PJJ 31 Januari-06 Februari 2021, TEMPAS DIBATA IBAS DIRINDU (Kejadin 1:26-27)

PJJ 31 Januari-06 Februari 2021, TEMPAS DIBATA IBAS DIRINDU (Kejadin 1:26-27)

Pengakun penandai kerna Dibata bagepe penandai kerna dirinta ras tinepa sideban penting banta selaku kala si tek man Dibata. Erkitaken si e me maka gerejanta GBKP terus erbebe secara kontekstuar nuriken pengakun kinitekenta si tersurat ibas Pengakuan Iman (Konfesi) GBKP menaken tahun 2016. Konfesi GBKP si enggo lit ibas gerejanta kenca enggo itetapken ibas tahun 2015, terus idiskusiken seh gundari. Janah ibas minggu enda, salah sada ibas 16 Bab Konfesi nta e eme Bab IV kerna manusia, jadi oraten sekaligus renungen ibas PJJ nta.

Ibas proses penciptaan, itepa Dibata manusia e jadi mahluk si sempurna dingen luar biasa, tapi amin bage gia enterem denga jelma e la sedar ia kerna sie, seh maka iisina ras ipakekenna wari-warina alu rate-ate, janah pe la terlepas ibas ukur si eraru ate bagepe lit ibas kebiaren ras keputusasan. Bagepe rusur denga sijumpai lit denga manusia si labo ngasup ngalakan perbeben geluhna, emaka ilakokenna perbahanan si la mehuli ras mencari jalan pintas. Misalna saja mengkonsumsi narkoba, bunuh diri, ras sidebanna.

Kata Dibata si jadi perenungen man banta, alu tangkas kel ituriken bahwa itepa Dibata manusia e sue ras tempasNa. Ertina, ibas dirita pe teridah biak-biak Dibata (karakter Allah). Emakana kita banci rukur, erkeleng ate, ngalemi salah, erbahan mehuli, ras sidebanna. Janah enda me si mbedaken kita ras tinepa Dibata sidebanna. Imago Dei (segambar ras Tuhan) pe banci iertiken bahwa ibereken Dibata kuasa man manusia guna ndalani kegeluhenna ras mereken perentah segelah “engkuasai kerina nurung, perik-perik, bagepe kerina asuh-asuhen ras rubia-rubia si meliar, bali si galang ras si kitik” (Kejadin 1:26b). Ibas ayat enda banci jadi pergegeh man banta bahwa situhuna kita enda enggo jadi pemenang erkiteken ibereken Dibata man banta kuasa e. Aminna gia lit denga anak-anak Tuhan si nggeluhken geluhna la makeken kuasa siibereken Tuhan e seh maka ia talu ibas kegeluhen.

Arah renungenta wari si sendah alu tangkas ngataken bahwa kita enda itepa Dibata sue ras tempasNa, emaka biak-biak Dibata e teridah ibas diri kita. Bagepe ibas kita ngaloken perentah ibas Dibata nari, maka arus kita banci ngaturken dirita alu mehuli ras ngaturken kerina tanggungjababta si ibere Dibata man banta. Jadi, mari sipesikap kegeluhun doni enda alu sipakeken tempas Dibata si lit ibas kita.


Pdt. Melda P. Surbakti, S.Th

(GBKP Rg. Simalingkar A)

___Klasis Menara___

Share this post

Leave a Reply

Your email address will not be published. Required fields are marked *


Kami sedang meningkatkan kualitas pelayanan kami, jangan sungkan untuk mencoba fitur chat botnya ya, Infoin kami ya supaya chat botnya semakin canggih. Selamat Mencoba