Khotbah 29 November 2020 (Advent 1), Ersikaplah! Bengket Me Raja (Masmur 24:7-10)Mulia (

Khotbah 29 November 2020 (Advent 1), Ersikaplah! Bengket Me Raja (Masmur 24:7-10)Mulia (

 Invocatio         : Tetap min kam erbenting kibul dingern ersinalsal pe lampundu” (Luk. 12:35)

Ogen               : Lukas 12:35-40 (T)

Khotbah          : Masmur 24:7-10

Tema               : Ersikaplah! Bengket Me Raja Mulia


PENJELASEN

Erkemalangen man Tuhan  (mehamat, hormat) tanda kehamaten e ertina nggit megiken ras ndalanken  kai si ikataken-Na,  la kita nggit mengecewaken Tuhan,  ula bahan ceda ate  kesah Dibata (Ep.4:30). Nggeluh alu bujur la nggit pebengeket kuasa si deban seakatan kuasa Tuhan Ngenca, sebagai anak  Tuhan biak simehuli ngencalah si pertahanken alu nggeluh ibas kegeluhen si mbaru, kuan-kuan kalak karo “labo terpegedang jambe la ertangke, pegedang pe nimai macikna nge” ertina sura-suranta si rusur mpesenangken daging kulanta  mungkin em rusur si buena kel jadi pusat perhatinta, bicara si usur-usur pe ngikutken sura-sura daging e labo lit oratna, sebab e sementara ngenca ras sia-sia.

Ibas bahan khotbahta enda merupaken masmur Daud. Sibanci jadi ipersiapken guna ngalo-ngalo peti perpadanen Dibata si ipindahken ku Jerusalem I rumah Obed Edom nari.  “Angkatlah pintu gerbang si nuria maka bengket Raja mulia e” ise kin Raja Mulia e? Raja Mulia e me Tuhan si permenang ibas perang (ngelawan kuasa jajahen iblis). Jerusalem sindekah ikuasai Pilistin desken kalak motu takalna tungkuk erkiteken italuken, inanamina mbue kiniseran ras keputusasaan si enggo ndekah ndemi pusuhna. Alu kerehen Raja Mulia ndai ulanai tungkuk takal, tapi nggeluh dem keriahen, optimis ras meriah ukur erkiteken kemenangen si iberekenNa. Pengalamen Daud naksiken kerna sie. Tole ibas ogenta kitab Lukas isenaken ugakin oratna kegeluhen manusia ibas ngalo-nalo kerehen Tuhan ijelasken Jesus bagi sekalak budak sinimai kerehen tuanna mulih, arus enggo ersikap katawari pe, ras e ncidahken kesetiaan ras kepatuhenna man tuanna e.

Jadi masa Adven e me masa ersikap: pusuh peratenta ersikap alu meteruk rukur ngaloken Yesus selaku Juruselamatta; bage ka pe i bas ngaloken teman kita pe perlu ersikap ncidahken solidaritas nandangi temanta si sada kiniteken bage pe solidaritas nandangi tetangganta si membutuhken keleng ate Tuhan i bas geluhna. Sitawarkenlah Yesus si mereken kegeluhen si rasa lalap janah sitawarken geluhta jadi teman si solider man bana. Ersikap ningen e : ertina focus ula ercabang (konsentrasi) sebab iblis penipu rusur kel  erdahin ibas kalak si ndauh-ndauh ukurna. Ula bere sitik pe kesempaten man iblis ndatken celah meneken kita. Metenget : Ula mesunahsa tek man kalak si ngaku maka bas ia lit Kesah Dibata (1Yoh.4:1). Pasu-pasu Tuhan si iberekenna pagin  ibas kerehen Jesus ku doni enda, pasu-pasu si kekal ras bertahan rasa lalap, jadi la kita fokus ndarami “pasu-pasu” si terbatas. Alu kata si deban aminna pe kita tading ibas doni si dem kegeluluten mari perukurenta tertuju (fokus/berpusat) ku bas hal-hal surgawi. Njaga kebadian : surga eme ingan si badia, badia megati iertiken alu kata “terpisah,  dari yang kotor, la campur (murni), ertina hanya kalak si badia ngenca banci bengket kubas ingan si badia, sebab sila badia la senyawa (la banci ersada) ras si badia. Bagi sikap budak sinimai kerehen tuanna bageme sikap ta ngalo-ngalo kerehen Jesus, termasuk ibas kita ngalo-ngalo kerehen Tuhan sipeduakaliken (Advent Parousia)  tah katawari pe Tuhan e reh kita enggo sikap. Janah ibabo kita ersikap ngalo-mgalo kerehen Tuhan si peduakaliken, kita terus ipegeghi, ipersiapken  alu erbahan advent ketubuhen Yesus Kristus (advent Natal), gelah kita semakin ipersiapken jadi anak-anak Tuhan si nggeluh ibas dame. Emaka ibas minggu-minggu Adven enda p pe mari si pesikap ukurta, jabunta gelah alu pusuh si dem dame ras keriahen kita erbahan perayaan Natal. Terlebih ibas masa Covid 19 enda iajuk gelah arah perayaan natal kita ipegegehi ka jadi pribadi si lebih meteruk rukur, lebih solidaritas (mediate ras kepate) nangdangi keluarga, gereja ras mayarakat.

 


Pdt. Jeri Karlo Tarigan

(GBKP Rg. Tangkahen)

____Klasis Medan Namorambe____

Share this post

Leave a Reply

Your email address will not be published. Required fields are marked *


Kami sedang meningkatkan kualitas pelayanan kami, jangan sungkan untuk mencoba fitur chat botnya ya, Infoin kami ya supaya chat botnya semakin canggih. Selamat Mencoba