Pelipatgandan (2 Timotius 2:2)

Pelipatgandan (2 Timotius 2:2)

Kegagalen gereja bertumbuh adi kehilangen hubungen komunikasi si intim ras Tuhan. Tuhan arus tetap menjadi penggerak pertama ras utama bas palayanen e. Sipenting genduari man banta eme uga kita seirama ras cara kerjana Tuhan. Tupung Tuhan nepa sinasa lit ise pa la nampati IA, tapi kenca itepa-Na manusia maka ijadiken-Na manusia e teman-Na guna pekena-kena doni enda. Kita sada aron ras Dibata. Akap kami semangat enda teridah ibas keberhasilen gereja guna melayani ras erberita. Emaka kegagalen e teridah adi bas persadan e hanya one man show. La lit super man tapi super team. Ula min kerina kebijaken ras eksekusi kegiaten ilakoken ras ikendaliken sekalak jelma. Adi bage pasti kehabisen energi ras waktu. Hasilna pe la maksimal. Contoh dekat banci kita erlajar arah Paulus.

Keberhasilen Paulus eme kerjasama ras penampat teman-temanna, perpulungen siipantekina rsd. Cukupkah penampat saja? Lang. Paulus erbahan regenerasi ras kaderisasi. La mungkin Paulus banci ngurusi kerina perpulungen siipantekina ras la mungkin lalap ia banci ras i doni enda. Emaka kai siibahan Paulus? Pertama, ngajari. Paulus ngajari Timotius kerna dasar-dasar kebenaren Firman Tuhan guna ngimbangi ajaren sesat silit i tengah-tengah perpulungen e. Peduaken, melatih. Paulus melatih Timotus segelah ngasup memimpin ras memberdayaken jemaat. Meteh melala tanpa latihan la kuh. Peteluken, melibatken. Paulus melibatken Timotius ibas erbage dahin-dahin pelayanen. Timotius harus jadi pemain bukan penonton.

Kai sienggo ialoken Timotius enda arus ka banci ilakokenna man kalak siertanggung jawab, siersuruh ukurna ras singasup ngajarkenca man kalak sideban ka. Artina semangat guna pelipatgandaan e salah sada solusi guna peningkaten kualitas pelayanen man gereja Tuhan bas paksa genduari. Prinsip enda arus tetap ipertahanken I tengah-tengah gerejanta. Amin.

 

Pertoton              : Ajar kami guna ngansup memberdayaken kalak sideban ibas pelayanen Tuhan.

Pokok Pikiren     : Salah sada indikator gereja sibertumbuh eme ngelakoken pelipatgandaan potensi.


Pdt. Daud Sembiring, S.Th

(GBKP Rg. Namorambe)

____Klasis Medan Namorambe____

Share this post

Leave a Reply

Your email address will not be published.