Khotbah Minggu 22 November 2020 // Pendungi Tahun Gereja // Matius 25:31-46 (Ukumen I bas Wari Pendungi)

Invocatio      : “Jenari pulung me kerina manusia i lebe-lebeNa. Kenca bage ibagiNa me manusia manusia e jadi dua terpuk, bagi permakan nerapken biri-biri i bas kambing nari; biri-biri arah kemuhen, kambing arah kawes” (Mat. 25:32-33)

Ogen                 : Esekiel 34:11-16

Khotbah:        : Matius 25:31-46 (T)

Tema                : Ukumen I bas Wari Pendungi

1. Kata Perlebe

Syalom…Mejuah-juah kita kerina ngawani perpulungen Tuhan Yesus. Selamat wari Minggu!. Senina ras turang ibas Tuhan Yesus Kristus, ngerana kerna berita kerna wari pendungi man kalak Kristen si tuhuna labo hal simbaru. Sebab bas wari eme Yesus reh si pedua kaliken. Wari e biasa igelari Parousia. Secara umum wari e ianggap jadi kebiaren, sebab lit pengakap maka wari pendungi eme akhir segalanya. Emaka melala kalak si erban isu-isu kerna waktu rehna wari pendungi e. Sada peristiwa sicukup jadi ingeten terjadi sekitar tahun 2003, ija lit sekalak Pandita sada gereja nuriken maka bas tanggal 10 November 2003, ije me wari pendungi e. Enterem jemaatna pulung ibas sada ingan guna ertoto, rende, puasa, seh piga-piga wari, lit deba ndayaken ertana, taneh, seh rumahna guna ngalo-ngalo wari pendungi e. Tapi kinatana labo kai pe lit terjadi. Tapi peristiwa e labo erban kalak si mengaku Kristen e tole erlajar bas Pustaka Si Badia. Sebab isu si seri pe munculka ibas tahun 2012. Enterem kalak mbiar kerna wari e. Seh maka idokumentasikan ibas sada film si cukup laris kerna wari pendungi e. Engkai maka sempat bage? Engkai maka enterem pe kalak Kristen mbiar dingen mesunah terkecoh ibas berita wari pendungi e? Ija nge akar masalahna? Mari terdauhen sigargari nats khotbahta sekali enda.

1. Isi

Nande, bapa, turang, senina, Adi siperdiateken khotbahta ibas Matius 25:31-46 e, banci siidah maka nats enda nuriken khotbah Tuhan Yesus kerna wari pendungi. Ogenta ibenaken kerna kerehenNa si pedua kaliken ibas kemulianNa. Paksa Ia reh mulihken, maka kerina jelma ipepulung i lebe-lebeNa, janah ipeserap sada-persada, apai si bengket ku bas terpuk biri-biri itamaken ku arah kemuhenNa, janah si masuk kategori kambing, itamaken ku arah kawesNa (inv). Kira-kira kai nge palasna pemisahen kategori biri-biri ntah kambing e? La kin palasna arah Kristen ntah la Kristen agamana? Adi bage si arah kemuhen kerina kalak Kristen, janah si arah kawes kerina si la Kristen. Payo kin bage palasna pemisahen terpuk e? Sayangna la bage!. Kata Dibata justru nuriken hal si berbeda.

Terpuk biri-biri eme kalak si ndatken bagin ibas kinirajan surga. Janah terpuk kambing eme kalak sindatken ukumen si rasa lalap si la erkeri-kerin, eme api si la ernimpet-nimpet si enggo isikapken man iblis ras malekat-malekatna. Kai nge dasar pemisahen e? Tuhan Yesus jine ngatakensa maka kalak si lit bas terpuk biri-biri e nggo nampati Ia alu meresa man tupung Ia melihe, asum Ia muas iberena minem, asum Ia tandang idilona guna kesilang i rumahna, asum manjang-anjang Ia iberena uis, asum sakit Ia iadep-adepna, tupung ipenjara Ia idahina. Sementara kalak si lit bas terpuk kambing justru melakukan hal sebalikna. Kai siituriken ibas nats e pasti erban kita sengget. Ula lebe kita, kalak si lit bas terpuk biri-biri e pe heran ras nungkun ia man Tuhan. Katawari kin kerina e ilakokenna man Tuhan nina. Sebab ia sendiri pe la teh sa. Tapi nina Tuhan Yesus alu tegas ituriken bas ay.40, maka kai saja siibahanna man kalak simusilna ibas seninaNa, eme me perbahanenna man Tuhan. Hal si seri pe isungkun kalak si lit bas terpuk kambing, emaka nina Tuhan Yesus ibas ay.45. asum la ia nggit nampati sekalak ibas seninaNa si musilna e, Ia kap si la isampatina e.

Tuhan kita memang Tuhan yang luar biasa, Ia tidak pernah berkekurangan karena Ia sendiri adalah pemiliki dunia beserta isinya, bahkan emas dan perak juga adalah milikNya (Hag 2:9). Jika demikian, bagaimanakah kita bisa memberi makan kepada Tuhan? Ingatlah bahwa orang-orang yang menderita itu menjadi fokus Tuhan Yesus ketika ia datang untuk melayani di bumi ini. Memang keselamatan ada di dalam nama Yesus, tetapi keselamatan itu pun bukan hanya kita simpan sendiri. Orang yang telah diselamatkan dan menerima kasih Tuhan juga harus menjadi saluran kasih dan saluran berkat bagi sesama.

III. Pengkenaina

Senina ras turang, ibas minggu pendungi tahun gereja enda, isehken bahan khotbahta enda gelah mabai kita guna rukur ras menginstropeksi dirinta sekalak-sekalak. Uga kin sedekah enda perbahennta nandangi turang ras senintata, ntah pe jelma i sekelewetta? Tuhu kin perbahanenta enggo mpermuliaken Tuhan selaku kita pengikut Kristus? Apakah kita sudah mengasihi orang-orang lain, yang mungkin berkekurangan, sakit, terlebih orang-orang yang belum percaya kepada Tuhan? Jika kita sama sekali belum memiliki kasih seperti itu, patut kita renungkan, jangan-jangan sebenarnya kita sendiri belum merasakan kasih Tuhan dan belum menerima keselamatan dari Tuhan. Sebab labo kepeken agama secara formalitas, tapi implementasi erkiniteken e siarus si praktekken. Adi la bage si ban, maka ukumen ibas wari pendungi e pagi sialoken me, itamaken me kari ku bas terpuk si arah kawes Tuhan. Bagi bas ogenta ibas Esekiel 34:11-16, icidahken uga Dibata nuduhken maka Ia desken permakan si bujur. Man biri-biri pe adi jahat perbahanenna, isehken Tuhan me ukumenna. Ibas paksa si e kata e isehken nabi Esekiel man kalak Israel ibas taneh pembuangen Babel, guna jadi pengapul, pengarapen ras pengajaren man kalak Israel gelah jera dingen robah ibas dosa-dosana nari. Bage pe man banta, marilah gundari nari, tole si pebagesi kinitekenta, erlajar arah Pustaka Si Badia, gelah siangka sura-sura Tuhan dingen silakokenka ibas geluhta. Tidak hanya terlena sebagai pendengar Firman, tapi hendaknya hidup kita adalah sebagai pelaku Firman Tuhan. Amin

Pdt. Desniria Br Ginting, S.Th

(GBKP Rg. Kayu Embun Simalem)

___Klasis Medan Namorambe____