Pekan Penatalayanen GBKP Ke V, Encukupken Keperlun Geluh (Ketahanan Keuangen / Resesi) (1 Timotius 6:6-10)

Pekan Penatalayanen GBKP Ke V, Encukupken Keperlun Geluh (Ketahanan Keuangen / Resesi) (1 Timotius 6:6-10)

Invocatio : “Kalak pentar tetap bayak dingen nggeluh i bas kemewahen tapi Kalak bodoh ikerikena duit si mbaru ialokena”. ( Kua. 21:20)

Ogen : Rut 2:1-3

Kotbah : 1 Timotius 6:6-10

Tema : Encukupken Keperlun Geluh ( Ketahanan Keuangen / Resesi)


Manusia i bas geluhken kegeluhenna maka lit keperlun geluh siharus i litken guna keberlangsungan kegeluhenna. Adi i pelajarai tupung sekolah marenda berdasarkan keperlun menurut tingkat kepentingan eme : perimer, sekunder, ras tersier. Ras adi berdasarken sifatna, maka keperlun manusia i bagi jadi dua macam eme: jasmani ras rohani. Guna encukupken keperlun geluh maka manusia harus erdahin sebab kita i tepa Dibata labo guna sinik tapi guna erdahin. Janah Dibata labo mereken perentah gelah terjeng erdahin saja, tapi IA mereken motivasi guna tetap erdahin alu tutus sebaba erdahin e mehuli kap. Sebab Dibata si sembah kita e pe Dibata si erdahin kap ( bnd. Kej. 1:1-15) .

Adi sinen Ibas ogenta Rut 2:1-3 ija nuriken maka Nomi ras Rut lit Ibas kesusahen / kekurangan sebaba ia mbaru denga reh ku Betlehem i taneh Moap nari. Amin Nomi asalnya dube i Kuta e nari tapi kidekah tadingkena kutana e lanaibo lit ertana tading ije. Guna ngelanjutken kegeluhen i je maka harus kalak enda erdahin terutama guna perpanna. Maka Rut sebagai permain si lebih muda ngataken man bibina Nomi maka ia lawes guna darami dahin. Maka ia erdahin ngikut-ngikut Kalak si sangana rani gandum i juma Boas. Maka arah Enda teridah maka Kalak si ngit erdahin maka idatna hasil/ ulih Ibas pendahina. Sekalak si erkiniteken man Dibata ketika i makanaina pendahin si lakokena e sebagai ibadah la hanya terjeng darami duit tah pe perayaken upah maka ia nge i kataken sangap/bayak. Sebab askai pe si idatna Ibas ulih pendahi e i gejapkena pasu-pasu Ibas Dibata nari maka puas  iakapna.

Ibas bahan kotbah 2 Timotius 6:6-10 Enda merupaken pengajaran si ipeseh Paulus man Timotius guna ngergaken pemere Dibata. Paulus menekankan maka manusia harus min cukup iakapna adi lit pangan gelah ula mate ras uis e guna nutup kulana. Labo la perlu ingan tading/rumah entah pe danci geluh lebih dari cukup. Tapi si perlu si inget eme kebenaren si isingetken man kita maka inganta tading i Doni enda kentisik ngenca. Rumahta situhu-tuhu eme i Surga pepagin. Maka Paulus labo ngataken maka ingn tading/ rumah sebagai keperlun si harus i ayaki kalak si tek siatena geluh cukup i Doni enda. Amin bage gia labo ate Paulus empersilahang kalak guna jadi kalak bayak. Tapi Pulus ngingetken kita si ateta bayak i Doni danci ndabuh kubas erbage-bage percuban, sura-sura sijahat, napsu kinirangapen si danci erbahan gedap dingen kernep. Adi la alu metenget maka merangap nangdangi duit e merupaken sumbul kerina kejahaten, janah erbahan jelma ngobah ibas kiniteken, alu bage danci erbahan gulut ukur ras erbage-bage kinicedan ate reh nangdai kalak si bage. Erkeleng ate nangdangi duit asangken nangdangi Tuhan e sehkel salahna.

