Khotbah Nutup Tahun 31 Desember 2020, Nggeluh Dingen Tetap Rasa Lalap (1 Petrus 1:22-25)

Khotbah Nutup Tahun 31 Desember 2020, Nggeluh Dingen Tetap Rasa Lalap (1 Petrus 1:22-25)

Invocatio          : “Dage lit telu si tetap arus idalanken, eme: erkiniteken man Tuhan, Erpengarapen man Dibata, erkeleng ate man kalak si deban, janah sipentingna I bas si telu e, eme engkelengi kalak si deban” (1 Kor. 13:13)

Ogen               : Masmur 119:89-96

Khotbah         : 1 Petrus 1:22-25     

Tema              : Nggeluh Dingen Tetap Rasa Lalap


Kentisik nari bengket kita kubas Tahun si mbaru eme tahun 2021. Melala kejadin bas kegeluhenta bagepe i sekelewetta si bagi ukur bagepe la bagi ukurta. Tapi kerina dungna harus sialoken jadi sada pembelajaren man banta kerina. Tek kita maka kerina siibentasi kita labo erkiteken ngasup ras gegehta tapi erkiteken kekelengen Dibata si la ersibar. Janah ope denga sibengketi tahun si mbaru, renungenta ngajari kita kerna pendilo si tuhu-tuhu ibas kegeluhenta.

Bahan khotbah ibas nutup tahun enda ibuat ibas 1 petrus 1:22-25 nari, ija situasi si terjadi ibas paksa si e i tengah-tengah perpulungen emekap penindasen ibas pemeranteh Romawi nari si erbanca perpulungen datken kiniseran. Ras si e erbahan lit jemaat si kote kinitekenna, kekelengenna pe reh urakna erkiteken kebiaren-kebiaren si inanami ibas paksa si e. erkiteken si e maka Petrus I bas suratna mpeteguhi kiniteken perpulungen gelah tetap erpengarapen man Tuhan dingen la mesukah kote. Ras pe Petrus ngajuk perpulungen gelah tetap erbahan si mehuli, tetap perpulungen e saling mperdiateken, mereken pengapul, pergegeh ras pe ncidahken ketutusen ibas erkeleng ate ras erkiniteken.  



Lit 2 hal si penting ibas natsta enda sibanci ijadiken pelajaren man banta emekap:

Sipertama, ketika kita enggo ngalami pembersihen maka kita akan mampu menerapken kasih persaudaraan si tulus ikhlas. Kalak Kristen ngelakoken si mehuli erkiteken kasih persaudaraan. Ibas 1 Ptr. 1:22 enda ipake kata filadelfia, si ertina kasih kakak beradik.

Sipeduaken, ketika kita enggo ndatken pembersihen maka kita bersungguh-sungguh saling mengasihi dengan segenap hati. Mengasihi dengan sungguh-sungguh eme merupaken perintah utama Yesus ibas Mat. 22:39. Paulus lalap nyaranken gelah engkelengi alu dem ketutusen, erkiteken kasih nutupi mbue kel dosa (1 Ptr. 4:8). Petrus menyataken maka kasih si sungguh-sungguh hanya terjadi adi kita enggo menyucikan hati alu mentaati kebenaren Dibata. Adi la bage, kasih e akan tercampur ras motivasi ras keinginenta si salah.

Si enda encidahken maka manusia labo ngasup ncidahken fungsi kegeluhen si tuhu-tuhu adi la kin leben ngaloken pengalemi nggeluh ibas kegeluhen si mbaru. Terdauhen ka  teridah uga Petrus mengutip ibas Jesaya 40:6-8 nari maka nina la lit gegeh manusia, ia desken dukut si mesukah kerah nge ngenca. Manusia la lit gegehna adi la nggeluh ibas kata Dibata. Sebab arah kata Dibata si nggeluh dingen tetap rasa lalap, manusia banci tubuh jadi manusia si mbaru si labo tubuh arah manusia tapi ibas bapa si rasa lalap nari.

Emaka tetaplah erkemalangen man Dibata segelah banci kita jadi manusia si mbaru si banci jadi berkat man kalak si deban. Tetap saling erkeleng ate man senina turangta entah pe ras kalak si deban. Erkiteken bas Ia nge nggeluh si tuhu-tuhu dingen tetap rasa lalap. Labo terjeng mentasi wari dingen tahun saja tapi uga teptep kita kalak si erkiniteken ncidahken maka geluhta tetap badia, la sicedai kebadian si enggo ibereken Dibata alu encedai tinepa Dibata si deban. Labo kekelengen si pekulah-kulah entah pe kekelengen si erpalasken kepentingenta jine. Tapi tuhu-tuhu erkiteken penjemba kebadian geluhta, penjemba pendahin kesah si badia si ringan ibas pusuhta.


Pdt. Antonius Tarigan, S.Th

(GBKP Rg. Lau Cih)

____Klasis Medan Namorambe____

 

Share this post

Leave a Reply

Your email address will not be published. Required fields are marked *


Kami sedang meningkatkan kualitas pelayanan kami, jangan sungkan untuk mencoba fitur chat botnya ya, Infoin kami ya supaya chat botnya semakin canggih. Selamat Mencoba