Khotbah Minggu Epiphanias IV, Perkuah Ate Dibata Mereken Kegeluhen (Juna 3:1-10)

Khotbah Minggu Epiphanias IV, Perkuah Ate Dibata Mereken Kegeluhen (Juna 3:1-10)

Invoctio            : Ngkelengi Dibata ertina patuh man perentah perentahNa, perentah perentah e labo mberat (1 Yohanes 5:3)

Ogen                 : Markus 1:14-20 (T)

Khotbah           : Juna 3:1-10 (T)

Tema                : Perkuah Ate Dibata Mereken Kegeluhen


Nabi Yunus emekap sekalak nabi si iutus Dibata ku Niniwe. Niniwe emekap ibu kota kerajaan Asyur. Ope Yunus iutus Dibata ku Niniwe maka Nabi Yunus pernah ernubuat man Raja Yerobeam II si dekahna 40 Tahun merintah Israel. Ibas masa pemerintahen Yerobeam II, Israel lit ibas masa kejayaan terutama ibas bidang ekonomi, politik ras militer. Tupung paksa si e Aram emekap musuh utama Israel si enggo ngkuasai kota kota Israel. Ibas masa pemerintahen Raja Yerobeam II, Perbatasan Israel utara berhasil i rebut kembali bagi uga kin nai Israel i perintah Raja Salomo. Kejayaan Israel enda bagi si tersurat ibas 2Raja 14:25 enggo leben i nubuatken Nabi Yunus bagi si i perintahken Dibata man bana.

Ibas sisi si berbeda kota Niniwe emekap ibu kota kerajaan Asyur. Ibas masa pemerintahen Raja Yerobeam II Asyur lenga jadi ancamen man Israel. Tapi ibas serangan seangan si ilancarken Asyur man Aram mengakibatkan Aram kwalahan ras melemahken Aram sendiri. Keadaan enda jadi kesempaten man Israel guna merebut kota kota Israel si i kuasai Aram. Alu cara si bagenda Dibata mulahi bangsaNa ibas tabanen kalak Asyur nari. Paksa si e Niniwe i perintah Adad Nirari III entah Asyurdan III janah ku kota Niniwe enda me Dibata ngutus Nabi Yunus  si la kalah bejadna nilai nilai moral ras kejahaten si lit ibas kota Niniwe enda bagi si terjadi ibas bangsa Israel pada umumna khususna ibas masa pemerintahen Raja YerobeaM II jadi sada bukti maka keamanan, kenyamanan ras kejayaan  si enggo i anugerahken Tuhan labo erbahansa maka raja ras Israel khususna lit ibas pertobaten tapi sebalikna terjadi kerusakan moral, sosial ras rohani ibas masa masa kemakmuran Israel. Kemewahen, pesta pora, kebejatan, ketidak adilan, kekerasan, keserakahan, penindasan man kalak si mesera geluhna (miskin) bage pe merebakna penipuan enggo jadi life style kalak Israel Bage pe kalak Niniwe. Ngidah keadaan enda enggo seh kubas pemegi Dibata emaka Yunus iutus mulihken ku Niniwe gelah nehken persinget man Niniwe kerna ukumen si lanai banci la isehken Dibata man baNa labo berita pertobaten gelah jera ibas perbahanenna si melket nari.

Yunus pe mbelin sura surana maka Niniwe iukum Dibata. Tapi kai si isuraken manusia la kepe bagi sura sura Dibata si terjadi. Kinata si terjadi emekap bangsa si la nanadai Dibata enda kepe megi sora Dibata si sehken Yunus emaka Raja si merintah Niniwe Adad Nirari III entah Asyurdan III nuruh kerina rakyatna ggelah robah dingen jera bas perbahanenna simelket alu tanda makeken uis guni ras kundul ibas abu, pertobaten enda la terjeng man kalak Niniwe saja tapi ikut pe kerina rubia rubia maka nggeluh alu robah. Enda jadi sada indikasi man kalak Niniwe  maka rubia rubia pe arus ikut robah erkiteken sikap Dibata ibas nalihken ukurna (menyesal) ngukum Niniwe  jadi sada hal si mustahil iakapna ngidah uga belinna ras melketna perbahanenna. Bage pe Yunus di luar kesadarenna maka la iakapna mungkin Dibata nalihken ukurNa guna merespon perkabungen kalak Niniwe ertina kai si ibahan Dibata ngidah pertobaten kalak Niniwe sangat di luar jangkauan ras daya nalar kalak Niniwe sendiri bage pe Juna/Yunus (bnd. Yes 1:8  Kam enggo erkubang ibahan dosa tapi ku peridi kam bagi salju).

Hidup ini adalah kesempatan oleh karena itu setiap waktu sangat berharga nina pepatah. Bage me si terjadi ibas kegeluhen manusia pada umumna. Adi nulih kita kubas kegeluhenta maka melala denga waktu ras kesempatan si bere Tuhan guna banci nggejabken perkuah ateNa. Alu bage cara kai nge si pake gelah banci nggejabken perkuah ate Tuhan? Tentuna arah sikap geluhta merespon pendiloNa man banta. Tapi ibas pendilo enda pe megati perlu denga kel isadari gelah sempurna jadi kalak si banci tetap jadi si kerajangen Dibata. Lit deba kenca reh kiniseran maka menjawab pendilo Tuhan man bana ibas geluhna, lit deba bersikap biasa biasa saja jamah lit ka deba adi enggo jadi kalak Kristen enggo nggeluh ibas pendilo Tuhan. Gambaren kalak Niniwe ibas merespon kehadiren Tuhan la alu pertimbangen tapi sikap spontanitas ras patuh man sora Dibata si mereken kegeluhen si cukup berarti man bana alu ngalemi perbahanenna si jahat. Ajar ajar si pilih Yesus pe mereken dirina guna ngikutken Ia labo alu pertimbangen si cukup memakan waktu, tapi alu penyerahen diri seutuhna man Yesus guna i pake Yesus mereken kegeluhen man kalak si ngikutken Ia. Kalak si ngikutken Tuhan la banci la patuh man perintaNa sebab perintah si berekenNa e eme kataNa si nerangi ukur kalak si gelap gelah nggeluh ibas terang. Janah si patuh man perintahNa eme si engkelengi Dibata. Singkelengi Dibata engkelengi perintahNa si jadi masalah melala si meteh kai si perintahken Tuhan tapi ibas ndalankensa metahat denga ibas kegeluhen manusia.  Nina Pdt. DR, SAE. Nababan, LID ibas sada semiloka pendeta HKBP kenapa orang Kristen itu masih sulit untuk menjadi Kristen sejati karena masih sangat sulit menjalankan hidup sesuai dengan tuntutan Firman itu sendiri. Firman itu di lakukan bukan dengan hati tapi dengan aturan seolah Firman itu sama kedudukannya dengan sebuah peraturan di dunia ini jadi Firman itu tidak memiliki keistimewaan sehingga sulit membentuk karakter kekristenan itu sendiri. Bjr


Pdt. Timotius Sembiring, S.Th

__GBKP Klasis Menara____

Share this post

Leave a Reply

Your email address will not be published. Required fields are marked *


Kami sedang meningkatkan kualitas pelayanan kami, jangan sungkan untuk mencoba fitur chat botnya ya, Infoin kami ya supaya chat botnya semakin canggih. Selamat Mencoba