Ula Pedas Muat Kesimpulen (Johanes 2:22)

Ula Pedas Muat Kesimpulen (Johanes 2:22)


Lit dua hal sindatken ingan simehamat ras meherga ibas kiniteken kalak Jahudi eme Rumah Pertoton ras Pustaka Sibadia. Bicara dua simbol enda i ganggu maka secara spontanitas ndatken perlawanen. Tapi ibas sada kesempaten Jesus mpelawes kalak sierbinaga ibas Rumah Pertoton e seh maka aksina ndatken perlawanen arah kalak Jahudi sierkuasa. Jesus atena ngeruntuhken ras majekken mulihi Rumah Pertoton e ibas telu wari. Pernyataan Jesus e la iantusi jelma sinterem kai ertina. Sebab kai siikataken Jesus e la masuk akal rikutken akal logika ras Pustaka Sibadia siipahamina.

Ajar-ajar pe labo ngantusi kai erti kata Jesus e ope lenga idahna Jesus nggeluh mulihi ibas kematen nari. Emaka kenca Jesus keke, iinget ras irenungkenna kerna kata Jesus e janah tek ia kerna kai sienggo isuratken ibas Pustaka Sibadia bagepe kai siikataken Jesus e. Padahal Rumah Pertoton eme diriNa, kulaNa. Terkadang rahasia kata Dibata e labo pedas banci siantusi ras simengerti. Mungkin butuh pengalamen, waktu si ndekah ope lenga Dibata mbuka pusuh ras pinggelta guna ngaloken Kata Dibata e. Erlajar kita arah cerita enda ola peas erbahan kesimupulen adi titik terang e lenga siidah. Ipelajari, i renungken ras i totoken segelah Dibatalah mbuka pusuh ras pikirenta kerna rahasia KataNa man banta.

Pertoton                      : Tuhan pengasup kami ngantusi rahasia kataNdu.

Pokok Pikiren              : Ula pedas erbahan kesimpulen tapi berelah waktu ras cara Tuhan mbukakenca rahasiaNa man banta.

 


Pdt. Daud Sembiring

(GBKP Rg. Namorambe)

___Klasis Medan Namorambe_____

Share this post

Leave a Reply

Your email address will not be published. Required fields are marked *


Kami sedang meningkatkan kualitas pelayanan kami, jangan sungkan untuk mencoba fitur chat botnya ya, Infoin kami ya supaya chat botnya semakin canggih. Selamat Mencoba