Berbanding Lurus (1 Johanes 2:3)

“Adi patuh kita ngikutken perentah Dibata tandana kita nandai Dibata.” (1 joh 2:3)

Lit sekalak singuda-nguda, tepatna ibas “Hari Ibu” i postingna me kata-kata “Buat mamakku yang tercinta, hatimu sungguh mulia dan perkasa. Ijinkalah aku menyenangkanmu diusiamu yang tidak muda lagi. Selamat Hari Ibu y mak!!!” Melala mereken respon positip ibas postingenna e. Saja nandena la meteh er-media sosial selain erdahin ku juma. Ibas latihna erdahin e isuruhna me anakna e erdakan ras mbersihken rumah. Minter belas-belasna merampus dingen megentes man nandena. Cakap manis i media sosial tapi nandena tangis i bagi kalak kena sial.

“Adi patuh kita ngikutken perentah Dibata tandana kita nandai IA.” (I Johanes 2:3). Ngikutken perentah ras nandai e berbanding lurus, sendalanen. Semakin ikut perentah Tuhan njadiken kita semakin nandai ise Tuhan. Semakin si tandai Tuhan mehemat ras keleng ateta Tuhan e. Belas-belas la bias ncidahken ukur si mehuli. Meteh ras ndalanken kata Tuhan e mendewasaken kinitekenta. Meteh mehuli tapi ndalanken si la mehuli njadiken pusuh rate mesui labo njadiken geluhta tambah uli. Tading i rumah pertoton labo erbahanca kita tutus ertoto sebab erbelas pe gelah menggo, asal balas gelah enggo mindo. Gua ninta meteh lit kuasa toto. Emaka nggeluh erkiniteken enda seri bagi meteh melala kerna pangan ntabeh labo njadiken kita besur ras ergegeh tapi panlah pangan e segelah jadi gegeh dingen meneken lehenta.

Meine Cordero pernah ngataken “Saat Iblis melangkah, Tuhan membunyikan alarm. Dengarkanlah alarm itu dan perhatikanlah peringatannya. Itu bisa menyelamatkan hidup dan nasib anda.” Carana meteh alarm, Kata Tuhan penunjuk langkah. Nggeluh ibas KataNa. Amin

Pertoton          : Ajar kami nggeluh ibas terang KataNdu Tuhan. Amin.

Pokok Pikiren  : Nggeluh enda arusna berbanding lurus, kata ras perbahanen, keleng ate ras ngikutken Kata Tuhan.

Pdt. Daud Sembiring

(GBKP Rg. Namorambe)

___Klasis Medan Namorambe____