Melayani Sampai Garis Batas (2 Timotius 4:8)

Melayani Sampai Garis Batas (2 Timotius 4:8)

Emaka genduari nggo sikap hadiah kemenangan e guna iendesken man bangku, eme rudang-rudang kebenaren siibereken Tuhan, Hakim si adil, siiberekenNa man bangku i bas wari e. Janah hadiah e labo man bangku saja tapi man kerina kalak si nimai kerehenNa alu erkeleng ate.” (2 Timotius 4:8)



Timotius eme anak rohani Paulus sibutuh pedah ras usihen Paulus bapa rohanina. Ngidah kecibal pelayanen Timotius simelala tekanen pemerintah Roma bagepe guru-guru perguak maka itulis me surat 2 Timotius sanga ia ibas penjara Roma. Paulus nuriken maka wari-wari geluhna enggo ndeher guna kematenna jadi persembahen guna injil. Bicara bage pe la lit alasen guna ngadi erberita. Kai sienggo ibenai ibas gelar Tuhan maka arus idungi e alu mehuli seh garis batas janahna tetap ncikep kiniteken man Tuhan (ayat 7). Kematen pasti reh tapi arus dem pengarapen. Kematen e dalan guna ndatken rudang-rudang kebenaren. Nina Paulus “E maka genduari enggo sikap pemere kemenangen e guna iendesken man bangku, eme rudang-rudang kebenaren siibereken Tuhan, hakim si adil, siiberekenNa man bangku ibas wari e. janah pemere e labo man bangku saja tapi pe man kerina kalak sinimai kerehenNa alu erkeleng ate (ayat 8).”

Rudang-rudang kebenaren eme upah siibereken Tuhan man kalak sitek kerna kerehen Tuhan Jesus sipeduakaliken. Upah e ncidahken maka kai siibahan kita i doni enda lit ergana i lebe-lebe Dibata. La lit pelayanen si la iperhitungken Dibata. Tugasta genduari eme ula ngadi erberita janahna menempa diri segelah ngasup ngkuasai diri, megenggeng ras nggit ersaksi kerna kerna Kristus. Pekeri gegehlah ibas kesempaten siibereken Dibata man banta guna ngalakoken hal simehuli.

 

Pertoton          : Pengasup kami tutus erberita simeriah.

Pokok Pikiren  : Ngelailah seh ku garis batas gegeh ras waktunta.


Pdt. Daud Sembiring

(GBKP Rg. Namorambe)

____Klasis Medan Namorambe____

Share this post

Leave a Reply

Your email address will not be published. Required fields are marked *


Kami sedang meningkatkan kualitas pelayanan kami, jangan sungkan untuk mencoba fitur chat botnya ya, Infoin kami ya supaya chat botnya semakin canggih. Selamat Mencoba