Salah Arah (Jesaya 44:10)

“Labo lit ertina erbahan gana-gana besi janah nembahsa desken dibata” (Jesaya 44:10)

Tuhan nepa manusia menam seri bagi rupa ras tempasNa jine, dingen ibekaliNa alu potensi si luar biasa hebatna guna nembah IA. Ambah sie ibereNa tugas guna mpekena-kena isi doni enda gelah mehuli dingen sikap. Salah sada potensi manusia eme kemampuan berkreasi ras berinovasi. Guna berkreasi ras berinovasi manusia ibereken jiwa seni ibas mencipta nilai-nilai keindahen, jiwa ekonomis ibas mengubah ras menambah nilai sada barang. Misalna saja, seni pahat batu tah kayu, lukisan minyak rsd. Kreatifitas enda mestina maba kejuah-juahen baik arah aktualisasi diri, ekonomi, rsd. Bahken nilai seni ras ekonomis enda banci dalan guna muji ras nembah Tuhan. Melala pesan banci si dat arah kreasi seni enda. Simbol-simbol keagamaan perlu sentuhen kalak si lit jiwa senina sebab perlu kreatitifas ras inovasi tapi la ngelupaken tradisi sejarah iman kalak Kristen. Misalna; salib, gereja rsd.

Ngidah sienda iblis mencari celah pintu masuk guna mabai manusia ndauh arah sura-sura Dibata. Salah sada trikna eme menanamken benih cinta, ketertariken, kagum, kiniganjangen ukur ibas diri manusia. Benih siitanemken Iblis e turah ras reh mbelinna. Banci perturahna alu mindo kuasa Iblis, banci saja gila kerja seh maka lanai lit waktu ras ukurna guna Tuhan, tah sikap meganjang ukur sebab hebatna akapna kerina maka sie kerina jadi. Ibas ayat 10, kata ibrani siipake eme kata pesel siertina idol (idola); memuja, memuji. Ise simuja, memuji, mengidolakan lebih daripada Tuhan maka kita enggo salah arah. Kerina enda sarana kita bertumbuh ibas Tuhan labo tujun akhir bahken mpedauh kita ras IA.

Pertoto                  : Ajarilah kami tetap mpelebeken sura-suraNdu Tuhan. Amin

Pokok Pikiren       : Berhala modern labo soal nembah patung ras gana-gana tapi memuja dunia.

Pdt. Daud Sembiring

(GBKP Rg. Namorambe)

___Klasis Medan Namorambe___