Dibata. Adi siangka perbahanen Dibata bas geluhta, siangka kai sura-surana, ibas ndalanken pedah Dibata e pe labo siakap mberat. Kesah si Badia e la saja mereken pengangkan, tapi pe mere gegeh guna ndalanken sura-sura Dibata ibas kegeluhenta. Jadi kalak benar tentu labo menukah, melala tantangen sebab lit sura-sura daging ibas dirita, bagepe erbage-bage Pengajuk Dosa si man lawanen. Emaka lalap nge siperluken penampat Kesah Si Badia gelah kita banci paguh dingen setia ibas kiniteken. Ngasup kita ngelawan sura-sura daging jenari siikutken pedah Dibata. Bagepe ibas si mberat si reh bas geluhta, tetap kita megegeh erkiteken Kesah Si Badia lit ibas kita. Emaka guna tole ngangkai ugakin pendahin Kesah si Badia, arah ogen bahan Khotbahta ibas Paksa enda siidah uga pendahin Kesah Si Badia rikutken Johanes 16:4b-15, Kesah Si Badia e erdahin sebage:

▪ Penampat & Penghibur (Ayat 4b-7)

Kerna Pendahin Kesah Si Badia e, Ibas Alkitab LAI (terjemahan bahasa Indonesia) ipake kata Penghibur ras ibas Pustaka Sibadia ipake kata Penampat. Dua bahasa enda memiliki makna si saling mendukung, ija ibas kegeluhen enda siakui secara pemahamen umum saja, pasti setiap penampat pasti mereken keriahen ntah ‘penghiburan’ man kalak singaloken penampat ras simereken penampat e sendiri. Bagepe adi sihubungken ndai ku dua kata sipake guna njelasken Pendahin Kesah SI Badia ija mereken gambaren bagem pendahin Kesah e ibas kegeluhennta manusia mereken penamapat man banta, janah e tujunna guna mereken keriahen nggeluh (Penghiburan) man banta. Istilah “Kesah” ibas bahasa Ibrani Ruah ertina angin, napas, kuasa ilahi. ibas bahasa Yunani Pneuma si ertina “sang Pemberi Kehidupan Yang tak terlihat”,  Sedangken erti  “Badia” e me suci, tidak bercacat.  Kata “Penampat/penghiburan” ibas bahasa Yunani make kata  Paraklethos si ertina  menghibur (memberikan hati yang tenang, sejuk). Banci Siertiken Kesah Sibadia e me Kuasa Dibata sinampati ras simereken keriahen ku kerina manusia ersaksi kerina IA amin gia mungkin melala tantangen siman alanken.

▪ Petangkas man manusia Kerna Pengertin Dosa ( ayat 8)

Kata Petangkas ertina mereken Pengertin ntah makna sibenar. Kesah Si Badia e reh guna najari manusia nggeluh alu benar ras lanai erbahan dosa, sebab Dosa situhuna adi lanai ersembah ras ndalanken Perentah Tuhan Yesus.

▪ Kesah Si Badia e Reh guna naksiken Kebenaren

Tuhan Yesus nggo nangkih Ku surga, ras kebenaren nggeluh nggo iajarken Tuhan man kerina ajar-ajar, janah Kesah Si Badia si terus mpersingeti kerna ajaren Tuhan e man ajar-ajar. Kesah Si Badia e si terus minpin manusia guna naksiken kebenaren ajaren Kristus, sebab Kesah eme kebenaren. Kata “Kebenaren”  ibas bahasa Yunani eme  δικαιοζσνη (dikaiosune) ertina perbuatan benar, keadilan, ketentuan Allah. Tentu hal enda tertuju ku Yesus sendiri sebagai sumber kebenaren situhu-tuhu, sebab IA la pernah ersalah ras la erdosa. Tentu arah pendahin Kesah e ngajari kita guna terus tetap megegeh ras semangat ibas ndalani kegeluhen selaku anak-anak Dibata, ras tetap konsisten guna naksiken kebenaren Kritus. Ibas Pengogen Esekiel 37:11-14, ibas nubuatna Esekiel nerangken uga kegeluhen bangsa Israel ibas paksa pembuangen I Babel, Ia ngidah bangsa enda pas bagi tulan-tulan si kerah nggo bene pengarapenna, enggo kerah, enggo peltep (ayat 11) tentu sie kerina erkiteken iakapna Dibata lanai erdahin, seh maka kesusahen ipandang hanya sebagai ketidakberpihakan Dibata mana bana, padahal e merupaken cara Dibata mpehuliken kegeluhenna. Ibas situasi sibagenda rupana tole Dibata arah Esekiel mpetandaken diriNa man bangsaNa. Dibata namaken KesahNa man bangsa Israel maka lit gegeh / nggeluh mulihi, jenari iberekenNa ia ringan I negerina jine. Gelah alu bage itandai manusia keleng ate Dibata e, she maka Kuasa Dibata sierbanca manusia ndatken keriahen la bene pengarapen. Ihubungken ras invocatio Roma 8:11, Kesah Dibata simpekeke Jesus ibas simate nari, kematen Yesus e guna naluken kuasa kematen, emaka Kuasa Kesah e ka kari simereken kegeluhen simbaru man kulanta si arus mate, tapi erkiteken Kuasa KesahNa ringan ibas kita sialoken me kegeluhen situhu-tuhu tahan rasa lalap.

 

APLIKASI

Kesah si Badia mabai pembaharuan i bas doni enda khususna i bas kegeluhen kalak si tek man Yesus Kristus. Adi sinen i bas tradisi kalak Yahudi, Pentakosta (wari pe-50-ken, bhs. Ibr. Shavuoth) e me perayaan panen gandum si ilakoken wari pe-50-ken kenca Paskah. Paskah i bas tradisi kalak Yahudi e me peringeten pembebasen i bas perbudaken Mesir nari. Dua perayaan enda enggo ipelimbarui maknana i bas kalak si tek. Paskah e me wari kekeken Yesus Kristus i bas kematen nari, sedangken Pentakosta e me wari nusurna Kesah si Badia. I bas peristiwa Pentakosta, terjadi pembaharuan i bas ajar-ajar Yesus jadi per-Berita si Meriah erkiteken pendahin Kesah si Badia. Gereja lit i tengah-tengah doni enda erkiteken pendahin Kesah si Badia. Janah Gereja e me perpulungen kalak si tek man Yesus Kristus si geluhna enggo ipelimbarui Kesah si Badia. Temanta sendah ngatakenca “Kesah Sinaksiken Kebenaren” berkaiten ras tugas tanggung jawab Gereja i tengah doni enda, eme melayani, bersekutu, ras pe ersaksi. Erberita kerna Kata Dibata termasuk erberita kerna pendahin Kesah si Badia, baik secara kelembagaan Gereja bage pe secara pribadi. Hal si paling penting kel e me geluhta arus lebe ipelimbarui Kesah si Badia makana banci kita naksiken entah pe erberita kerna pendahin Kesah si Badia.

Selamat Pentakosta….


Pdt. Jerry Karlo Tarigan, S.Th

(GBKP Rg. Tangkahen)

____Klasis Menara____

Share this post

Leave a Reply

Your email address will not be published. Required fields are marked *


Kami sedang meningkatkan kualitas pelayanan kami, jangan sungkan untuk mencoba fitur chat botnya ya, Infoin kami ya supaya chat botnya semakin canggih. Selamat Mencoba