Buktikan Kalau Kau Sahabat-Ku (Johanes 15:14)

Buktikan Kalau Kau Sahabat-Ku (Johanes 15:14)

Kam teman-temanKu adi idalankenndu kai si Kupedahken man bandu.”

(Johanes 15:14)



Ibas Matius 7:21, “Labo kerina kalak erlebuh man bangKu, o Tuhan, Tuhan! Bengket ku bas Kinirajan Surga, tapi kalak singelakoken rikutken singena ate BapangKu i Surga nge bengket kubas Kinirajan e.” Akap kami dua perkatan enda jelas maka labo kerina ikataken teman e jadi teman si tuhu-tuhu (sahabat sejati). Labo kerina sierlebuh man Tuhan e siersembah situhu-tuhu (penyembah sejati). Terkadang bahken melala sahabat palsu, penyembah palsu. Gua ninta ngidah ketuhu-tuhun e ras kepalsun e, tah mungkin kita ka salah sadana?

Pertama, Si palsu biasana muat saja, mengorbanken temanna guna kepentingenna saja tapi ketuhu-tuhun e mere si terbaikna, nggit berkorban man sinikelengina. Ija kita? Masing-masinglah kita mengoreksi diri. Peduaken, tanda kam temanKu maka buktiken alu ngikutken pedah-pedahKu nina Jesus. Dalankenndu bagi singena ate BapangKu i Surga, niNa ka. Pedah siibereken Tuhan maba keterkelinen, kesangapen ras pasu-pasu labo maba kematen ras kebenen.

Jesus selaku teman sejati kita enggo mereken geluhNa, KesahNa segelah kita terkelin. Kai nari siakap keleng ate simbelinna seakatan nggit mereken dirina mata guna teman sinikelengina. Bage mbelinna pemere Dibata e janah sada ngenca pindoNa eme dalanken pedahNa em singena ate Dibata janah Surga enggo sikap nimai kalak simenang jadi teman sejati Tuhan. Amsal 17:17, “Teman tetap ncidahken atena keleng, kai gunana sekalak senina adi labo ikut ibas nggejapken kiniseran?” Buktiken kam temanKu, janah Aku enggo Kucidahken kam temanKu ibas keleng ateKu si la ersibar. Amin.

 

Pertoto            : Ajar kami jadi ncidahken keleng ate kami Tuhan. Amin

Pokok Pikiren  : Bukti keleng ate Tuhan enggo cidahkenNa, buktinta?


Pdt. Daud Sembiring

(GBKP Rg. Namorambe)

___Klasis Medan Namorambe____

Share this post

Leave a Reply

Your email address will not be published. Required fields are marked *


Kami sedang meningkatkan kualitas pelayanan kami, jangan sungkan untuk mencoba fitur chat botnya ya, Infoin kami ya supaya chat botnya semakin canggih. Selamat Mencoba