Pergumulen Maba Pasu-Pasu (Masmur 41:13)

Pergumulen Maba Pasu-Pasu (Masmur 41:13)

Ibas doni enda melala hal sierbahanca kita numpahi padan tempa-tempa kegeluhen enda la adil man banta. Misalna, lit jelma enggo sisampati ia ibas masa-masa sulitna tapi kenca ia enggo jore ia kange simeneken kita. Mbarenda lenga nutus ku gereja sehat-sehat nge, kenca enggo mulai nutus ertoto ras ku gereja pinakit ras masalah rehen la erngadi-ngadi. Kadang rukur kange kita, kai nge enda salahna? Lit denga kin gunana erbahan mehuli ras ngerembakken diri man Tuhan? Adi tuhu keleng ateNdu kami, cidahken dage! Melala denga kata-kata sideban erbelas ibas pusuh ras babahta.

Masmur 41 enda lahir arah dua pergumulen Daud eme pinakit ras pengkhianaten teman-teman dekatna. Secara manusia wajar Daud lemah daging kula ras pertendinna. Pinakit ngentam kulana. Pengkhianaten ngentam pusuhna. Merasa lanai erguna, itadingken tupung kotena. Kepe arah situasi pergumulen enda lahir me masmur enda bahken jadi pasu-pasu  simpegegehi kiniteken nterem jelma. Bahken masmur enda iendeken tupung kebaktin i Rumah Pertoton. Fokus mata iman Daud la ku persoalen sinihadapina tapi Tuhan si la pernah nadingken ia si sada ngalaken sienda kerina. Daud la mbiar itadingken manusia tapi kebiarenna dikune Tuhan nadingken ia si sada. Emaka akhir masmur enda ituliskenna, “IsampatiNdu aku erkiteken si mehuli si kulakoken, jenari ibahanNdu maka aku nggeluh ibas adep-adepenNdu seh rasa lalap. Pujilah Tuhan, DIbata nu Israel! Pujilah Ia genduari nari seh rasa lalap! Amin!” (Masmur 41:13-14). Pergumulen Daud jadi pasu-pasu man jelma sinterem.

 

Pokok Pikiren  : Kiniteken mengubah air mata menjadi mata air sukacita.


Pdt. Daud Sembiring

(GBKP Rg. Namorambe)

___Klasis Medan Namorambe____

Share this post

Leave a Reply

Your email address will not be published. Required fields are marked *


Kami sedang meningkatkan kualitas pelayanan kami, jangan sungkan untuk mencoba fitur chat botnya ya, Infoin kami ya supaya chat botnya semakin canggih. Selamat Mencoba