PJJ tanggal 24-30 Januari 2021 (DIBATA SI ERMULIA KETANGKASEN 4:11)

La igejab enggo erdalan 1 tahun dekahna covid 19 mewabah i doni enda khususna i Indonesia si erakibat kubas erbage bage bentuk aktifitas si membatasi ruang gerak kerina manusia baik secara social, ekonomi, politik, bisnis bagepe kubas kegiatan beribadah. Ibas si enda erbage bage usaha manusia gelah banci tetap bertahan hidup mulai ibas meningkatkan stamina tubuh alu cara erdispin mengkonsumsi vitamin ras pangan secara teratur bage pe kegiatan olah raga. Janah ibas si enda si la kalah penting emekap alu melaksanakan PSBB gelah kehidupan terus banci berlangsung secara normal i tengah tengah pandemic covid si secara terus menerus mewabah she asa genduari. Ibas situasi si bagenda rupana gelah kelangsungan setiap kegiatan banci ka erdalan alu mehuli maka la banci lang kerina jelma harus berupaya beraktifitas secara daring. Alu bage maka lalit alasen la mpergunakan alat komunikasi si berteknologi modern bagi si idah genduari enda. Janah secara positif pemakian Teknologi Informasi enda mbue nampati kubas kegeluhen manusia khususna ibas melaksanaken kegiatan ibas erbage bentuk. Banci ikataken ibas pemakaian sarana komunikasi ibas paksa pandemic enda selangkah manusia enggo reh majuna amin lit denga ka situhuna si lenga beluhsa memanfaatken kemampuan tekno;ogi enda.

Ibas bahan PJJ ta enda ningetken kita maka Dibata ermulia ibas kerina situasi, subuk ibas masa meriah ukur bagepe ibas masa kiniseran bagi si terjadi ibas konteks si genduari la erbahansa kalak si malang man Tuhan ngadi erkiniteken tapi tetap berusaha memakai alat komunikasi berteknologi informasi gelah dahin permuliaken gelar Tuhan banci tetap erdalan alu mehuli. Alu bage muji Dibata jadi prioritas utama man kalak si erkiniteken man Tuhan, labo arah rende saja tapi pe arah dampar si deban bagi si lakoken kita make alat alat si erteknologi modern tetap lit kesempatenta mpermuliaken Tuhan. Ibas ketangkasen 4:11 enda pe kerina malekat2 Tuhan mpermuliaken gelarNa  bage pe kita la ketadingen bicara sekali pe virus mematikan enda tetap me wabah tapi kemuliaan Tuhan tetap teridah ras tergejab bas kegeluhen kalak si ernalem man baNa.

Terpuji gelar Tuhan si badia. Heleluya….

Pdt. Timotius Sembiring, S.Th

___Klasis Menara____