Kata Tuhan Si Ergegeh (Masmur 33: 6)

Kata Tuhan Si Ergegeh (Masmur 33: 6)

“Alu perentahNa jine Tuhan njadiken langit jadi me matawari, bulan ras bintang-bintang bekas tinepaNa” (Masmur 33:6)



Lit kutipen sekalak guru spiritual arah tiongkok nina: “Awasi pikiran anda, itu menjadi kata-kata. Awasi kata-kata anda, itu menjadi tindakan. Awasi tindakan anda, itu menjadi kebiasaan. Awasi kebiasaan anda, itu menjadi karakter. Awasi karakter anda, itu menjadi takdirmu.” (Lao Tze). Konsepna jelas bahwa takdir kita itentuken arah pikiran si iawasi, i control dingen iarahken.

Mungkin agak berbeda tapi akap kami lit nge e benang merahna penggalen kata-kata si idatas enda. Tuhan enggo nepa langit ras doni arah kataNa. Kerina jadi bekas Kata (Firman) Tuhan. Firman Tuhan e la saja erkuasa nepa, tapi njaga sinasa lit e tetap i teruh kuasaNa. Adi erlajar kita kerna ibas proses penciptaan langit ras doni maka ketidakhadiren Tuhan erbahanca gelap mesangat, rontang, la ertempas (Kejadin 1), kerah dingen la lit kegeluhen (Kejadin 2) tapi kehadiren Tuhan erbahanca litna terang, kegeluhen ras kiniraturen. Umputenna maka pengalamen penciptaan enda teridah arah uga perdalanen bangsa Israel. Adi ia la nggeluh ibas Firman Tuhan maka kesusahen lalap jadi sekerajangenna. La tahan adi lit serangen bangsa sideban. Ulih pendahin pe la bagi ukur, dosa/ pinakit masyarakat merajalela. Nasibna pe enggo ieteh adi nilah ia arah Firman Tuhan e.

Alu perentahNa (Firman) jine Tuhan njadiken langit ras doni…..(Masmur 33:6), janah alu perentahNa ka Tuhan jine enggo nelamatken kita arah Jesus Kristus. Kata Tuhan e ergegeh menai, menuntun ras ndungi perdalanen kegeluhenta. Erlajar arah proses penciptaan ras pengalamen iman bangsa Israel uga gegeh Kata Tuhan e menentuken takdir kerinana maka enggo sieteh uga takdir geluhta i doni ras ingan sirasa lalap. Amin.

 

Pertoto                : Ajarilah kami tetap erdalan ibas KataNdu Tuhan. Amin

Pokok Pikiren     : Kata Tuhan e tuhu-tuhu ergegeh dinge erkuasa.


Pdt. Daud Sembiring

(GBKP Rg. Namorambe)

____Klasis Medan Namorambe____

 

 

Share this post

Leave a Reply

Your email address will not be published. Required fields are marked *


Kami sedang meningkatkan kualitas pelayanan kami, jangan sungkan untuk mencoba fitur chat botnya ya, Infoin kami ya supaya chat botnya semakin canggih. Selamat Mencoba