PEKAN DOA GBKP WARI II, Erjaga-jaga Dingen Tutus Ertoto (Efesus 6:18-20)

PEKAN DOA GBKP WARI II, Erjaga-jaga Dingen Tutus Ertoto (Efesus 6:18-20)

Ogen   : Efesus 6:18-20

Tema : Erjaga-jaga Dingen Tutus Ertoto



Arah ertoto man Tuhan sigejapken perjumpanta i adep-adepenNa, e maka sidahi Tuhan arah kerina dampar kegeluhenta subuk kiniseran, keriahen, pengalemi dosa, pengkawali Dibata, mindo penampat rsd. Ibas paksa enda arah bahan pekan doa wari pe II ken enda tole kita erlajar kerna ertoto alu tutus man Dibata.

Ayat 18; pengajuk gelah ertoto alu tutus. Ertoto eme komunikasi ras Dibata, sijadi ulu gegehta ibas kita mindo penampat man Bana. “Ertotolah rusur” ertina maka ertoto e bagi kesah siperluken kita tiap wari “doa adalah nafas hidup orang Kristen”. E sijadi landasen geluhta, ertoto labo jadi jalan terahir tapi jadi hal utama ras pertama ibas kerina kecibal geluhta. Arah ertoto mindo penampat man Dibata kita ngasup ngelawan kuasa iblis si la teridah e (bnd.11-12). Ertoto eme senjata sipaling efektif, emaka Paulus ngataken ertotolah rusur. Iblis lalap ersikap guna menyerang kita, emaka kita pe harus lalap ersikap katawari paksa pe gelah ula talu. “Ertoto alu Kesah” labo berarti ertoto ibas bahasa roh (lidah), tapi ertoto alu pimpinen Kesah si Badia (bnd.Rom. 8:2b) maka adi kita ertoto reh Kesah Dibata nampati kita bas kita ertoto. Janah bas kita ertoto, labo guna dirinta saja tapi pe guna anak-anak Dibata, eme kerina kalak Kristen. Labo maka la perlu ertoto nangdangi sila Kristen tapi siharus si inget maka sitatang-tatangen ibas pertotonta mbelin kel ulihna man banta.

Ayat 19-20; pertoton guna Paulus (bnd.Kol.4:3, 1Tes:25, 2 Tes. 3:1). Lit 2 pemindon Paulus ibas pertoton perpulungen, eme; sipemena: i bere Dibata  kata-kata sipayo adi ngerana, sipeduaken: Pang ngerana.  Duana enda penting kel man sekalak serayan Tuhan. Sebab beluh pe ngerana adi la pang nurikenca man kalak sideban labo lit gunana, ntah pe sebalikna adi pang pe ngerana adi labo berita sibenar ras payo akap Tuhan sia-sia kang nge. Paulus (hamba Tuhan) sebagai manusia biasa maka ia pe banci saja i serang iblis si jahat e, e maka harus lalap i totoken. Mberitaken Berita Si Meriah e labo dahin simenukah sebab ituriken Paulus maka, ia sebagai utusen Dibata i penjaraken ban meritaken Berita Si Meriah.

Sijadi fefleksi arah bahan ogenta enda:

  • Tetap erjaga-jaga dingen ertoto alu tutus, alu bage kita ngasup bertahan ras ngalahken musuhta eme penguasa sila teridah ras kuasa doni si gelap. Sanga Yesus icubai iblis, iblis tempa-tempa mundur bas Ia nari tapi inenna kesempaten si deban (luk.4:13). Enda ngingetken kita maka kita arus erjaga-jaga janah tutus ertoto, Yesus Anak Dibata pe icubai iblis tentu kita pe banci icubai. Sebab iblis gawah-gawah ku jah ku je bagi singa sierngaun ndarami siman jengemenna (1Pet.5:8).
  • Pang meritaken Berita Si Meriah; selaku sitek nangdangi Tuhan kita pe bagi Paulus pang nuriken kebenaren Kata Dibata subuk tengteng ras la tengteng paksana (2Tim.4-2). Rasul Paulus enggo ngingetken enda 2000 tahun silewat, apai ka kondisi sigundari kita arus tegas nuriken kebenaren Firman Tuhan laboo nuriken si pas bas cuping simegisa.
  • Pendoa; ingetdu nge aku ibas totondu? Ibas kegeluhenta erkiniteken man Tuhan tetap kita jadi pendoa man nterem jelma khususna kita sisada kiniteken (serayan) sebab kuasa doa temanta nampati kita ibas ndalani kegeluhen bage pe kegeluhen pelayanenta. Bagi siigejapken Paulus ibas pelayanenna, emaka kita pe sitangtangaen ibas totonta. Doa orang benar bila dengan yakin didoakan sangat besar kuasanya (Yak. 5:16).

Vic. Sarinti Br Surbakti, S.Th

(GBKP Rg. Rampah)

___Klasis Menara__

Share this post

Leave a Reply

Your email address will not be published. Required fields are marked *


Kami sedang meningkatkan kualitas pelayanan kami, jangan sungkan untuk mencoba fitur chat botnya ya, Infoin kami ya supaya chat botnya semakin canggih. Selamat Mencoba