Ula Duaken IA (Keluaren 20:3)

Ula Duaken IA (Keluaren 20:3)


Lit kata ajar arah tua-tua nina “dirumah ada orang yang mendoakanmu namun di tempat lain engkau menduakannya.” Sierkeleng ate e ras sinotoken mejuah-juah se isi jabu e tetap nge ndehara labo teman selingkuh. Teman selingkuh pasti sura-surana ncedai labo maba kejuah-juahen. Keluarga e ingan mbangun rumah rohani sedangken teman selingkuh e mbangun rumah birahi.

Gambaren erkeluarga e gambaren kinitekenta er Dibata. Adi jabunta la harmonis pasti kinitekenta e perlu koreksi. Hubungen keluarga terganggu maka hubungen er Dibata e pe lit ganggun. “Ola sembah dibata-dibata si deban, tapi sembahlah Aku, nina Tuhan man bangsa Israel. Tahapen sipertama enda bangsa Israel arus lulus adi atena bengket ku tahapen selanjutna. Engkai? Sebab si ituntut ijenda eme kap pusuh sibersih, tulus, tutus, ras keleng ate situhu-tuhu. Asal pusuhna enggo mantap maka kai gia jadi la pernah ia ngobah padan dingen ngeluk perdalan. Uga gia kerahna gurun pasir e la ia ngobah perdalan dingen mulih atena ku Mesir, numpahi Tuhan ras persuruhenNa. Mekatep bangsa Israel ndabuh ku bas perangkap iblis.

Pelajaren man banta segelah mbulatken pusuh ersembah man Tuhan segelah la tergiur alu hebat, jilena ras mantapna promosi Iblis man banta seh maka nggit kita “selingkuh” ras ia.

 

Pertoton          : Pengasup kami ersembah man baNdu Tuhan.

Pokok Pikiren  : Pusuh siersembah enda me jadi gegehta guna erkiniteken man Tuhan.


Pdt. Daud Sembiring

(GBKP Rg. Namorambe)

___Klasis Medan Namorambe_____

Share this post

Leave a Reply

Your email address will not be published. Required fields are marked *


Kami sedang meningkatkan kualitas pelayanan kami, jangan sungkan untuk mencoba fitur chat botnya ya, Infoin kami ya supaya chat botnya semakin canggih. Selamat Mencoba