Lit pepatah ngatakensa “ uang bukanlah segala-galanya” tapi kinata bas geluh enda pepatah dai berubah jadi “ uang bukanlah segala-galanya tapi segala-galanya butuh uang”. Teridah Ibas kitab Timotius enda labo duit si salah tapi merangap nangdangi duit. Dosa sidanci terjadi akibat merangap/ cinta uang eme:

  • U = unfaithful ( ketidak percayaan )

Merangap nangdangi duit danci erbahan sekalak jelma la setia entah pe lalit kepercayaanna nangdangi kalak sideban. I doni enda danci menukah sijumpai Kalak jago tah pe beluh tapi danci sulit jumpa ras kalak danci terteki. Perkara duit manusia danci la setia nangdangi siatena ngena.

  • A = arrogant ( kesombongan)

Merangap nangdangi duit danci ebahan sekalak jelma sombong, perubahan pengenena lalap ku datas la pernah ku teruh seh maka la peduli nangdangi teman. Enterem jelma erlumba ndarami duit guna mengangkat martabatna, danci jadi sekalak jelma riahen akapna ngataken ia erpangkat, gaji galang janah tading i rumah mewah ras elit. Ibandingkn ngataken ia sekalak supir angkot, pemasukan paspasen janah tading i rumah kotraken.

  • N = needs ( kebutuhan/ keperluan)

Keperlun reh meningkatna ras sura-sura meganjang erbahan erlumba datken duit alu erbage-bage cara amin pe alu cara si la mehuli, korupsi, nangko, nipu ras sidebanna.

  • G = Gods (ketuhanan/ mendewakan)

Merangap nangdangi duit danci erbahan sekalak jelma njadiken duit  dibatana. Alu melala sen entah erta  danci i akapna mereken kesenangen, kepuasen ras kebanggan i bas geluhna. Maka kalak sibage lebih mendewaken duit dibanding Kristus. Lit denga ka jelma padin akapna nundalken kinitekenna (Iman) guna ndatken duit/erta doni. Bahken lit ka si make ayat2 Pustaka guna nokohi kalak.

Maka Kalak si bagenda kerina labo kepe ngena ate Dibata.

Emaka payo sikataken Paulus, maka kita labo kaipe sibaba tubuh ku doni enda janah asum kita nadingken doni enda pe labo kaipe sibaba. Sibaba kita denggo mate eme tendinta ( jiwa/roh) guna ngadap ku Dibata. Kerina si bersifat jasmani i tadingken baik kulanta, erta, rumah, uis ras. Alu bage amin lalit inganta tading dalam arti ngontrak denga, tah pe la mewah sapo-sapo ngenca labo perlu jungut-jungut. Cukup alu danci man lit uis man paken janah geluhta pe erbahan ngena ate Dibata maka danci sidat erta i Surga.

Invocatio tangkas ngataken maka selama i Doni enda “kalak pentar tetap bayak dingen nggeluh i bas kemewahen tapi Kalak bodoh ikerikenna duit si mbaru ialokena”. Enda nuduhken maka Kalak si berhikmat ras bijaksana maka idatna kerina keperlun geluhna, tapi kalak lenge metobar ibas kai silit ibas ia labo guna kai si iperluken tapi guna kesenangena. Sebagai kalak si erkiniteken kita i ingeteken i bas geluhdu ula  kam merangap nangdangi duit ermengkahlah atendu asa si lit ibas kami ( Heber 13:5a).


Pdt. Fenty E. Br Ginting, S.Th

(GBKP Bekala)

____Klasis Medan Namorambe____

Share this post

Leave a Reply

Your email address will not be published. Required fields are marked *


Kami sedang meningkatkan kualitas pelayanan kami, jangan sungkan untuk mencoba fitur chat botnya ya, Infoin kami ya supaya chat botnya semakin canggih. Selamat Mencoba