Erta Si Mehergana (Masmur 37:37)

Erta Si Mehergana (Masmur 37:37)

Secara manusiawi kerina manusia ndarami erta kebayaken. Soal gua carana ndatkenca berbeda-beda dalan si itempuhna. Lit si kerja keras banting tulang, curcur panas suari berngi guna nehi sura-sura. Lit kange kerja santai tapi ngarapken hasil luarbiasa. Lit kange kisat erdahin tapi ngarapken hasil si melala. Ibas usaha si lakokenna enda me teridah kualitasna labo saja bas kai sialokenna e. Uga ia berusaha alu mengorbanken waktu, tenaga, materi, keluarga bahken kinitekenna man Tuhan guna nehi sura-surana. Bahken lit manusia mengorbanken kesehatenna guna ndatken erta si melala, tapi paksa sakitna pagin arus ka nge ikorbankenna erta si melala guna ndatken mulihi kesehatenna e.

Masmur 37 enda lahir arah pengalamen ras pengidah Daud ibas tetap erdalan ibas dalan Tuhan, dalan kebenaren. Daud mpergermetken uga perdalanen ras pendungi kerina manusia arah dalan siitempuhna. Misalna saja, siidahna maka kalak jahat geluhna bali ras dukut si kerah, minter me ia masap, mate me ia desken sinuan-sinuan sienggo melus (ay. 2). E maka la padah nembeh ras mecimberu kerna kai pe siialokenna e. Kerna kejahatenna e gia bas doni enda pulah ia ibas ukumen tapi la banci pulah ibas ukumen wari pendungi pagin. Mata manusia banci terbuali tapi la mata Tuhan. Sikap man tatapen tapi rapuh kai siidatna e. Cara instan tanpa pegangan Firman Tuhan. Dalan pintas alu cara si la pantas. Labo bertahan ndekah. Nimai waktuna saja.

Berbeda ras kalak bujur, benar ras maba perdamen nterem me kesusurenna. Latihna e mungkin ndekah maka teridah tapi meherga kapna hasilna ras beluh ia njagasa. Pendahinna jadi pasu-pasu man jelma sinterem. Ukur mehuli lalap pehuliken. Ertana e la gampang melus. Doni ras surga jadi erta man kalak bujur ras benar. Amin

 

Pokok Pikiren  : Daramilah erta si la melus tapi tahan rasa lalap.


Pdt. Daud Sembiring

(GBKP Rg. Namorambe)

___Klasis Medan Namorambe____

Share this post

Leave a Reply

Your email address will not be published. Required fields are marked *


Kami sedang meningkatkan kualitas pelayanan kami, jangan sungkan untuk mencoba fitur chat botnya ya, Infoin kami ya supaya chat botnya semakin canggih. Selamat Mencoba