Khotbah Tahun Baru 1 Januari 2021, Tuhan Ulu Pasu-Pasu (Bilangen 6:22-27)

Khotbah Tahun Baru 1 Januari 2021, Tuhan Ulu Pasu-Pasu (Bilangen 6:22-27)

Invocatio : “Ipasu-pasu tuhanlah Kam I Sion nari, Tuhan si nepa langit ras doni!” (Masmur 134:3)

Ogen        : Galati 4:1-7

Khotbah  : Bilangen 6:22-27

Tema       : Tuhan Ulu Pasu-Pasu


Pengantar

Pasu-pasu eme si sangat iarapken tep-tep kalak. Ise si nulak pasu-pasu banci ikataken la normal. Megati pe ibas toto si ibelasken kita man Tuhan gelah ipasu-pasuNa kegeluhenta. Sebab pasu-pasu e maba kiniulin kempak perdalinen kegeluhenta ibabo doni enda. Ibas KBBI, berkat adalah  karunia Tuhan yang membawa kebaikan. arah definisi e, engkai maka manusia sangat menginginkan ras mengharapakan pasu-pasu ibas kegeluhenna? erkiteken pasu-pasu e berkaitan ras kiniulin, keriahen ras bagin si lebih baik. Janah tentuna  ibas Tahun Baru enda me momenna kita ngarapaken pasu-pasu si mbein ibas Tuhan nari, terlebih ibas ndalani dingen mentasi wari-wari pemere Tuhan ibas tahun 2021.

Penjelasen Nats

Bahan renungenta enda nggambarken tuntuten TUHAN kiniteken bangsaNa. Tujuan utama ibas kitab Bilangan enda eme gelah bangsa Israel terus maju alu tek man baNa ras perpadanenNa. Kitab Bilangan pe megati ikataken  bali ras “i Padang Gurun”, erkiteken isina mbue ngerana kerna pengalamen bangsa Israel kidekah i padang gurun. Perdalanen 39 tahun, jadi penderitaan ras ukumen la tek, jungut-jungut ras la  ngasup ngataken bujur ibas mukjizat ras pemeliharaan TUHAN.

Bilangan 6:22-27 enda, merupaken tugas si arus ilakoken Harun ras anak-anakna selaku imam guna nehken pasu-pasu TUHAN. Sura-sura TUHAN guna nehken pasu-pasuNA eme arah perantaraan imam, jadi jelas maka pasu-pasu e maler ibas TUHAN nari. PAsu-pasu e liit 3 bagin;

ay.24: Nuriken pemeliharaan TUHAN alu penuh (la tanggung-tanggung) ras penkawali ibas kejahaten nari.

Ay.25: enda ncidahken maka TUHAN keleng atena man manusia, guna mpegegehi ras meyakinken manusia maka TUHAN megiken tep-tep pertoton ras pingko-pingko si mereken pengalemi, kekelengen ras penampatNa.

Ay.26:  padan ras pemeliharaan manusia rulihken damai sejahtera, la kekurangen ras ngaloken kai pe ibas kerina si iperluken guna njadiken kegeluhen enda tuhu-tuhu. Arah pemere pasu-pasu e, iumumken imam maka ia sikerajangen TUHAN kap.

Ibas kerina pasu-pasu si enggo ibereken TUHAN man banta mbarenda, sendah ras pagin, kerina enda sialoken, lau bage reh ngauspna kita ibas ndlani kegeluhenta alu tetap erpengarapen man TUHAN. Sebab ibas TUHaN ngenca lit kepastin ibas kegeluhen enda.  bagi sikataken Paulus ibas KItab Galati 4:1-7, kita enda eme anak-anak Dibata si arus rembak, (dekat, intim dan penuh) kesungguhan man TUHAN. Kita eme ahli-ahli waris si angkat ibas budak nari jadi anak. Jadi uga kin kekelengen sekalak bapa man anakna, tentu keleng ate TUHAN lebih meln man banta. Sekalk bapa pasti mereken si terbaik man anakna.

Perdalanen kegeluhenta ibas tahun 2020, sebagai gambaren man banta ibas erbage-bage peristiwa isekelewetta, terlebih ibas akhir maret, virus Corona masuk ku Negarata, si mengguncang kerina  tatanan hidup subuk ibas ekonomi, social, budaya rsd. Mungkin enda me bagin perdalanen “padang gurun” si arus si bentasi. Kuga ibas tahun 2021, nggo nge lebih baik sibakal si hadapi? Nggo nge dung virus corona e? Labo lit sada pe si memastikenca, tapi sada si arus tetap si yakini, itengah-tengah ketidakpastian enda maka TUHAN PASTI tetap mereken pasu-pasuNa man banta. Erkiteken sie tetaplah si dalani kegeluhen enda alu tetap ngataken bujur man TUHAN.

Aplikasi.

Sigejapkenlah pe maka TUHAN ne ngenca ulu kerina pasu-pasu, si tep-tep wari isehkenNa man banta selaku anak-anakNa. Alu nggeluh dem keyakinan nandangi pasu-pasu Tuhan mpengasup kita guna ngidah maka pengkawali TUHAN e la pernah ngadi man banta. Aminna gia kegeluhen sini dalani kita bagi “perdalanen i padang gurun”, tapi adi ras Tuhan la kita kurang kai pe. Sebab ibas TUHAN kerina icukupi.


Pdt. Antonius Tarigan, S.Th

(GBKP Rg. Lau Cih)

___Klasis Medan Namorambe___

Share this post

Leave a Reply

Your email address will not be published. Required fields are marked *


Kami sedang meningkatkan kualitas pelayanan kami, jangan sungkan untuk mencoba fitur chat botnya ya, Infoin kami ya supaya chat botnya semakin canggih. Selamat Mencoba