Banjir Bandang Kuta Namo Pakam dan Aksi Solidaritas

Ibas tanggal 4 Desember 2020 tepatna jam 23.00-02.00 wib terjadi banjir bandang I Kuta Namo Pakam, Bajem Bekukul. Dampak banjir enda ngkenai hampir kerina anak kuta. Salah sadana rumah Pt. Pilih Br Limbeng (ketua Bajem Bekukul Namo Pakam) hancur i entam banjir bandang enda bage pe jembaten ku rumah Pt. Lopiga Depari (Ketua Runggun Namo Pinang). Selain meluapna banjir sierbahanca melala kerusaken siitadingkenna erkiteken maba kayu gelondongen i datas nari. Kondisi rumah perpulungen pe lenga banci iiani erkiteken masuk lumpur 50 cm, itambahi wari pe terus perudan sehingga anak kuta kerina harus medem ibas rumah si meganjang si la terkena banjir bandang. Erkiteken udah silalap maka Gedung Gereja GBKP Bajem Bekukul Namo Pakam jebol kena longsor.

Cataten sidata BPMK ras Bajem Bekukul maka lit 28 kk perpulungenta siterkena musibah enda. Langkah-langkah meringanken musibah perpulungenta enda maka aksi-aksi solidaritas pe igalang khusuna ibas Klasis Medan Namorambe. Aksi pertama lebe mbangun dapur umum siikoordinir Kepala Desa, janah nambahisa Runggun Gereja pe erbahan Posko GBKP ingan menampung sumbangen arah teman-teman perpulungen GBKP se-Klasis Medan Namorambe. Alu surat siilayanken BPMK man Runggun-runggun bage pe aksi spontanitas Pendeta-pendeta Klasis Medan Namorambe ipepulung bantuan materi bage pe bahan makanan. Seh berita enda itulisken lit dengan runggun-runggun simereken bantuan man perpulungenta enda. Kerina runggun-runggun pe muat bagin guna aksi enda bahken lit darat wilayah klasista eme GBKP Rg. Pangkalan Kerinci. Kabid Diakonia ras Tim KTB pe terjun mereken bantuan ku kuta Namo Pakam. Totonta maka keadaan pedas pulih mulihi man perpulungenta Namo Pakam ras aksi solidaritas enda erguna man temanta e.

Aksi Diakonia GBKP Rg. Kayu Embun Si Malem