PEKAN DOA WARI III, Ersikaplah Kam (Josua 1:1-9)

PEKAN DOA WARI III, Ersikaplah Kam (Josua 1:1-9)

Invocatio        : “Aku kap Dibatandu, e maka ku embah-embah kam, seh kam metua janah ubanen. Aku si njadiken kam, e maka Kutatang-tatang, Kuangkip-angkip janah Kukelini kam”. (Jes. 46:4) 

Kotbah           : Josua 1:1-9

Tema              : Ersikaplah Kam



Rikutken Temata kata ersikaplah ibas bahasa indonesia e me bersiaplah. Kamus Besar Bahasa Indonesia kata bersiaplah ngertiken bersedia, berjaga-jaga (menghadapi segala sesuatu), mengatur segala sesuatu. Sada perentah si i peseh Tuhan man Josua guna ersikap, segelah ia ras kerina kalak Israel berkat guna ngepari Lau Jordan lako mengketi negeri si bakal i bereken man Josua ras bangsa Israel e me tanah Kanaan.  Perentah e i peseh Tuhan kenca mate Musa.  Josus anak Nun e me pembantu Musa (ayat 1), ia me pembantu Musa si akrap tupung Musa jadi pemimpin Bangsa Israel. Si ibenai mulai ndaratna Bangsa Israel ibas tanah perbudaken i Mesir, nyaksiken hukumen sepuluh tulah (mara), Paskah si pemena, ngepari Lawit Merah, tupung perdalanen i padang gurun. Josua me jadi panglima perang tupung perang ngelawan bangsa Amalek (bdk. Kel. 17:8-16). Bagepe tupung Musa  i suruh Tuhan nangkih ku Deleng Sinai, tupung Tuhan mereken dua lambar papan batu si isina kerna undang-undang si enggo i suratken guna pengajaren man Bangsa Israel (bdk. Kel. 24:12-18). Sebagai pembantu Musa, Josua e me sekalak si setia ras tutus guna nampati Musa bagepe ketutusen guna ndahiken dahin Tuhan (bdk. Kel. 33:11). Bagepe tupung i Kades Josua me salah sada mata-mata si sepuluh dua si i suruh Tuhan ku Kanaan. Janah Ia me ras Kaleb si mpertahanken pendapat guna melawan saksi palsu mata-mata si sepuluh dua si deban (bdk. Bil. 14).  Josua me sekalak si menghargai ras ngakui kehadiren Tuhan. Empat puluh tahun kebersamaan i dalani Josua ras Musa guna mimpin Bangsa Israel. Pastina Josua melala erlajar arah pengalaman Musa baik pengalamenna suka ras duka ras Tuhan guna mabai Bangsa Israel. Jadi tupung Josua ras Musa sebagai pemimpin Bangsa Israel enggo i tuduhken Josua sekalak si erkiniteken, bervisi, memiliki kebranian, setia, taat, bage pe ertutus ate, tutus ertoto, ras mengabdi man Tuhan arah ndalanken kata-Na. E maka Josua me i pilih Tuhan guna ngantiken Musa. Si tuhuna perentah e enggo i peseh man Musa sope denga Musa mate. Tertulis ibas kitab Bilangen 27:18-19 “Nina Tuhan man Musa, “Buatlah Josua anak Nun sekalak si megegeh jenari tangkuhken lah ia. Siruh ia tedis i lebe-lebe Imam Eleasar ras kerina perpulungen e, jenari i lebe-lebena kerina, momoken maka ia me jadi gancihNdu.”

            Arti gelar Josua ibas bahasa ibrani (PL):Yehoshua atau Yeshua: Tuhan Menyelamatkan (Tuhan adalah keselamatan) dan dalam bahasa Yunani : Yesus (Gelar si sepadan ras Jesus ibas PB Jadi Josua e me wakil Yesus Kristus guna mabai Bangsa Israel ku bas tanah perpadanen.

Perentah Tuhan man Josua guna ngepari lau Jordan guna mbengketi tanah perpadanen i umputi ras padan Tuhan man bana ras Bangsa Israel si tertulis ibas ayat 3-5. Janah janji e i petegas Tuhan segelah Josua tetap ukurna sebab Tuhan tetap ras Josua ras la ndigan pe i tadingkenNa (ayat 5b). Tuhan tole mereken kepercayan man Josua maka ia sebagai pemimpin guna ndatken taneh si enggo i padanken, tapi Josua ras Bangsa Israel harus ngikutken undang-undang si ibereken Musa (Bdk. Ul. 31:9-12),sada bagin pe ula lupaken, kitab undang-undang e harus tetap i ogeken ibas kebaktindu, pelajarilah e suari ras berngi ras harus i patuhi. Alu bage la banci la kam sangap janah seh sura-surandu (ayat 6-8). Bage pe i tutup i bas ayat 9, mulihi i persingeti Tuhan segelah tetap ukur Josua ras tek, ola mbiar, ola aru atendu sebab aku Tuhan Dibatandu tetap ras kam ku ja pa pe kam lawes. Perentah Tuhan e i patuhi Josua dingen i lakokenna. Banci si oge ibas kitab Josua 6:1-13:7 kerna ketaatan Josua guna mimpin Bangsa Israel. Kepatuhan ketetapen ukur Josua e me jadi telan man serayan Tuhan guna ndahiken pendilo guna ndahiken dahin Tuhan.      

 


Pdt. Merry P Br Sitepu, S.Th

(GBKP Rg. Rampah)

___Klasis Menara____

Share this post

Leave a Reply

Your email address will not be published. Required fields are marked *


Kami sedang meningkatkan kualitas pelayanan kami, jangan sungkan untuk mencoba fitur chat botnya ya, Infoin kami ya supaya chat botnya semakin canggih. Selamat Mencoba