Tuhan Besertaku (Mazmur 105:15)

“Ola suhsahi bangsa pilihenKu,

Ola bahan jahat man nabi-nabingKu.” (Masmur 105:15)

Kutipen Masmur enda agak unik. Mekatep teridah uga rawa Tuhan man bangsaNa erkiteken nadingken, dingen nundalken IA. Bahken, bangsa enda erkidua, nembah man Baal tapi sekaligus ka nembah man Tuhan. Perban sie, rawa Tuhan reh man bana. Amin bage gia keleng ate Tuhan tetap la ersibar. Gia iendesken Tuhan bangsaNa ijajah bangsa sideban erkiteken dosana, tapi keleng ate Tuhan tetap merancang simehuli iba setiap situasi. Emaka bangsa Israel iajari ngadi meratap tapi tetap berharap. Kerina siterjadi jadi dalan Dibata mereken siterbaik ras pasu-pasuNa man bangsaNa kerina. Ukumen ras pasu-pasu tetap lalap sendalanen ibereken Tuhan. Kadang Tuhan mabai bangsaNa kubas padang gurun si kerah segelah teridah cara Tuhan ncukupken saat kai pe lalit siman arapenken. Arah kejadin enda melala kita banci erlajar. Sebab, Kadang Tuhan mereken kesempaten titik terlemah, kekurangen kita erkuasa ras ergegeh melemahken semangat segelah teridah maka Tuhan e ergegeh dingen erkuasa. Terkadang Tuhan mengijinken kita remuk ras terpuruk segelah lit kesempaten Tuhan ngangkatken kita reh ganjangna.

Lit sada kutipen Kaisar Romawi, Markus Aurelius, “Bersikaplah kukuh seperti batu karang, yang tidak putus-putusnya dipukuli ombak. Tak saja ia berdiri tegak, bahkan ia menenteramkan amarah ombak dan gelombang itu.” Tuhan labo pernah isalahkenna situasi, keadaan tapi ateNa melatih anak-anakNa ndatken pusuh simegegeh dingen paguh. La saja dirina ngeca sikap ibas latihen enda tapi banci menentramken mbelinna masalah, perbeben, rikut ras pendahin simenyita energi kal. Baik bangsa Tuhan, nabi-nabiNa, GerejaNa tetap ientam ombak simbelin, bahken tiap wari kejadin enda terjadi tapi anak-anak Tuhan tetap pajek cinder. Labo piga kali kita entam ombak tapi uga megegehna aku ngalaken ombak enda. La saja ia ngenca teridah megegeh luarbiasa tapi singelawan ia pe lanai pang ngerana kerna sie.

Pertoton            : Tuhan ula tadingken aku gia kentisik pe. Amin

Pokok Pikiren  :  Adi Tuhan pembelanta, ise nari siman kebiarenken.

Pdt. Daud Sembiring

(GBKP Rg. Namorambe)

____Klasis Medan Namorambe____