Pekan Penatalayanen GBKP Ke VII, 23 Januari 2021, Rencana Dibata  Mehuli (Jeremia 29: 11-14)

 Khotbah   : Jeremia 29: 11-14

Thema       :Rencana Dibata  Mehuli

Nast khotbahta enda eme surat si i kirim nabi Yeremia man bangsa jehuda ija peristiwa si jadi paksa e bangsa Yehuda sangana  itawan i daerah babel gelah tetap ia nggeluh  erdahin ,erjabu ras pesikap kuta ija ingana tading.i persingeti yeremia pe gelah ula tek nangdangi nubuat-nubuat nabi-nabi palsu si paksa si e lit denga rusur ngeranai si nubuatna la sue ras  si ikataken Tuhan .Tuhan naban bagsa e selama 70 tahun dekahna, tujunNa eme gelah bangsa e mulih kempak Tuhan ras nggandalken Tuhan ibas kegeluhena, ibas banggsa e  i taban ia merasa tertekan  ,paksa e  Tuhan sangana  nguji  bangsa e,amina bagepe Tuhan tetap nge erkeleng ate man man anak-anakna emaka Tuhan  mereken kekuaten segelah ia bertahan.arah surat yeremia si ikirimna merupaken pertolongen Tuhan man bangsa Yehuda gelah bangsa e bangkit kembali ras mempunyai kekuaten ras harapen penampat ibas Dibata nari.Tuhan meteh  rancangen geluh bangsa e ras Tuhan mereken suatu pengharapen man bangsa e guna tetap ngandalken Tuhan ibas kegeluhenna.seri nggenda bagi pegalamen kegeluhenta adi lit kegagalen/perbeben ibas geluhta  epe salah sada rencana Tuhan guna masa depanta ku si mehuli

Asum Dibata njadiken doni enda ras isina kerina,maka Dibata punya rencangen dame sejahtera ibas kerina tinepaNa termasuk kita  manusia,kehadirenta ku doni enda irencanaken Tuhan guna maba kemalemen ate /dame sejahtera man dirinta bagepe keluarganta ,masyarakat terlebih man Tuhan .Tuhan lalap netapken rancangen dame sejahtra man kerina anak-anakNa si nggit reh nembah Ia.Dibata mbereken si mehuli man banta selaku anakNa .si jadi masalah man sebagian jelma eme la i tehna uga  janji Dibata si enggo isediakena man anak-anakNa.ija Tuhan mereken kebebasen man manusia guna milih dalansi arus idalanina,dalan kebenaren entahpe sebalikna.tentuna adi kita milih dalan si enggo isediaken Tuhan ,maka setiap janji-janjiNya akan berlaku man kerina anakNa.guna ndatken janji rancangen dame sejahtra e ras meraih masa depan si  penuh harapen maka pertama si arus i lakoken eme erlebuh man Tuhan ras ertoto maka ialoi Dibata pertotonta(ay12).emaka pelu ka ngena si evaluasi kerna dirinta piga kali ngena kita ertoto sada wari.situhuna ertoto labo hal si sulit guna i lakoken tapi lit kange piga –piga engggo pe ia keristen la kabo ia ertoto.sementara ibas kita ertoto kita la perlu mbiar guna mengungkapken isi pusuhta man Tuhan janah labo perlu si karang kata-kata si mejile gelah entabeh mbegikenca entahpe i atur-atur sebab Tuhan idahna ketulusen isi pusuhta.emaka marilah kita erlebuh ras ertoto man  Tuhan gelah kita ngidah  karya Dibata si i nyatakeNa kubas kegeluhenta.rancangen Dibata si mehuli e i genapina man banta.emaka marilah si dideheri alu la biar-biaren, Dibata si erkuasa s idem alu lias ate ,ije si aloken perkuah ate ras lias ate gelah dat kita penampat ibas paksa si i perluken kita(Heber 4:16).

Ibas ayat 13 nina Idaramindu Aku janah i jumpaindu Aku erkiteken alu bulat ukurndu i daramindu Aku.ibas kegeluhenta enda megati kel kita jumapa masalah entahpe perbeben ngeluh.alu litana masalah e megati kel si cubaken ndungi masalahta alu  ngegehta sendiri janah megati la terdungi kita,salah sadana jalan keluar lako ndungi masalahta eme erlebuh njumpai Tuhan(ay 14)Tuhan ngenca mereken serpang pulah si mehuli man banta  asum kita ndarami Ia, maka Tuhan menyatakan Dirina man banta alu mereken ketenangen  dame sejahtra keriahen bagepe kekuaten baru ,pemulihan ras hikmat yang baru guna mereken serpang pulah ibas masalahta nari /menyelesaikan masalah si nihadapi kita.Tuhan mereken ngegeh /kemampuan si lapernah si ukurken sebelumna guna kita ngasup ndalanisa ras ndatken jalan keluar ibas masalahta adi kita  mindo man baNa alu alu bulat ukur.emaka ula kel sempat si tadingken Tuhan adi lit perbebenta entah asum kita lit ibas keriahen.

Janji pemulihan man banta akan di genapi oleh Tuhan adi kita setia reh man baNa masa depan si penuh harapan ras rancangen si mehuli dame sejahtra enggo i sediakenNa man banta, si taat ras setia man baNa, emaka marilah erlebuhlah tetap man Tuhan, reh man Tuhan janah ertoto gelah rancangen simehuli/dame sejahtra sialoken ibas Dibata nari.

Pdt. Serita Br Ginting, S.Th

(GBKP Tebing Ganjang)

___Klasis Medan Namorambe____