Khotbah Minggu 17 Januari 2021, Jesus Anak Dibata, Raja Israel (Johanes 1:43-51)

Invocatio          : Kai si enggo ibegindu ibas aku nari I lebe-lebe nterem saksi, endeskenlah man kalak si ertanggung jabab, si ngasup ngajarkenca ka man kalak si deban (2 Tim. 2:2)

Ogen               : Masmur 139:1-12 (Antiphonal)

Khotbah         : Johanes 1:43-51 (Tunggal)

Tema              : Jesus Anak Dibata, Raja Israel

1. Kata Perlebe

Lit sada kata bijak ngatakenca maka Dibata labo engkelengi kita perbahan kita meherga tapi kita meherga erkiteken Dibata engkelengi kita. Ertina ibas kegeluhenta la lit hal si dapat kita banggakan, kecuali kedaulatan, kekuasaan, kemuliaan, rasp e kasih karunia Allah. Megati manusia salah ibas menilai sesuatu hal baik benda entah pe barang apalagi tentang diri seseorang. Megati kalak mapas nandangi sekalak jelma adi lenga itehna ise ia. Apai ka adi penampilenna biasa-biasa saja. Emaka lit kuan-kuan nina labo kulit nentuken isi. Bagenda me ibas minggu ephipanias enda ipetangkas tole kerna Jesus Tuhan. Tujun Dibata Mpetandaken diriNa kempak manusia e me gelah tuhu-tuhu manusia banci nandai Ia alu bage manusia banci nembah Ia alu payo.

1. Isi

Bahan khotbah minggu enda eme kap Johanes 1:43-51. Enda merupaken salah sada proses pemilihen murid-murid Tuhan Yesus. Ija ijenda Yesus ndilo Philipus ras Natanael jadi ajar-ajarna. Pendilo enda isehken Yesus alu melasken: “Mari, ikutken Aku”(Ay. 43-44). Pendilo Yesus man Philipus e terjadi secara mendadak. Ibas si e teridah kedaulaten Yesus milih ajar-ajarNa. Bali bagi si tertulis ibas Yoh. 15:16, “Labo kam si millih Aku, Tapi Aku nge si milih kam”. Ibas proses pemilihen enda nari pe ipebeteh man banta bahwa Yesus milih ajar-ajarna labo berdasarken kelebihenna tapi berdasarken kemauan ras pe kataaten para murid ibas ngikutken Yesus.

Kenca Philipus jumpa ras Yesus emaka ijumpaina Natanael ras pe ipebetehna kerna Yesus. Kenca ibegi Natanael cerita Philipus emaka nina “banci kin si mehuli reh I Nasaret nari?” (Ay. 45-48). Pertanyaan Natanael nuduhken keraguan entah pe ketidak percayaanna erkiteken status kuta, keluarga/keturunen si ipandang rendah ras pe la terhormat. Natanael memang sekalak si la mudah percaya, ras pe Natanael eme sekalak terpelajar ras meteh tentang hukum taurat. Tapi keraaguan Natanael enda la berlangsung ndekah. Arah perkatan Yesus si ngataken bahwa ia Ngidah Natanael i teruh batang ara. Enda sada ungkapen si berarti Yesus ngenen Natanael sedang bersungguh-sungguh mempelajari Taurat. Emaka isadari Natanael bahwa Yesus Tuhu-tuhu nandai Ia, arah si e pusuh Natanael tersentuh ras Natanael tek ras mengakui bahwa Yesus eme kap anak Dibata.

Pengakuan iman Natanael menumbuhkan ketaatenna untuk menerima ras ngikutken Yesus (Ay. 49-51). Guna tole nambahi kininggiten ras mpetetap ukur philipus ras Natanael ngikutken Ia, Yesus nuriken maka melala denga tanda-tanda sengget si nandangi ilakokenNa. Si lebih mesanggat e me perkatan Yesus ibas Ayat 51, “idahndu me pagi talang surge jenari nangkih nusur malekat-malekat Dibata ndahi Anak manusia si Isuruh Dibata.” Perkatan enda ibelasken Yesus guna mpertegas maka Ia me Mesias.

Benang merah teks khotbah, ogen ras invocation e me Dibata mpetandaken diriNa man banta emaka kita banci nandai Ia. Dibata mpetandaken diriNa subuk arah perjumpanta secara pribadi ras Ia bage pea rah ngoge Pustaka si Badia dingen arah pengajari kalak si deban.

• Pengkenaina
• Kegeluhen manusia enggo irencanaken Dibata ope denga manusia ijadiken. Ras Dibata tetap mpetandaken Dirina man banta arah kerina paksa si enggo I dalani ibas geluhta. Emaka tetaplah ersada ras Dibata si enggo mpetandaken diriNa man banta arah perjumpanta ras Ia bage pea rah ngoge dingen megiken kataNa (Pustaka Si Badia).
• Tetaplah erkiniteken alu paguh man Dibata erkiteken tuhu-tuhu kita itandaina. Kai siialkoken, si ibelasken kita kerina I etehna. Emaka tetap erkiniteken ras ngelakoken si mehuli si ngena ate Tuhan.
• Tetaplah melayani alu tutus ras tulus erkiteken Tuhan Yesus enggo milih kita jadi anak-anakNa.

Setiap orang percaya harus Tetap siap untuk dibentuk dan diubah untuk menjadi saksi Kristus si nggeluh ras pe banci jadi pemberita si meriah man kerina jelma.

Pdt. Imamat Tarigan, S.Th

(Ketua Klasis Menara)

___Klasis Medan Namorambe____